有冇人對泰國歷史有興趣？

係外交好少少
但比緬甸打爆之後就再扯唔起
仲要有6000萬人
有油田同有稀有金屬都搞到咁廢
發展工業強軍，再開條運河己經屌打馬六甲
以泰國得天獨厚既地理優勢同資源都只有保持獨立呢個成就
我個人覺得非常垃圾

馬來西亞仲多油田啦，但我覺得佢更垃圾
泰國南部又有回教分離分子，開運河有啲難度喎

留名

留名支持

正post
啱啱去完泰國
旅行之餘都想了解下呢個國家歷史文化

呢個故事叫「乳海翻騰」，乳海就係牛奶既海洋，圍繞住印度神山須彌山。

話說一班好神同班衰神打仗，打足幾千年，死咗好多神。衰神因為衰啲嘅關係，漸漸就佔咗上風。於是好神就夾計嚟返個大逆轉。班好神就話，不如停戰，一齊合作響乳海度提取不死藥啦。

於是龍王難陀就整斷一座大山，將座山扔入乳海入面。座山上面有好多草藥，眾神希望啲草藥同乳海啲乳溝埋之後，就會有不死藥出嚟啦。

座山實在太難推郁，於是毗濕奴（Viṣṇu）就化身做一隻烏大龜，托住座山，然後再搵龍王婆蘇吉（Vāsuki）蹺住座山。噉樣，班好神就揸住婆蘇吉條尾，衰神揸住婆蘇吉個頭，一推一拉，就推得郁座山啦。毗濕奴雖然化咗肉身，但係佢嘅神魂依然企響山上面，指揮眾神。

諸神用座大山做攪屎棍，攪到乳海翻騰，海入面啲魚蝦蟹就噉攪到死晒。乳海翻騰嘅摩擦力令山上嘅樹燒著，造成大火，燒死山上嘅動物。山附近嘅乳海都變成牛油啦，但係不死藥依然冇影。

再攪多陣，結果從海底攪出咗一隻神牛，一匹神馬，一隻神象。再攪，就攪出一啲寶石，一輪月亮，然後重有一堆仙女攪咗出來。有個仙女叫吉祥天女，毗濕奴搶咗來做老婆。

跟住竟然從海底攪出咗一堆毒汁（亦有傳係婆蘇吉太勞累，嘔咗啲毒汁出嚟），濕婆（Śiva）捱義氣吞晒啲毒汁，佢老婆見倒之後就鍊住老公條頸，唔好等啲毒汁流落個胃，結果濕婆個喉嚨就被毒汁乸到變青色。正所謂苦盡甘來，不死藥出現啦。

不死藥一出現，啲人就爭崩頭啦。響呢個moment，毗濕奴要爆啦——佢使出色誘術，啲衰神掛住望女仔，結果不死藥就被班好神搶曬。班好神依家長生不死，衰神就冇碇企啦。故事完結。


第七代火影示範色誘術

（離題）
聽日day off，時間表大致如下：

星期三：《羅摩衍那》，印度篇完結
星期四：高棉帝國，緬甸，東南亞政制系統
星期五：最後一個做英雄嘅泰王，納黎萱大王

週末就會係那萊大王嘅時間，法國嘅路易十四「太陽王」亦會粉墨登場！

個故事真係咁架

個故事真係咁架

睇wiki，原來真係咁搞笑
https://zh.wikipedia.org/zh-hk/搅乳海
原來仲有後續
「一個神志較為清醒的阿修羅羅睺眼看甘露要被善神們喝完，於是偷偷變化成善神的模樣，混在隊中喝了一口甘露 。他的行為被日神和月神發現 ，馬上報告給毗濕奴 。毗濕奴在甘露尚未經過羅睺喉嚨的時候，將羅睺的頭砍下 。羅睺的身體馬上死去 ，但他的頭因喝過甘露得以長生不死 。羅睺的頭知道是日神蘇利耶和月神（Chandra）打的小報告，害他功虧一簣，為了報仇，他一直追著日神和月神 。偶爾追上，就把日神和月神吞食入口中，造成日蝕和月蝕 。而當日月從他沒有身體敞開的喉嚨跑出來時，蝕便完結 。」

