[帶住父母去旅行]12日橫越日本列島 (札幌 ~ 鹿兒島)

係雲場池個入口影過去
就咁用手機影冇執過相已經係咁靚

唔信你睇番#151，入面嗰張仲似wallpaper
https://lihkg.com/thread/1957043/page/7

巴打都影得靚, 一次都未去過輕井澤, 原來有咁靚既景

巴打去襯旅行都好好天。
d相好靚

JR 全國 pass green car版抵唔抵買

抵到爛

唔知下年去唔去到 預左成7皮for兩個人去

Green car版梗係抵買
經常可以坐第一卡，啲位又闊
但要plan定你會搭到幾多次Green car
因為大部分green car都要劃位
如果你係free style唔係預早劃既話
到時去到站先即場劃位可能要排好耐隊

可能都係一兩程新幹線，跟住都係市內啲特急/通勤

學唔到你咁好腳力，搭咁多次新幹線，又去到咁多地方好佩服

我就咁睇既
Japan Rail Pass (JRP)用係橫跨JR區域係比較方便
例如大阪同名古屋係分屬JR西日本同JR東海
如果你玩哂兩個地方，你可能要買2張pass分別係一邊用，可能加埋用唔盡會蝕
JRP就簡單，一張過，總之係JR我就搭得唔駛諗

但當你玩既地區只係單一JR管轄區既話冇必要買呢張
買番佢哋自己出既Pass仲抵
好似如果你剩係玩關西地區
JR西日本既關西廣域鐵路周遊券就好好用
可以搭のぞみ, みずほ呢啲停最少站既新幹線
又可以搭去天橋立嗰啲私鐵，JRP全部做唔到

7日green pass就39600yen
如果係咁就可能要計清楚啲
因為新幹線green car最貴，但你得一兩程
好似東京來回輕井澤其實都係萬5yen咁上下
之後搭短途green特急要砌到2萬幾yen都唔係一件易事
除非你真係好想好想好想試green
如果唔係都係買番7日普通，甚至其他pass
或者買張正價Green car位過下癮

你見我搭到咁多車玩到咁多
係因為我事前計左好多數減低等車時間
我今次已經算為左兩老行慢啲而增加左候車時間
如果係我上兩個獨遊trip的話
我去到車站應該5分鐘內架車就會到
咁就多左好多時間真係去睇去玩去食

搭得嗰幾程就咪撚買green啦
蝕到仆街啊

唔該曬
我暫時係打算由東京玩到落大阪，我仔細去計下條數先，再決定睇下買唔買pass

自己都不了

咁你就咪去wh啦

繼續wallpaper時間
因為我地早到，所以冇乜人阻住個鏡頭
影相特別靚






行左1個圈之後就行去Outlet
其實就係行番原路去番新幹線站出另一邊出口
係呢個時間個天開始多雲想落雨
好彩本人都仲係有晴天娃娃屬性所以冇事


未到食飯時間，帶左佢地行一陣
：我自己行下，阿仔你同阿媽行啦，食飯叫我 (應該係去搵地方食煙)
：...
：

上次東京-函館-青森-東京咁玩
來回坐GREEN好好訓

新幹線green有leg rest放腳好正

等你帶我去玩

根據過往經驗兩老最鐘意食既就係美食廣場
一黎日本啲餐廳，尤其係名店，通常都係獨孤一味
食鰻魚飯既就真係得鰻魚飯，剩係得大細俾你揀
食炸豬扒既就真係得炸豬扒，頂多俾你揀正常定厚切
而美食廣場就有好多唔同餐廳，乜都有得揀
That's why佢地鐘意松屋呢啲餐廳，因為款式多
幾年前帶過佢地東京自遊行
佢地話最鐘意就係台場Divercity個food court
終於係第4日行程搵到1個俾佢
就係輕井澤Outlet Food Court

行到差唔多1點就叫番老豆番黎食飯
入面有幾間餐廳任得佢地揀
我叫佢地食拉麵但佢地冇理我


老母叫左個豚肉御好燒既物體
但係點解有芽菜既
：阿仔你食唔食啲


老豆叫左個豚肉石頭鍋飯
點解黎日本食啲香港食到既韓國野
：係香港既味道


我就食番2年前食過嗰間
濃熟鶏白湯 らーめん 錦
特製全部のせらーめん 塩 Bセット


拉麵味道同上次食既一樣
湯底係鹽味雞白湯，比清雞湯多左份濃厚，帶有膠質
配埋少少火箭菜，白蔥，青蔥同炸蔥，聞落飲落都好香
慢煮雞胸叉燒好彈牙好多汁
炸雞丸同溏心蛋就正常味道


