Closer
2020-06-29 16:53:49
唔好意思, 覆返咁多位巴打先
太多comment逐一覆唔到, 我統一回覆幾個點
1. 月入幾多有無家人幫
月入40 - 80K, 我自僱人士, 所以一定係做8成mortgage (呢樣野由一開始諗2手已經知)
2M 首期入面屋企人佔300-400K度 (起底睇我3個月前既post)
今次買樓連稅, 律師費等等, 呢一年大約需要用到1.2M (10% 樓價 + TAX + 雜項), 所以銀行戶口係今日由止仲係有錢 (股票戶口入面暫時150K), 所以話未動用到父幹果一部份
所以黎緊我要注意既係收樓前既mortgage (另外10%首期, 總共2成首期 + 2020/21 既稅單, 同月收入糧單)
正正因為買左樓, 更加有壓力 (更大動力) 去推自己搵錢, 想像到會更辛苦, 但世界永遠都係咁, 好多野都係等價交換
2. 60K月入要求過壓測仲要攤分幾十年還
Mortgage係你縮短容易 (突然搵得多錢想提早還), 易過短拉返長
利息係比多左, 但同理, 我有一舊錢既話寧願慢慢供, 愈供愈輕鬆 (通脹), 再用剩底既去投資其他野
3. "3房住一世"呀, 同埋係按揭成數問題先咁少人入到3房, 遲下政府肯定放寬1000-1500萬樓”
點解3房就一定要住一世?
純做一個假設, 如果個仔30歲佢都想買樓搬出去, 我賣左3房, 資助佢一部份, 我搬去仔果邊買間2房打通同老婆過世, 又同個仔近
唔做呢個假設, 我依家呢間2房, 如果將來樓價升, 我可以樓換樓, 換返真市區, 唔升我目前能力都只係買到2房 (2,3年前澳南買左樓花既已經賺左)
要等政府放寬10M以上既樓, 再搏到時3房需求大返, 2房需求跌返, 2房平D, 要等到幾時?
同埋放寬左, 到時你覺得樓價會升定跌? (參加林鄭plan之後 2房樓價升)
4. 30歲做到好勁
樓呢樣野唔可以話"哦, 我今年想買樓, 睇下自己個bank balance先" 就去諗, 咁大既一件資產, 你一定要好早就開始諗 (當我25歲開始諗, 都過左5年, 30歲先做到呢件事, 如果可以時光倒流, 我會同20歲既自己講: 你依家好諗 (各位比較下5年前後既樓價))
今年BIG4 Intake 17.5K, 我拎個中位數: 15K, 23歲大學畢業
5K家用 + 2K交通 + 3K食飯 (100蚊一日)
剩底5K, 到底我拎5K儲起佢, 定係拎1K黎課金, 2K同條女食好西, 2K拎黎買機票去旅行, 房錢再share
一年之後, 儲起5K果個有60K, 7年就420K, 唔計加人工, 如果女朋友都咁做, 840K, 咁如果aim 5-6m舊樓 (前面巴打有講), 9成按, 加埋所有野我當要1m, 咁都係儲多一年多少少
我明白我咁樣計好表面, 每個人狀況都唔同, 但係家用比幾多你自己可以同屋企人傾, 娛樂洗幾多可以選擇, 儲幾多自己控制
如果你係搵15K既, 你思維入面會唔會有買樓呢個諗法? 定係已經打定輸數呢世都唔買樓?
而且我15K呢個例子相對好極端, 未計我之前回覆講到既果堆中高收入士 (醫護行業/ 金融行業/ 公務員/ (建築地盤工人都搵好多錢))
我分享自己一個人上車既經驗, 但係從來上車可以2個人一齊做, 只要有心
總結下
我有住屋需求同自己對樓市既睇法, 的確預測唔到將來會升定跌, 只係目前呢一刻, 有咁既能力同機會 (抽中), 決定去馬
當然有可能係危機, 所以唯一可以做既, 努力搵錢, 風險黎到果時有足夠現金去面對
我從來無諗住帶風向唱好/ 唱淡, 旨在同大家分享交流, 一齊互勉
多謝祝福我既巴打, 都祝福大家都有屬於自己既地方