[帶住父母去旅行]12日橫越日本列島 (札幌 ~ 鹿兒島)

高質post留名

終於返黎

行到去碼頭啱啱好有船
所以拿拿聲衝左上船先
鹿兒島呢邊冇人會擋你上船
因為船費係去到櫻島嗰邊先俾
咁啱霸到船頭位


但係都好奇怪，雖然係平日12點幾
頭先係電車站行到去碼頭10分鐘見到10個人都冇
隻船計落都係得20個人上船
對面都黎左隻回程船，又係得小貓三四隻
----------------------------------------------------------
：阿仔，點解鹿兒島好似冇人咁既
：呢度係咪鄉下地方，好似冇乜點見後生仔
：你同東京大阪比就係既
----------------------------------------------------------


隔住玻璃影相都係差左啲
行番出面影，顏色正常番
有啲阿伯專登揸舢舨去堤壩釣魚


好靚既藍天白雲藍海


隻船既正面就係對住櫻島
中間座山就係櫻島火山，係活火山
每年都大大小小爆發幾百次
所以周不時有警告話唔俾人登山
正如啲人都係睇東京鐵塔但唔上東京鐵塔一樣
我地啲普通遊客都係睇火山而唔會上個火山
所以係冇影響
之後研究過點解櫻島火山上面有Pat雲
反覆研究之後原來係佢噴緊煙


本來想睇下佢個小賣部話有烏冬賣
但其實船程都係15分鐘
我想睇下既時候已經準備泊岸


頭先我地搭嗰隻船
最頂嗰層係船長室+吹風位
下面嗰層就係冷氣位+小賣部
最底2層就係放車

前年去撞岩櫻島火山爆，第日係鹿兒島市區行都成身火山灰

去到櫻島，行出碼頭就會見到巴士站
環島巴士啱啱走左冇耐，要等半個鐘先有
所以行左去海邊
不過真係好撚哂同好撚熱
老母話聞到有啲灰味，我又聞唔到
不過地下好多黑色火山灰就真既



係海邊沿著酒店出面直行會去到遊客中心
入面除左有得嘆冷氣之外
仲有關於櫻島既展覽
今年櫻島火山算爆得少
我去既時候係9月尾，小型爆發得123次
就算爆發到地震同落石既都係得1次
咁2010-2013年都真係幾誇張
紀念品都有，不了



遊客中心門口有個站
但未夠鐘，所以行去前面個公園休息下



呢個公園除左可以吹下海風之外
仲有個溫泉路俾你浸腳鬆一鬆
火山隔離冇理由冇溫泉啦


連貓貓都走落去浸
浸完去返陰涼地方訓覺

好似周圍都有專用袋賣掃走火山灰

多貓PLX

終於等到

My friend Celine is on her period so she cannot have cold drinks, coffee, ice cream and tomatoes right now. Her aunt flow is visiting. She has painful cramps right now so she's going to take a day of oeriod leave. Her sister also feels bloated which means her period is going to come doon. She's had stomach cramps recently too but her period is late this month; it's one and a half weeks late. Today, she's being so emotional as it's that time of the month again. Her cousin Jane missed her period so she might be pregnant. Her cousin's husband did his leg workout this morning during which he overtrained his legs so he's got cramps in his legs and right foot. Celine's brother will be attending a party this weekend but I won't be going with him for fear that I should ctamp his style. I don't want to put any pressure on him that would cramp his style. I don't want him to be under pressure which would cramp his style.

浸住腳望去碼頭方向可以望住火山
好明顯睇到舊雲係正火山口上面
雖然有啲風吹過黎都幾涼
但係啲溫泉水蒸上黎都係好撚熱


兩老頂得順就繼續係度浸
我就著番鞋走黎走去
現場都幾多情侶(?)同獨遊客
家庭客就得我地一家
尤其係都唔少剩年輕女士1個人黎
就咁拎個細喼狽個袋仔黎浸
有幾個都幾靚，望住個火山呆坐
不過冇圖
鹿兒島呢啲鄉下地方交通方便又安全
1個女仔獨遊都冇乜野既




岸邊好多亂石碎石
似乎係火山爆發係火山口爆落黎咁
如果下面有人既話一定穿頭



差唔多夠鐘有車，行番落去叫兩老準備
對住櫻島火山，當然要拎番支櫻花版可樂黎飲
不過已經唔凍，好撚難飲

隻貓見到我偷影佢相就走左

留名睇左當去左

留名睇當去咗

主子

今年3月去鹿兒島 日日都見到貓

樓主去櫻島天氣好好
有時天氣差連火山頂都望唔到

啲水好似好污穢咁

櫻島遠睇靚d 去到實際冇咩特別 上次去又熱
鹿兒島啱hea遊 搭下電車又一日 同埋都真係幾細

上次上到觀景台啱啱撞到佢噴煙，都幾壯觀

行番去遊客中心等車
原來嗰度間Cafe用火山灰畫畫


呢日係星期日，Suppose應該多人
但係架環島巴士都係唔迫
我地既目的地只係湯之平展望所
係離火山口最近既觀景台
但係架環島巴士都停好多站先到


坐車既左邊會Keep住望到火山嗰邊


呢個像係用火山岩製成
紀念當年有個歌手黎呢度開演唱會
創下左櫻島最多遊客既紀錄


呢度係火山砂防中心附近
呢條路應該係熔岩引流道
當火山爆發既時候將熔岩引去呢度
免得四周圍流到啲民居
同埋火山砂防中心有展覽睇既
但係兩老一定冇興趣
唯有搵機會獨遊嗰陣再睇


天氣都係好好

搭左成半個鐘，終於到湯之平展望所站
全部人都係呢度落車，因為係必去
不過個司機好似揸快左定本身預左時間
架車早左大約10分鐘到站


嗰度有個2層高既建築
2樓出面可以睇到360度景觀
不過個個都係影火山
因為都冇乜點噴野，得少少灰煙
所以唔係太特別


海景就唔錯，直接望到鹿兒島市區
其實都好近


影左幾張相之後
----------------------------------------------
：阿仔，咁咋，乜都冇？
：你想有乜 (呢度得個觀景台，手信舖都冇)
：冇乜特別喎，不如走囉
：吓，我諗住等下一班車半個鐘後先走喎
：我啱啱影緊相咋喎
：半個鐘咁耐？趁架車未走快啲上車啦
：好啦
----------------------------------------------

於是，我行近個石碑影埋張相就跑上車
逗留時間：8分鐘


因為我地遲左上車，冇位坐
企左成20分鐘先搭番落櫻島港總站


之前check過買手信去櫻島旬彩館嗰邊會多啲
但係又唔想行咁遠，所以去左站前面既Lawson望
不過冇乜特別，所以都係行番去碼頭等船
上碼頭條路隔離係去月讀神社
不過兩老唔鐘意去呢啲地方，唯有下次先

2老似乎都係鐘意市區d
行下街買下手信睇下新科技
拿拿林坐返上福岡啦

講起又想去日本 都唔知幾時先解

緊係去熊本啦