恭喜巴打
前排小弟都做咗9期業主
我買之前都有搵咗好多康城嘅資料
睇留言見到有巴打話康城臭 我估佢地無去過康城+無睇新聞 2016年康城嗰堆填區已經唔再收廚餘垃圾 剩係收建築廢料垃圾 所以有臭味呢個說法一早無咗 我當時買之前都有做過實地考察 係無味 如果講臭 荃西嗰海會臭好多
另外交通 其實康城交通一直喺度改善緊 除咗黨鐵加班次 其實有基建一直做緊 將藍隧道 跨灣大橋(分兩階段 第一段2022年起好到啟德嗰邊 第2段到西九龍)雖然我覺得跨灣應該都係有遲無早不過我諗第一段都係3 4年嘅事
到商場 巴打你上面講咗 康城嗰商場8月就開 預再招下租呀搞呢搞路 應該同巴打入伙時間差唔多 我覺得自給自足康城居民係ok
我本身住將南 其實將南環境唔錯 海濱嗰邊有啲外國feel 樓唔高 有嗰海 有啲酒吧食店 幾chill其實
而樓價跌唔跌 我覺得你考慮自己供唔供得起就ok 反正升你又唔會賣 跌你自住銀行call loan都係call投資嗰班 你正正常常供到 銀行唔會搞你