尋晚入左SEA TO SKY 2房有感

利申: 非AA, 首置, 純分享感受

30歲, 今年3,4月開始諗住買樓, 開頭諗住買2手, 目的係即刻有樓住 + 處理埋mortgage唔洗煩 + 覺得樓價唔會再大跌 (3月底美港股大插, 但係樓價都係微微下調, 認同"香港樓好難再好似以往十年咁大升 (再升無人買得起), 但係無乜原因再大跌 (疫情+運動都無乜大影響, 黎緊幾年住宅供應跌)" 呢種觀點。
長遠黎講, 3房需求會慢慢陰跌 (已經開始緊, 社會普遍唔生小朋友/ 生一個, 人口老化), 龍床盤需求都會慢慢陰跌 (有得揀都寧願揀1,2房), 1,2房個需求係咁多種房型最大

依家睇返, 5月底國安法新聞果陣股市又一日插左成千點, 但係依家又上返, 而樓又係無乜影響 (爆飛超額), 上面個觀點暫時唔變, 等時間公論

地區
手頭現金唔多, 所以無考慮港島, 留意過長沙灣/ 奧運/ 鑽石山/ 荃灣/ 元朗等等, 最先唔考慮大西北同荃灣因為港島返工同屋企人係港島東同九龍東呢邊, 奧運/ 鑽石山太貴, 最後鎖定TKO/ LOHAS PARK
1) TKO/ LOHAS PARK比較近屋企人, 長沙灣肯定更方便 (四通八達), 但近屋企人呢樣野對我黎講幾重要
2) 長沙灣基本發展完畢, 相對舊區, TKO/LOHAS感覺新淨D, 中產D (臭味問題實地去過其實無左好耐, 係相對潮濕少少 (細個住港島東其實都好濕))
3) 比較過長沙灣同TKO/ LOHAS, 好明顯後者呢十年既升幅係高D, 證明需求更大 (需求大自然價錢升高), 同樣, 你去中原睇放盤, 見到TKO交投更活躍, 你買2手既話歷史交易更加有參考價值

結論:
i) 好多時D人淨係會問A同B邊個比較好, 但係個個人唔同, 最重要係邊個地區對你黎講比較好, 買家自身因素先係決定地區因素
ii) 先揀地區後揀心水住宅

我好重視地鐵站上蓋呢樣野, TKO將中其實本身係我首選, 但奈何4月後所有2手2房都升返, 係呢3個月時間, 我得2個選擇:
1) 繼續等跌 (呢個等佢跌既心態就同我上面睇樓市既觀念有衝突)
2) 入飛抽樓花 (澳南無哂樓花, 所以得返LOHAS, 而montara, marini果D已經抽哂, 得返貨尾 (更加貴, 得返SEA TO SKY
最後決定2, 因為覺得1個諗法不切實際

人生第一次入飛係抱住平常心去入 (唔覺得會抽到+一開始我都係心儀2手), 所以無同屋企人講
最後AA通知我係B組2X號飛, 第一個感覺係1) 唔通注定要買? (萬幾飛我當有水票我自己呢個都算好前, 唔係要去排隊搏搏下執貨尾) + 2) 要同屋企人講聲 (因為第2日就抽)
夜晚用半個鍾同屋企人講左來龍去脈 (無人知我入飛), 就決定好第2日一齊去揀樓

揀樓當日朝早AA已經sd相影比我睇勁多人排隊, 平常睇電視見到呢D係無感覺既, 因為唔關自己事, 但係當自己都有份果陣就會覺得好癲, 相入面全部人都係有能力上車, 亦都係好彩抽到果班人, 迫爆哂個商場, 當中隨時之後就會係自己鄰居 (無擔心過揀唔到心儀單位, 因為AA計過就算A, L組揀哂之後都會有淨)
之後排完隊上去就等, 等多陣就又排真係揀單位環節, AA講明一轉彎就係要鬥快搶, 先嗌先得
果然一轉彎真係好似人地講: 街市咁款, 人頭湧湧, 望住員工將D紅點逐個逐個痴上出面個剩餘單位表到, 果一刻既氣氛係會令人好緊張同腎上腺素上升, 唔決定下一秒就可能比人揀左, 因為入面既人全部都係同你爭緊, 我自己心儀單位仲有貨, 所以決定埋樓層之後好快就揀到, 最後揀左4X樓E單位

三十而立, 決定左人生第一個物業 (同時揹左一筆負債), 個感覺同買樓前好唔同, 係度分享返自己既感受比大家, 因為呢幾個月睇左好多房屋台唔同POST, 學左好多好多野, 係度多謝大家, 祝福大家早日上車, 心想事成

恭喜晒師兄
我都係第一次入飛就中
我都係今年岩岩30 歲
我買左G室 有興趣可以留tg 交流下

恭喜恭喜，結果埋單幾多呎幾多錢

呢個時勢仲叫人買樓

或者人地一千萬揸手，樓價跌一半都etc

幾時入伙？

次次都係呢句
幾時先叫最岩咁？

萬一英國真係平權
一堆人走晒去英國
到時樓價就...

恭喜

巴打可以講下自己個諗法
我開POST都係純交換, 大家可以交換思維再得到最客觀既觀點

連TAX + REFUND 8.1M左右, 呎單用樓價去計就~17000
E單位係468呎

即供定建期？
Sis 好多人用建期付款

恭喜哂！大概幾多樓，aa肯回幾多成畀你？

買樓真係好似係街市買菜咁，
條數計得掂就唔好諗咁多，等收樓入去住

咩單位睇完上樓德 個F單位好伏

過黎人話你知 如果建築商用保X/精X就自求多福
收樓果陣點都要佢攪好先簽名

有咁多貨揀都買長實樓
好撚嘢

恭喜


我都想入，睇完樓知自己冇能力


好好運呀你

去過先知香港咁多人有實力



連登成日話AA水票...去過就知幾多買家...


唔好成日信連登，親眼去望下就知事實...反正都買唔起