因為我叫既係set，所以除左拉麵之外仲有飯同餃子
呢個醬燒雞飯比我想像中好食
雞皮有烤過，所以有啲碳香味
雞肉好嫩好入味，有啲甜甜地
就算個飯冇汁都夠味送飯


呢個餃就麻麻地，唔係話佢味道唔好
個皮好脆，入面係雞肉餡
但係最重點係佢凍左


阿媽偷左啲黎食
：你個好好食喎
：叫左你地揀你地唔揀咋嘛

食完就繼續行
頭先食飯前行左東面有湖嗰邊


而家行埋中間有大草原既西面
行左3個鐘

樓主出文出得好快

行到2點幾見阿媽買野買得7788
個天睇黎好似會落大雨咁，就叫佢走了
因為之後行程仲有一堆outlet


就行番去個站度排自由席
但睇黎早20分鐘到係我過慮了
因為最後都係冇人等車，架車都吉吉地



前一晚住嗰間上野三井花園酒店係換番黎
我揀呢間野既原因係近我預定嗰間酒店
兩間野都係同一條路，三井就北少少，5分鐘路程就到
朝早checkout已經順便捐左去新酒店寄存
呢2晚住既係Hotel Wng Select上野・御徒町
2018年5月新開張，1年半左右既新酒店
雙人房係550蚊一晚
就咁睇落你地可能覺得貴
但其實離上野站5分鐘黎講價錢算OK既
最重要係因為佢係包早餐既
我唔駛諗早餐食乜
抽到個靚number 1111


我同兩老都係住雙人房，不過佢地同我唔同層
張床都有接近5呎，唔算特別細
不過我一個人訓就好爽皮既
但空間比上野三井花園酒店細左一半
床邊都仲開到個大喼既，不過得90度


呢間野有Handy
但係點會攞出街，我又唔係冇上網部機又慢

outlet 有無收獲

Green好多優惠會平過票面價
3日前訂東京-大阪 Green 14000 yen
如果你剩低嘅行程都喺京阪神/首都圈
真係唔需要特登買張39000 yen嘅pass
https://expy.jp/product/ex_green_hayatoku/

兩位大佬又係人地po搞基

我見JR東日本新幹線搞緊半價去到出年4月 去東北好似幾抵玩(如果有得去)

係酒店Hea左陣就出發食晚飯
因為我地仲揸住張Japan Rail Pass
所以都係用番免費既方法，就係搭JR
係上野站搭京濱東北線或者山手線去有樂町站
出站行10分鐘就會去到Tokyo MidTown Hibiya
間舖就係商場地庫B1層
如果搭地鐵就仲好，搭日比谷線係日比谷站落
有個出口係直接出Tokyo MidTown Hibiya B1層

不過行路面就開心啲既
呢度係商業區，日本大部分高樓都係呢個region
Tokyo MidTown Hibiya就係眼前呢幢野，好壯觀


MidTown隔離就有同鼎泰豐齊名既添好運
6點半就已經排左咁多人


今晚食鈴波，唔係EVA嗰個
專食魚粕漬料理，類似西京燒咁
將魚塊放落酒粕度醃一段時間
酒粕既甜味同香味會滲入魚入面，腥味會冇左
亦因為魚既水份會滲透出去，肉質會結實左
餐牌基本上9成野都一樣，係配菜唔同左
呢度日日都唔一定用一樣既魚
今日係白ひらす


舖頭入面啱啱滿座要坐係出面等
不過都好快，15分鐘就入到去
叫完餐佢就會上左碟丹波黑豆
佢用糖浸過，而且好香好林



因為呢度條魚係即叫即整
所以我地個餐都等左15分鐘先有
我同老母叫左鈴波かつおのたたき御膳
老豆叫鈴波若いもとろろ御膳
大家既野9成一樣
但老豆嗰個有若いもとろろ
姐係蛋+とろろ (山藥泥)
：我仲以為係蒸蛋，點知係滑潺潺
とろろ大家食過就知好似吞精咁食落口一pat pat咁
呢個若いもとろろ加左蛋，所以食落會有蛋香味
老豆麻麻地所以最後由本人美味地享用


我同老母嗰個就有炙燒鰹魚刺身
就咁睇反光有光澤，證明係新鮮
入口冇腥味，有油香，幾好食
滴少少醋+薑蓉仲提升到鮮味


主菜就係呢件白ひらす
唔好睇好似咁少，其實都有差唔多20cm長
條魚做左粕漬呢個步驟令到魚身少左水份
拎筷子夾舊魚既時候會覺得佢好結實唔易散
食落去口感彈牙得黎又有魚嗰種滑，但又唔乾
酒粕既甜味中和左條魚既脂肪帶黎既滯
魚皮就唔講得笑，因為啱啱焗起就送黎
魚皮仲係吱吱吱有泡出咁，油脂滲哂去魚肉度
所以塊皮好薄仲有少少脆
而因為佢焗到有少少燶邊，有焦糖化既甜味同炭香
原理好似食叉燒啲燶位咁
你知食埋會唔好，但係唔食又on9嗰種feel


舖面其實都有賣呢啲魚粕漬方便你買翻屋企焗黎食
有一塊塊咁賣，亦有一盒入面有幾塊作送禮之用
不過問題係佢唔係真空包裝，所以一定要放急凍
兩老想買都拎唔到番去
去完個trip之後兩老一致決定呢一餐排第一
叫我下次去日本一定要買啲魚番黎孝敬佢地
我都想，日本幾時先通番關呀