個故事真係咁架

睇wiki，原來真係咁搞笑
https://zh.wikipedia.org/zh-hk/搅乳海
原來仲有後續
「一個神志較為清醒的阿修羅羅睺眼看甘露要被善神們喝完，於是偷偷變化成善神的模樣，混在隊中喝了一口甘露 。他的行為被日神和月神發現 ，馬上報告給毗濕奴 。毗濕奴在甘露尚未經過羅睺喉嚨的時候，將羅睺的頭砍下 。羅睺的身體馬上死去 ，但他的頭因喝過甘露得以長生不死 。羅睺的頭知道是日神蘇利耶和月神（Chandra）打的小報告，害他功虧一簣，為了報仇，他一直追著日神和月神 。偶爾追上，就把日神和月神吞食入口中，造成日蝕和月蝕 。而當日月從他沒有身體敞開的喉嚨跑出來時，蝕便完結 。」

咁搞笑

咁點解泰國已經係個佛教國家咁多年
但機場又會有座乳海翻騰雕塑，曼谷市徽又有因陀羅

好撚高汁呀巴打

印度教故事好多都好搞鬼

好好睇

睇完三面娜迦 對印度教好感興趣
btw拉瑪皇朝同奴隸制度會唔會講下

啱啱無聊睇下發現 原來大鵬金翅鳥係泰國皇權象徵

好想瞭解下點解會有個華裔做左泰國皇帝
樓主

睇完三面娜迦 對印度教好感興趣
btw拉瑪皇朝同奴隸制度會唔會講下

拉瑪皇朝係泰國歷史精髓，唔會唔講
奴隸制度都會講

《乳海翻騰》呢個故事有樣嘢好值得留意，就係個主角。《乳海翻騰》嘅主角再唔係響《吠陀經》入面萬人景仰嘅火神同雷神因陀羅，而係毗濕奴。呢個唔係巧合嚟，因為隨住印度文明發展，印度冇人再崇拜火神同雷神，改拜所謂嘅「三相神」。三相神係下面三位：


創造之神梵天（Brahmā），騎住隻天鵝


維護之神毗濕奴（Viṣṇu），坐騎係金翅大鵬鳥（不在圖中）


毀滅之神濕婆（Śiva）。呢個像係擺響日內瓦CERN總部，即係發現上帝粒子嘅地方


四面佛根本唔係佛，係梵天

****************************************

泰國國王現時有四個官印，用來響官方文件上面蓋章。



上方左起第一個印代表濕婆。第二個印章有隻大笨象，因為因陀羅係騎大笨象，所以第二個印代表因陀羅。第三個印章有隻天鵝，就代表梵天。

下方嘅印就有一隻迦樓羅（Garuḍa），又稱大鵬金翅鳥，係代表毗濕奴嘅。呢個印係最重要，因為國王嘅尊號都響上面。平時有啲冇咁重要嘅文件，就噉用呢個大鵬金翅鳥印就可以，無需出動其餘三個印。

點解大鵬金翅鳥會係國王嘅象徵呢？點解唔係天鵝或者大象呢？噉係因為，現時嘅泰王都號稱係拉瑪托世，而拉瑪呢個印度傳奇英雄係毗濕奴化身，所以就用毗濕奴嘅坐騎為象徵。

拉瑪呢個印度傳奇英雄有幾傳奇？成本印度史詩都係講佢嘅。呢本史詩就係《羅摩衍那》。

越睇越有趣

又上wiki了解下，又見到個搞笑故事
點解四面佛有四面？

Wiki:
梵天創造了一個女神，名喚莎塔如帕（Shatarupa）後，卻開始迷戀這位擁有無雙美貌的女神，因莎塔如帕覺得不妥，於是經常轉到梵天的左面、右面、後面甚至飛到上面，以避開梵天的目光。為了方便凝視莎塔如帕，原本一張臉的梵天遂長出五張臉來。

後來梵天冒犯了印度教的另一大主神——毀滅神濕婆，事起因於毗濕奴問梵天誰是創造宇宙的至高無上創造者。梵天答：「他即創造宇宙的至高無上創造者，因為他是創造宇宙的至高無上創造者，所以毗濕奴也該崇拜他」。

梵天的話令濕婆大怒，因為濕婆認為祂才是創造宇宙的至高無上的創造者，憤怒的濕婆化身成為Bhairava（陪臚-意為恐怖的殺戮者）。在盛怒之下，濕婆用額頭上的第三隻眼放射出來的火焰，燒向了梵天朝上方看的那一面，並用左姆指的指甲割下了那顆首級，於是梵天只剩下了現在所常見的四張臉。雖然發生了梵天跟濕婆不和的事，但最終梵天跟濕婆還是和好如初。

點解啲故事咁鍾意斬人個頭

濕婆最出名真係佢碌驚天巨柱

留名 長知識， 極有興趣

另外想問下 象神老豆 係咪 濕婆