[帶住父母去旅行]12日橫越日本列島 (札幌 ~ 鹿兒島)

Sonic

883好坐D

樓主寫JR女職員寫咁大段
女職員樣子應該幾好再加上件制服

883 885 都好坐
但885內裝靚啲

高鐵

推

搭左45分鐘Sonic到左小倉駅
之後對面月台就係去門司港既車



今次黎嗰架係國鐵415系
都有番咁上下歷史


唔駛15分鐘就到左門司港駅
呢個站係鹿兒島本線既最北終點站
都係明治24年九州第一條鐵路既北面終點站
但呢個站唔係JR九州既最北管理站
而係隔住關門海峽既下關駅
佢係山陽本線由九州穿過本州既第一個站
同時係2間JR既分界站
以北歸JR西日本管，以南就歸JR九州管


駅舍係我地黎到前半年啱啱翻新完
所以好新淨


一黎到呢度第一個印象係勁多老人家鴨仔團
佢地有導遊舉住旗仔帶佢地過黎旅行
之後係站前面拎塊大banner影合照
睇落就係鐵道友之會嗰啲活動
-----------------------------------------------
：阿仔乜咁多老人家黎呢度既
：咁咪證明呢度啱你地行囉
：衰仔話我地老
-----------------------------------------------

雖然係咁講，而家都係平日11點幾
班老人團走左之後
基本上個市區都係靜悠悠人影都冇隻
係食飯之前就係附近鳩行一陣
呢條就係關門橋，係連接本州既下關同九州既門司
另外仲有一條係地底既關門隧道
除左行車仲可以俾人同單車行
不過今日唐戶市場又冇開
行過去又遠，佢地實冇興趣，都係算了

老豆呢啲愛國撚就係度同佢講下中國歷史
下關以前叫馬關
清末既馬關條約就係呢度簽訂
位置就係對面海邊既春帆樓 (俾隻船遮左)
因為清朝係甲午戰爭輸撚到仆街
號稱最強既北洋艦隊係海戰中幾乎滅絕
號稱最強要塞旅順，威海衛等全被日軍快速攻陷
所以清朝都係被迫議和，再打一定冚國剷
於是呢條條約基本上就係俾日本禁住黎搶
賠錢唔在講，仲要承認朝鮮獨立地位同割讓台灣同澎湖
而且呢場戰爭令日本進帳唔少軍費同有資源既土地
亦令日本意識到清朝係紙老虎
開始積極干涉對岸
-----------------------------------------------------------
：所以話啲日本仔真係好鬼奸
：冇日本幫手哪有新中國 (事實陳述，唔好拉我)
：...(駁唔到)
-----------------------------------------------------------


門司港呢個地方係以前同外國通商既港口
所以同橫濱，神戶一樣都係有稅關收稅
而佢地啲稅關建築好似都一樣樣
可能因為全部都差唔多時間建成
但後面幢樓同前面個稅關好唔夾


Keep住向北行會有條橋
1日會有幾次升起俾啲船走黎走去
不過夾唔啱時間睇唔到
影到老豆，遮住佢先


呢度就係海峽廣場，成個市區最旺既地方
基本上9成都係遊客，做遊客生意
旁邊就有個海鮮市場，都多野睇同買
不過今日就唔係度食

後生妹妹，白白淨又唔係好肥嗰種
俾我考起又有少少驚青
不過英文幾好，冇乜口音

個人覺得885張櫈好坐啲
883個米奇頭枕只係去到我頸位

後面係新起的展望台

係門司港海邊行左1個圈之後
係時候到左12點幾食飯時間
今次食呢間都算係名店，伽哩本舖
出名食燒咖哩
係門司港駅正門廣場隔離，好易搵
間野係2樓，要行條都幾窄既樓梯上去



上到去啱啱好剩最後一張空枱
不過只係坐最近門口嗰一張
如果坐窗邊會望到180度海景
呢度做慣遊客生意，中英對照Menu實有
配料都幾多野揀，當然有呢度既名物河豚
我地堅持住一貫穩陣既原則
就係叫肉類三寶 - 豬，牛，雞


