[腳痛勝景美食團]用12日獨遊關西 (山陰‧琴平‧天橋立‧京阪)

3日
可能佢預每間房1日2支水
我覺得好乾淨同樣樣野都好新
幾值得住

我成日都唔係好識用呢d洗衣機 係咪就咁倒曬入去之後入錢就一條龍自動落曬粉,洗,乾 咩都搞掂曬?

之前係大阪食過明石燒
又無試過點湯之後夾唔起
佢裡面應該係用雞蛋做主要材料 (好有蛋味)
清清地我又覺得幾好

我呢部新機就係一站式洗+乾
掉哂啲野入去之後關門
揀mode之後入錢
之後自己set個密碼
禁start就會自己落粉洗衫乾衣
有個倒數鐘
數番咁上下時間禁番密碼開門拎衫

有啲舊既就分開洗同乾
洗就自己有/買佢啲粉落去
洗完掟去隔離乾衣機入錢乾

你嗰個表面望落乾身啲
我嗰個係未放入湯已經唔係好夾得起
蛋味係有既，不過真係口感麻麻

Day 06
呢日係咁多日最Hea既一日
全日得1個景點
雖然係咁，我都係8點幾去左門口食早餐
なか卯 姫路駅前店
銀鮭朝定食
なか卯同松屋一樣都係食快餐
なか卯比較出名就係佢個親子丼同鰻魚飯
早餐就大家都咁上下，冇乜特別
豚汁我覺得都係松屋好飲啲


之後就係開第二張JR Pass
關西廣域鐵路周遊券
5日9000yen (而家輕微加左價)
南至和歌山，北至鳥取，東至敦賀，西至倉敷高松
任搭呢個範圍所有JR特急同山陽新幹線自由席
[唔包新大阪 - 京都新幹線，嗰度係東海道新幹線]
來回岡山新大阪新幹線就已經回本
同Japan Rail Pass唔同
のぞみ みずほ呢啲停站較少既新幹線都上得
又唔知痴左邊條筋連私鐵智頭急行同天橋立丹鐵都包埋
所以呢張Pass無論係可用性同性價比都係痴撚線


姫路出發20分鐘就到岡山



有機會梗係要睇下JR西日本既動漫Crossover傑作
無嘴賤畜新幹線
好多小妹妹專登去留影



怒我唔太識欣賞
剩係得出面係粉紅色
入面就剩係貼貼紙同墊頭塊野係Hello Kitty
500 TYPE EVA真心靚太多
起碼人地初號機真係紫色
外面又係紫色，張椅又係紫色襯番




好行唔送喇

good
日後有機會去吓山陽山陰先

明石燒喺明石係叫玉子燒
不過諗極都唔明點樣雞蛋加澄麵整到玉子豆腐效果

黎到呢度開始就係美食團
因為話咁快又到食飯時間
今次行去岡山Aeon食
嗰度基本上就係俾你行住街食野
成50間餐廳俾你揀
有走入去食既，又有美食廣場
上扶手電梯見到幾條女練緊羅志祥經典舞蹈


五穀 イオンモール岡山店
[Tabelog評分：3.31]
呢間野係7樓，出名食飯，睇個店名就知
個煮飯位係門口，個師父好忙咁秤緊米去個飯釜度
而家未開門，都見到咁多人排隊食就冇衰既
排隊要寫個名去門口張紙度


食物模型，同實物有9成似



搭正11點就開始帶人入去坐
本餐牌都有成10幾頁
價錢都幾實惠，1500yen咁上下
叫餐既時候waitress話佢地既飯係即叫即整
叫我等15-20分鐘
咁好食又唔怕等既





waitress叫我如果想個飯有飯焦既話
個飯黎到既時候唔好開蓋住，要等多2分鐘
隔離有個沙漏用黎計時，咁梗係要等啦


五穀田舎定食 (1328yen)
一上枱賣相極好


等左2分鐘就開蓋
聞到好香飯味同豆香味
五穀飯就唔係剩係加糙米咁簡單
佢係淡紅淡紫色，有落蠶豆同紅色既豆落去
日本既飯不嬲都好食
但呢個可以排我食過既頭幾位
飯係煙韌得黎又食到一粒一粒咁
加埋啲豆有少少甜甜地，十分唔錯
飯焦唔算難剷，用飯勺了下就會成塊甩出黎
就算我剷飯焦都唔覺啲飯會斷開
證明本身啲飯煮得啱啱好，唔硬亦唔爛
但飯焦唔係煲仔飯一塊塊燶燶地咁脆口
係有少少硬，但好快會因為飯既水份而淋番



