有冇人對泰國歷史有興趣？

More

More巴打
對泰國好有興趣既絲打

留名睇秦國

藍甘杏大王一出世既時候，佢老竇淨係幫佢改名做阿藍（Ram）。實際上，直到20世紀以前，泰國人都係冇姓氏既，淨係會改D一到兩個字既名。Ram 呢個名係來自印度史詩《羅摩衍那》（Rāmāyaṇa）既主人公，大英雄羅摩（Rāma）。呢個名都幾多泰王用過，尤其係遷都曼谷以後，所有泰王都號稱係羅摩轉生，例如當今泰王就係拉瑪十世（Rama X）。

噉阿藍又點解叫藍甘杏呢？按照《藍甘杏石碑》既講法，阿藍十九歲既時候，素可泰王國入面既來興府城（Tak）受到襲擊，來襲既將軍騎住隻大笨象橫衝直撞，衝散咗阿藍老竇既軍隊，於是阿藍就騎上佢自己既大笨象，打敗咗攻擊自己國家既躝癱。老竇好開心，就叫佢做「勇武的阿藍」。古泰語入面，「甘杏」既意思就係勇武。

響藍甘杏治下，素可泰王國急劇擴張，東面去到永珍（現今老撾首都），西面去到印度洋，南面更去到布吉以南。


藍甘杏治下的素可泰王國（Sukhothai）

暹羅、高棉同古日本交集唔多，得呂宋、占婆國有較多質易往來，趁機認識都好

地圖其他嘅國家有冇中文名 想搵資料 有啲搵唔到

深藍色係大越
鮮黃色係占婆
紅色係高棉帝國
天藍色係羅渦
綠色係駭黎朋猜
粉紅係蒲甘王國
最下面係三佛齊

越南嘅歷史就係一面討好中原/江南政權，一面被佢地虐打之後又趕返佢哋出去；平時俾人蝦開，就走去蝦占婆；之後就俾法國佬吊打

同埋三佛齊算唔算係海洋霸主？

越南嘅歷史就係一面討好中原/江南政權，一面被佢地虐打之後又趕返佢哋出去；平時俾人蝦開，就走去蝦占婆；之後就俾法國佬吊打

同埋三佛齊算唔算係海洋霸主？

越南離支那太近，情況同朝鮮差唔多

三佛齊當時係海洋霸主，然後d人改信伊斯蘭教，就散band，變成一個個蘇丹國

遲d諗唔諗住講馬拉歷史

竟然有中國人做國王

漏奶有乜關係？

正阿，支持樓主

Push

睇錯咗秦國，以為講戰國史
Btw推post支持

《藍甘杏石碑》係一塊刻有泰文既石碑，講述藍甘杏大王既事跡。泰國大多數史學家都認為《藍甘杏石碑》係藍甘杏親自雕刻。亦有人認為D碑文一開始係藍甘杏親自雕刻，之後再有人加鹽加醋。亦有人認為塊碑係假既，係一場驚天大陰謀（之後我會再講）。

不過，只要有一部分碑文係由藍甘杏雕刻，都代表《藍甘杏石碑》係最早既泰文石碑，係最古老既泰文文章。呢塊碑並唔係用當時有既字母去寫，而係用咗一種類似現今泰文字母，但當時從未出現過既文字。因此，泰國人都認為係藍甘杏大王發明泰文字母。

《藍甘杏石碑》原文，英文譯本：http://www.seasite.niu.edu/thai/inscription/inscription1.htm


《藍甘杏石碑》現時係擺響曼谷國立博物館


最新版泰幣廿蚊紙，上面既人就係藍甘杏大王

第一章完

[/red]

樓主唔洗理佢 繼續啦

泰國人既祖先，以前係住響雲南、廣西一帶既。

「中國」係响1912年先出現

正確

中國 根本近百年先用
不嬲叫China cina 支那

留名

推推先
巴打繼續努力

留名學野