有冇人對泰國歷史有興趣？

想知 佢地一開始因為乜歷史文化原因 有咁多變性人 國人嘅接受程度又咁高
但佢又係佛教國家
連墮胎都犯法

泰國人冇咩接受唔到，除非你殺人放火，姦淫擄掠啫

墮胎算係殺人，所以除非有好好既原因，否則係唔得既

係噃！認為墮胎殺生噃

樓主
一日一篇唔夠喉呀

lm

[/red]

樓主唔洗理佢 繼續啦

泰國人既祖先，以前係住響雲南、廣西一帶既。

「中國」係响1912年先出現

正確

中國 根本近百年先用
不嬲叫China cina 支那

其實唔係 但係你又錯唔曬 因為中國呢個詞語以前唔算常用 但係絕對唔係冇人用

漏奶咩撚關係

漏奶咩撚關係

我批呀批你個波

是日打風，所以冇文

lm

樓主知唔知咩叫chaiyanuparb?

是日打風，所以冇文

今日呢？

Lm

過咗九年，就響公元1563年，莽應龍已經征服咗成個緬甸，同埋清邁周邊地區。莽應龍既勢力範圍已經同大城王國既北方城市彭世洛好接近，但係大城國王 Maha Chakkraphat 並唔想出兵，因為出兵好麻煩，並且要好多錢。

就響湄公河中游，現今老撾一帶，就有一個瀾滄王國。頭先講到莽應龍征服咗清邁周邊，自然就包括金三角，金三角就係湄公河沿岸，亦即係話，呢個瀾滄王國，同樣受到莽應龍既威脅。所以呢，大城王國就同瀾滄王國結盟，瀾滄王國會出兵協防，而大城王國會出一個叫Thepkasatri 既公主，等瀾滄王族既高貴血脈可以開枝散葉。

偏偏 Maha Chakkraphat 呢條昏君竟然臨時轉軚，唔出 Thepkasatri 公主，改為另一個公主。瀾滄王 Setthathirath 就非常之唔忿巢，就同大城王講，大家冇 friend 子做喇，食自己啦！

就響呢個敏感時刻，彭世洛城就被莽應龍攻陷咗。彭世洛城主 Phirenthep 當年有份捧 Maha Chakkraphat 上王位，佢竟然連援兵都唔帶來彭世洛，城主對呢條昏君好失望，於是就決定一心一意追隨莽應龍。

彭世洛城破，Maha Chakkraphat 終於知衰，佢叫 Thepkasatri 公主即刻去瀾滄王國，帶埋一大堆嫁妝去賠罪。點知，響旅程既途中，彭世洛城主帶兵搶走咗公主，結果大城王同瀾滄王結唔到姻親，更加結唔成盟。

當緬甸人兵臨城下既時候，大城王就知道大勢已去，佢打開城門，行咗出嚟，向莽應龍投降。


莽應龍征服各國既地圖同時間表

佢同柬埔寨好有淵源
留明受教

樓豬係咪已經放棄此post

Lm

第三章 大城崛起

響十四世紀，泰國中部名義上係由 Lavo（羅渦，而家泰文叫 Lop Buri）揸莊，史稱羅渦王國。實際上呢，除咗羅渦之外，響西面嘅 Suphannaphum （而家泰文叫 Suphan Buri）響區内都好有影響力。

後來羅渦嘅王，烏通王（Uthong），同 Suphannaphum 嘅城主結為姻親。為咗住得更近 Suphannaphum，為咗忘記以前向高棉稱臣嘅屈辱歷史，為咗逃避響羅渦流行嘅天花疫症，烏通王就響公元一三五一年，響羅渦東南四十公里建立新嘅都城，叫 Phra Nakhon Sri Ayutthaya。Ayutthaya 呢個名，係來自《羅摩衍那》入面羅摩嘅出生地 Ayodhya，意思係「不可戰勝」。雖然個城改咗個咁吉利嘅名，不過響將來，呢個城會被緬甸人攻破兩次。另外，當地人當時唔會叫座城做 Ayutthaya，而只會叫做 Phra Nakhon，Phra 來自梵語 vara，意思係「偉大」，Nakhon 來自梵語 nagara，意思係「都城」，加埋就係「偉大都城」，簡稱「大城」。因為噉，烏通王就成為大城王國（Ayutthaya Kingdom）嘅開國君主。

可惜，經過一系列瑣屑無聊嘅宮廷政變之後，響1409年，當時嘅Suphannaphum 嘅城主登基，並且趕走咗烏通王嘅後裔。之後，就建立咗 Suphannaphum dynasty，無驚無險噉統治咗個半世紀，直到1548年，Maha Chakkraphat 繼位。


羅渦城内嘅高棉式神廟


泰國中北部地圖

幾型

爛左尾

有人同我講，無論寫幾少，只要keep住個習慣就可以keep住寫。今日有post，不過可能會好少。

上回講到，清邁、彭世洛、大城等地相繼被緬甸軍隊攻陷。泰國全境落入緬甸皇帝莽應龍之手。

莽應龍就叫亡國奴 Maha Chakraphat 個仔做大城國王，叮囑佢每年都要交税畀緬甸，又派一隊兵將亡國既 Maha Chakraphat 帶返緬甸，作為人質。之後佢就響大城一帶徵召民夫，因為響清邁周邊嗰個蘭納王國，得到瀾滄王支持，決定造反。

莽應龍響大城張王座都未坐暖，就要急急腳北上清邁平亂。



瀾滄國王 塞塔提臘（Setthathirath）

等你呀樓豬

On

Btw 樓主，係邊度可以搵到咁多東南亞史嘅Source 我自己都好有興趣