既然主菜係飯，餸只係配菜自然細碟啲
呢碟野唔講得笑，超好食
唐揚唔厚粉，外皮炸得乾
淋左個酸酸地既黑醋汁
但食落都仲係有脆口同多汁既咸覺
其他野菜好似南瓜連藕都炸過
但唔會炸得太乾，好甜


燒鯖魚火候幾好
用筷子篤落去會feel到個皮係脆
肉都係好嫩
不過我嫌唔夠味，加埋豉油都唔錯



湯就冇乜評語，但就冇平時餐廳嗰啲咁鹹


蕨餅味道唔錯，有少少爽口
黑糖+黃豆粉加埋好難唔好食

所以我懷疑緊係佢係咪未熟透
你睇到個皮顏色好似仲未轉色咁

食完飯就去第一個景點 - 倉敷美觀地區
山陽線同伯備線都去到


岡山地區真係好多國鐵時代既車


25分鐘就到倉敷 (慢過我搭新幹線由姬路去岡山)
個站都起得幾誇張



行過去美觀地區可以經大路或者商店街
我行過哂2條，距離上冇乜太大分別
但係商店街有得遮下陰，但入面死城黎
過左商店街就會見到啲傳統建築
因為呢度多人啲，所以舖頭又多啲
商業味道都重啲



行到去河邊，就見到有啲舢舨載人周圍遊
因為今日天氣好好，人又唔算太多(多過山陰)
所以行下都幾舒服






倉敷館整修緊睇唔到


行行下好熱，就去左河邊買左杯白桃味雪糕
因為岡山本身盛產白桃，當然要試下
與其話佢係雪糕，不如話係冰沙
酸酸甜甜咁都幾消暑



行行下見到1隻天鵝同佢細路係度遊下遊下
吸引到唔少少女駐足留影



因為唔係好夠喉
所以encore左一杯CREMIA (540yen)
呢杯野都好出名下，我都係第一次食
食落係濃到好似煉奶咁
個筒就係餅乾，配埋CREMIA好夾
不過以呢個size呢個價錢都幾貴
但係都值得一試既


因為食住雪糕得閒無野做
坐係河邊樹蔭下跟住隻天鵝行黎行去




臨走前見到有間蜂蜜店好多人幫趁
みつばち工房 花の道 倉敷花織店
諗左好耐，都係繼續食雪糕
杯野好香滑，但呢隻款係冇蜂蜜
有蜂蜜/蜂膠嗰隻就加100yen

頭先去既美觀地區就係倉敷站既南口
北口就係另一個世界 - Outlet
一行出去就見到好似主題樂園咁
前面Ario就係第一個outlet
主要有Jump shop，超市同美食廣場
Ario後面就有好為人熟悉既三井outlet
講得出既牌子呢度大部分都會有




商場望番去倉敷站都係好似主題樂園咁
但間APA Hotel好似亂入


行到差唔多黃昏就搭番去岡山返姬路
經姬路既新幹線大約半個鐘一班
都唔算話太耐既



返到去就趁人地未放工
先走去啲熱門舖頭食晚飯
炭焼あなご やま義
[Tabelog評分：3.57]
呢一間係姫路黎講評分都幾高
出名食穴子，姐係海鰻/星鰻
間舖頭唔大，1個人去食要搭枱
另外穴子減產，所以都好海鮮價
你睇到既呢個價錢係1年前
而家應該可能又加左價




あなごめし（上） (1571yen)
平心而論，份量黎講不足以一個成年人食飽
穴子加左汁燒得好香
雖然魚身好薄但都唔乾，食到魚味
飯都加左鰻魚汁，不過嫌唔夠濃
穴子本身先天就係冇乜脂肪
所以食落係比較削，冇乜肉食咁
唔似河鰻既鰻魚咁多脂肪同厚身
但係如果係呢個價錢黎講性價比好低
而且食緊中途就坐滿哂
個師父瘋狂燒緊穴子
廚房燒緊穴子既熱氣會傳過黎
所以其實都坐得幾唔舒服
都係拿拿聲食完走



鯛焼本舗 遊示堂 東駅前店
[Tabelog評分：3.55]
係やま義行前少少見到7-11就到
頭先未夠飽，即刻要番舊先
見住佢即製俾我，當然好期待



1個120yen，性格比好高
啲紅豆餡多到爆出黎
一咬落去，脆口既，同埋係有味既
唔似我第一日係新大阪站食嗰舊咁
紅豆餡都好好味，唔死甜，而且粒粒分明
每咬一啖都係好脆+好熱+好香甜既紅豆
結果我係姫路每晚都食1件+每次去姫路都encore



