有冇人對泰國歷史有興趣？

今日熱撚過3月份既泰國

留名待睇

係咪所有歷史post都應該要預佢爛尾

又話final完左

呢幾日捱夜睇乒乓波，成個人都溫溫燉燉

今晚有文

呢幾日捱夜睇乒乓波，成個人都溫溫燉燉

今晚有文

咩乒乓波

上回講到，東吁城既緬甸人，為咗籌集資源人手去奪回佢地既家鄉，於是就打算突襲泰國既大城王國。

佢地從南部既三塔山口進入泰國，並且圍住大城王國既首都—大城。大城國王 Maha Chakraphat 出城同帶兵既將軍單挑，結果挑唔贏，要走佬，緬甸將軍就追住佢嚟劈。Maha Chakraphat 個老婆一早知自己老公打仗唔掂，於是就揸住隻戰象衝出嚟，可憐既泰國王后噉就被緬甸將軍劈死咗。

好彩 Maha Chakraphat 都唔蠢，佢派人向北求援。於是，嗰位一手捧起 Maha Chakraphat 上王位既造王者，北方貴族 Phirenthep，就率領大軍南下勤王。結果，緬甸人退兵。


三塔山口


紅筆係緬甸人侵襲既路徑，藍筆係南下勤王既路徑

推

就去泰國黎學下野
但係開頭d post死晒圖

多謝樓主分享 宜家人在泰北睇特別投入 加油

聽日去曼谷
留名學野

推

睇黎已經無下文

想知 佢地一開始因為乜歷史文化原因 有咁多變性人 國人嘅接受程度又咁高
但佢又係佛教國家
連墮胎都犯法

留個名

想知 佢地一開始因為乜歷史文化原因 有咁多變性人 國人嘅接受程度又咁高
但佢又係佛教國家
連墮胎都犯法

依樣我都想知

lm

Lm

live左

緬甸國王兵敗返國之後，就迷上咗葡萄酒，呢樣由葡萄牙商人所販賣既美妙飲品。宮廷既人覺得呢個酒鬼已經唔再適合做緬甸人既王，於是就合謀隊冧咗佢，嗰陣時係1550年。緬甸國王死咗之後，班貴族就自立門戶啦。正如我之前所講噉，東南亞貴族只會向人效忠，而唔係向土地或爵位效忠。舊王死咗，貴族係唔會自動向新王效忠，所以繼承王位呢家嘢響東南亞係件非常複雜既事。

不過，天命最終都係眷顧莽應龍（Bayinnaung）。「莽應龍」呢個名，響緬甸話係解「國王既大哥」，雖然佢都只係大國王三個月咁上下。死鬼國王冇親兄弟，但係莽應龍佢係死鬼國王個奶媽個仔，亦係死鬼國王個老婆個細佬，更加係死鬼國王個細妹個老公，噉都稱唔上係「國王既大哥」，仲有邊個稱得上？

緬甸國王係有一個仔，但係太細個，所以就一早內定好由莽應龍繼位，之但係班貴族唔安分，結果莽應龍足足平咗四年既亂，搞到班貴族貼貼服服，之後先搞加冕大典，時間已經係1534年。

嗰陣時莽應龍已經38歲，佢決心要做到佢姐夫做唔到既事：征服北緬，征服泰國，征服一切！


莽應龍

想知 佢地一開始因為乜歷史文化原因 有咁多變性人 國人嘅接受程度又咁高
但佢又係佛教國家
連墮胎都犯法

泰國人冇咩接受唔到，除非你殺人放火，姦淫擄掠啫

墮胎算係殺人，所以除非有好好既原因，否則係唔得既

樓主終於出現了

對歷史真係完全一無所知想問下

係唐朝班人落去而家既泰國之前，個地方係冇乜歷史記載？係唐代之前係咩人統治？

好驚走數 樓主出多d好多人睇緊