尋晚入左SEA TO SKY 2房有感

香港仲係值得投資嘅地方！恭喜你呀！

佢想同你攬炒

大部分情況同發展商傾都會畀你轉 平均每個盤都有一兩單
當然佢都有權唔畀 要到時傾

轉咗折扣唔同咗
甚至乎整個樓價會調升 附加手續費等
而且愈早傾愈好

唔係啊，上個租客租咗十年八年啦，好似話經濟唔好租唔落去

可能啦 我都係講下我地身邊嘅人反應我基本上唔乜留意個市，我地最後減一成多啲先有人租，本來個價都好合理，上個租客租咗好耐

各位巴打相信睇呢個POST之前肯定聽過國安法
亦都有心理準備 (預左) 國安法會一定通過 (起碼我自己係)

所以入得市就預左會有呢樣野
我並無因為話今日生效左就即刻好驚慌惶恐失措

有D師兄主要既理據係美國會真制裁/ 英國真幫手/ 其他國家幫手聲討
純粹建議大家客觀少少角度出發
美國係國際外交方面, 唔係淨係睇香港一個地方, 更加煩憂到佢既/ 影響到佢既墨西哥/ E朗/ 中國/ 北韓, 又要睇住歐盟, 中東石油佬
好多時係自己個眼光/ 思維出發, 如果覺得美國今次黎真 (大家發聲啊, 咩solomon啊, twitter啊), 放大左自己既"以為", 其實現實未必係咁

再講大陸, 大陸一直以來都係唔輸得, 亦都唔理會外界聲音, 貿易戰一開始話會贏, 之後讓步, 最後屈服, 到依家同你拖, 拖到你要先處理COVID, BLM, 大選, 國內疫情就採取傳統式一言堂我話事措施, 咩都強制性 (社會大眾都覺得合理), 再慢慢搞經濟, 水災經濟果D, 我話大學畢業開始已經聽支爆 (亦都係聽到美國國債再破歷史高位呢D), 印銀紙解決到既野, 就解決左了 (唔止美國, 大陸日本英國, 大部份國家都係咁印)

返返黎香港, 之前回覆已經講到香港人係馬照跑, 舞就跳 (簡單形容, 即係善忘), 社會聲音大, 北水力度加大, 股市升, 政府派多D僱主資助, 1萬蚊, 7500, 減稅等等, 時間長左, 今日既驚恐/ 醒覺, 仲會唔會係度?

總結
出post無唱好/ 為合理自己買樓而打咁大樣野, 只係就住自己既認知/ 觀念去同大家交換第一次買樓個過程 (點解會有呢個諗法, 考慮左D咩, 經歷左D咩, 自己點睇住屋個需求), 我無諗住預測/ 估計d咩話比大家知, 影響大家
只係希望作為一個例子比大家參考, 再藉回覆補充自己各樣既觀點, 睇法, 同大家理性交流, 我係對香港有歸屬感, 所以從來無諗過移民, 我都係對高登連登有歸屬感, 所以係度同大家分享

最後都係果句, 祝福大家有自己既天地, 心想事成

巴打三十歲供幾後生
供幾年？

我自己就覺得買或唔買每個人都有唔同背景同考慮
不能一概而論

但對於大圍環境我就無你咁樂觀
無論係所謂中共贏定輸定一直膠著 都一定係對香港經濟有持續性傷害
武廢o既影響亦未完全浮現

不過唔喺呢度長篇大論咁講喇
首先要祝福你嚟緊上會成功同take 到個好offer

我自己都有一層樓下年上會
對於 樓巿政策 銀行貸款態度 息口 等會有咩變化完全唔咁講
記緊做好萬全準備

收樓先做mortgage, 如無意外供30
mortgage縮短容易, 拉長好困難

樂觀派喎你覺得美國唔搞香港
但琴日已經禁左敏感科技黎香港，又死一堆人
下一步搞埋銀行金融就仆街，美國仲開埋救生門比手足，我係你就作最壞打算先

樂觀到好離地脫離現實

你覺得香港法律仲可以保障到你財產?
隨時收晒你拉埋你坐監都無得出聲啦

你比左首期咋喎

呢度好似一/兩年後先收樓?
到時咩時勢都好難講
唔怕做唔到理想mortgage/淨係批短年期, 每月要供好多超預算?

國安法前仲以為針對d極端情況
但實際係, 影響晒所有外國人踏足香港既安全
我真心好睇淡後市 如果真係有第一個case係搞到有錢人/外國人
我覺得會觸發人踩人

一個地方有白色恐怖
基本上好難留到人心
搵到錢就會走

呢到d人留言都幾痴線，買左樓就等於支持中國，愛國人士黎，好似個個都咒人死咁

銀行其實都開始研究萬一真係落實制裁 個影響性去到幾大
如果沙卜唔跟 個後續影響又會點
不過樓主簡建期 其實頂多都係蝕10-15% 都可以睇住黎食 唔對路就好跳船啦

事實你都係睇好中國先會買樓
真係支爆你層樓會唔跌咩

好偏激

可唔可以預測下幾時支爆

自住可以買，投資就不了