跟住番酒店放低袋之後鳩行
呢度樣樣都有
Aeon，有 (MaxValu超市)
百貨公司，有(Piole，Festa，山陽百貨店)
電子舖頭，有(Edion)
Animate，有
藥妝店，食野，便利店，大把
完全唔駛驚夜晚冇野做
而且又冇大阪咁多人咁雜





因為太早食飯，宵夜走落去松屋食
叫左個期間限定和風タルタルチキン定食
個雞用左蒜蓉洋蔥既和風醬黎煮
之後淋個他他醬上面
係夜晚食黎講都算幾濃味，不過都幾夾
雞就冇乜特別，但有少少韌
本身個餐已經送沙律
我加40yen再加大個沙律做薯仔沙律
啲菜好新鮮好爽，呢排少食菜要補充下纖維
加錢轉豚汁當然唔少得




食完番酒店睇我的英雄學院


Day 06完

ching仲有無邊間鯛魚燒係深刻好食日本啲鯛魚燒普遍都好足料平時食鳴門鯛焼本舗已經覺得好正

一個倉敷食3支雪糕

睇黎日日食好西

Day 07
今日係香川縣一天遊
因為路途比較遠，又要轉好多車
所以搭姬路向岡山方向既頭班車 - みずほ601号
姫路早晨


係新幹線月台見到難得一見既Rail Star
呢隻700系都唔剩得好多架
今次佢作為こだま開去博多




上到車就食個泡芙做早點先
7-11既甜品向來品質有保證
一咬落去啲吉士醬多到必出黎
中間個餡好香濃，食完又唔會好滯



20分鐘就到岡山
今次第一程係去琴平，位於土讚線
所以搭岡山向高知方向既頭班車 - 南風1号
都仲有15分鐘，可以早啲落去排自由席
架車得3卡，1卡半(?)係自由席



架車一黎到
即刻feel到JR四國既寒酸味
但唔好睇少呢架車
呢款車係世界上第一架柴油驅動振子列車
令佢係四國上斜同連續彎度既路軌可以運行更快
如果冇呢架野JR四國應該會慢到冇人搭


原來半卡既意思係第11 12行分界
好易陰鳩到啲天真以為全卡自由席既盲撚


之後就食另一個泡芙
呢個比頭先食嗰個size大啲
吉士醬我就覺得頭先嗰個好味啲
但都係多到爆出黎
但係佢個餡仲多左cream
所以冇咁杰



開始進入四國


之後又係交通魔神教室時間
南風雖然係可以岡山直達琴平
但係關西廣域鐵路周遊券只係預你去到宇多津
宇多津 - 琴平呢程就要補基本車費 + 自由席料金
同上次一樣又係Pass範圍外問題

但係我又未試過搭JR四國普通車
所以都係繼續玩彈出閘彈入閘


雖然你見到個站有得拍IC Card
但琴平係冇既
所以係要禁飛仔，如果唔係會好煩
但有成10分鐘轉車時間，慢慢黎都得



上到去啱啱好見到南風同しまんと追尾合體
睇過盛岡E5合併E7，呢個冇感



呢啲時間好多學生妹搭車返學


經過丸龜，但今日冇時間行丸龜城


睇番車上面個運貸表
原來高松前一站叫香西


上左車半個鐘就到
係月台已經講呢度有乜野行

冇乜點研究過
但係遊示堂係大舊過鳴門少少
皮就厚過鳴門，但脆過鳴門
個餡就係多過鳴門好多
同埋呢個價錢真係好抵食

當日真係好撚熱好撚曬
keep住行舖頭歎冷氣都係半中暑咁
所以食雪糕降溫

白兔神社好偏僻，我上次係的士去鳥取沙丘，司機車左我地去一去，但其實冇野睇

Daiwa Roynet真係一間好酒店，我之前住過佢地岡山、高松、京都既酒店，房間真係出名夠大，最細既房都起碼有18平方米，而且間間都好新淨，好多地點都好近JR站，又見佢不斷起緊新酒店，佢既酒店王國不斷擴展中。比起其他同級商務酒店佢又唔算貴好多，而且以佢既房間大小嚟講其實仲算超值添

上年去鳥取勁多香港人
砂之美術館、賀露市場同北榮町都聽到廣東話

美食團倉敷有鄰庵布甸好正岡山就味司野村個醫汁豬扒飯最有印象

因為鳥取得鳥取同米子兩個國際機場

泡菜好少去九州以外的縣
而且2019年去鳥取同米子既國際線都收左皮

強國條米子線原定今年初開，結果就武漢肺炎

所有國際客只有香港既米子線

台灣反而無直航，要飛岡山再上去