之後四周圍望下同偷聽下啲女
原來窗口嗰兩枱同前面呢枱都係識得既人妻團
得閒掉低老公仔女過黎姊妹團一日遊
不過黎黎去去成班怨婦都係講緊啲無謂野
例如話好攰，今晚煮乜餸，邊度買野平嗰類野
順便練下日文聽力啦


唔駛10分鐘啲野就黎到
燒咖哩就係用煲仔飯個煲裝住
係飯上面加咖哩同配料，之後加芝士
拎去焗爐焗到香噴噴就上枱
上枱既時候煲邊啲汁仲嗞嗞聲響，好似鐵板淋汁咁
香味同日式咖哩味差唔多，但香10倍
老母叫雞


老豆叫豬


我就叫牛，menu話係用九州黑毛和牛
芝士底下面收埋左隻蛋
可以趁熱撈勻啲飯等佢半熟
平時食日式咖哩都已經有少少杰杰地
呢個因為佢拎去再焗，所以個汁再濃縮
而且佢係食到啲辣味，所以冇咁滯
咖哩既底味香濃得黎但唔會話好鹹
撈勻啲飯一齊食，啲飯索哂啲精華
不過食食下都要飲一飲水
因為好熱同埋都真係幾濃味，但會想繼續食
你問我地叫呢3碟野味道有冇分別？
我會答你冇，因為咖哩味好濃
除左食到肉既質感唔同之外
基本上唔係好食得出肉味
我呢個牛肉粒就好林，唔係好肥
都食到少少牛肉味，但瞬間被咖哩味蓋過
隻蛋除左我見到佢存在過之外，真係食唔出
不過你問我味道既話，佢係中上既
黎到門司港值得一試既

人妻樣做乜遮住

幾吸引賣相

我之前去門司港食燒咖喱 第一時間諗起茶記啲咖喱焗飯 即刻冇晒mood

唔靚架，無謂放出黎啦

遮左之後唔錯
有幾唔靚？
日本人妻通常有化妝同後生 應該唔差

又唔係咁講既
咪叫啲香港食唔到既配料囉
例如香蕉

叫OK啦

有幾間都有得食燒咖哩

我上次去過一間好似美國啲bar咁 幾正

食完飯就行埋門司港最後一個行程
就係九州鐵道紀念館
每個JR區域都有自己既鐵路博物館
呢個就係屬於JR九州
會睇到以前用既火車
係門司港站行5分鐘就到



兩老似乎對舊火車冇乜興趣
所以都係係出面行下就算
國鐵481系RED EXPRESS
唔係用番原始國鐵色，而係用紅黑做主調
係當年設計上都十分大膽
曾經係JR九州主力既特急車種
基本上都退哂役


而家JR九州係觀光火車發展係咁多間JR入面最出色
佢搵左水戶岡銳治將啲舊車重新設計同改裝
然後包裝做火車旅遊
係火車賣特色手信，紀念印等
引遊客搭貴車同課下金
由布院之森，指宿之玉手箱，海幸山幸呢啲都好正
不過上述我一架都未搭過
再加埋佢不務正業
搞下不動產，商場，酒店，老人院
都叫做賺到錢去投資番落火車業務
唔似JR四國同JR北海道咁窮到燶

呢度係九州鐵路當年真正既起點
以前叫門司駅，之後搬過左少少就叫門司港駅
而家個門司駅就係南面5公里


呢度都係門司港懷舊觀光線既總站
可以搭去関門海峡めかり駅
之後可以行去關門隧道行過去本州
但係星期六日先有


好快咁行左陣就離開門司港去小倉
今次就坐817系，算係新車


入面充滿住水戶岡銳治既設計風格
木，Logo，Pattern

817系係2001年車

坐唔到部懷舊車係俾個藉口你再去多次 下次可以plan個獨遊全鐵遊

日本妹樣 ok 啦。
睇電視有d後生都係肥妹 大豬扒。