[帶住父母去旅行]12日橫越日本列島 (札幌 ~ 鹿兒島)

岡山都有first cabin??

Hotel Abest Grande Okayama
佢有好似First Class Cabin咁
係一間酒店房但係冇門
仲有溫泉浸，性價比唔錯

呢間住過。普通房又新又靚
capsule就聽講隔音差

台灣啲轉機盤係好平，但係要㨂啱時間如果唔係一頭一尾無一日，我會比錢買時間

唔係差，係好撚差
因為佢天花係通既
所以隔幾間房有人打鼻鼾好應聲

嘩，好怕住呢啲。無覺好瞓
佢本身普通房價錢可接受。寧願要多啲私人空間

所以之後怕了
一係就搵嗰啲間隔封埋個頂嗰啲
first cabin係做得唔錯

如果去北海道或者東北我下次都會揀台灣轉機
佢啲航點多過香港好多，又冇咁貴

北海道同東北咁緊係，比你飛到東京再轉新幹線同你台北轉差唔多時間

岡山後樂園以園景黎講真係冇得輸，我上次好彩天氣唔錯，亂影都可以做wallpaper

係入面行到10點
大家又未肚餓，所以去下一個地方
今次就行去第二個出口
一行出去就望到岡山城



不過今日天氣真係有啲差
雖然未去到落雨但係好厚雲好黑


岡山城影就靚，唔入去了


行番去站中途見到架特別版電車

我3年前去就冇你咁好天
總之有太陽就好靚

唔好秋天去。光脫脫無野睇

我好似係6月中去，夏天去又驚會打風

番到岡山站又係搭車時間
下一站係去高松既栗林公園
兩老由北海道，本州，再玩到落四國了

係岡山去高松要搭瀨戶大橋線既マリンライナー
瀨戶大橋係一條公路鐵路兩用橋
鐵路係下層，係連接JR西日本同JR四國唯一通道
本身有預留位置起新幹線
不過以四國既客量黎起應該蝕硬錢
以本州最係一個站兒島作為分界線


行到落月台等車嗰陣咁啱撞正麵包超人列車
不過啲車唔係去高松所以冇得搭



マリンライナー用既係5000系 + 223系
高松方向車頭係5000系，雙層設計
上層Green Car，下層指定席
車身有個logo寫住"KAGAWA = OKAYAMA MOMOTARO NETWORK"
姐係連接高松所在既香川縣同岡山縣
後面幾卡就係自由席，用既係223系


但因為土地間題，西日本嗰邊部分路段係單線
所以架車係嗰段路成日停低等訊號
不過最後去到高松就準時既
接近1個鐘之後就到左高松
之後去栗林公園有3個方法
一個係轉高德線普通車係栗林公園北口站落車
之後行5分鐘去栗林公園北面入口
不過啲車極疏，1個鐘得1班
一個係出站行5分鐘去高松築港站
搭琴平電鐵琴平線去栗林公園站
行10分鐘到正門，班次比較密
第3個方法係行半個鐘過去
今次夾啱時間有高德線普通車所以搭佢
一黎唔駛出閘，二黎JRP唔駛錢


搭5分鐘就落車，得單邊月台上落車
另外佢冇閘口，所以要車長查飛先落到車


行過去中途都係住宅區
所以就比較靜同少人
不過標示都幾清楚，唔會迷路

栗林公園坐船仔，朝早定下晝去無背光?

栗林有咩睇

園景

留名
一口氣由北海道追到四國
終於追到live

推

坐到屎忽痛

栗林公園，同日本三大名園齊名
呢個園都經營左幾百年
所以啲樹都有幾百年歷史
所以都好高大



咁啱撞正有人影結婚相


高松呢邊就好天少少
不過向北天睛向南多雲
所以影番去湖呢邊就好暗




有啲好奇怪既樹


栗林公園既西面有個山
有個瀑布仔，但係秋天好似冇乜水

繼續由北面行到南面...


水面露出半個龜頭


行到南面主要就係圍住個池邊行



呢邊就見到人泛舟
好似係600yen 1個人，1隻船坐6個人
但今日天氣唔好，兩老又聽唔明個船夫講乜
所以不了



南面影番去北面既全景

行去最南面個小賣部行上山望落去
就係成個栗林公園個景最靚既地方
又咁啱得咁橋出太陽
啲樹同水既顏色靚番


行番落去小賣部影過去都好靚
池邊有人喂魚所以勁多錦鯉引哂埋黎




臨走時先好天頂你個肺
不過都行到差唔多2點
要帶兩老去食飯，唔行了

連去2個名園? 2老有無話悶