有冇人對泰國歷史有興趣？

樓主身體好返啲先再寫，我等得

東南亞打仗個慣例/風氣係點？
中國就興將軍武將去打，西方就興個君主帶兵去打。咁東南亞呢？
同埋有冇d咩出名戰役呀，以少勝多個d

樓主健康最多要

東南亞打仗個慣例/風氣係點？
中國就興將軍武將去打，西方就興個君主帶兵去打。咁東南亞呢？
同埋有冇d咩出名戰役呀，以少勝多個d

通常都係兩邊既將軍騎住大笨象上來，然後來一場象背決鬥，基本上贏咗決鬥就贏咗場仗㗎喇。

東南亞好少有常備軍既，多數都係徵召民夫去打仗。呢啲民夫無論響忠誠度定係戰鬥技巧，都係接近零既。

出名戰役呀，以少勝多呢種係冇乜，因為東南亞D史書都寫到唔清唔楚……

btw 今日冇文，聽日有文

康熙二年、暹羅國正貢船，行至七洲海面遇風飄失，止有護貢船一隻來至虎門，仍令遣囘。

　　三年七月，平南王尚可喜奏：「暹羅國來餽禮物。」却不受。

　　是年，題准：「進貢正貢船二隻，令員役二十名來京；補貢船一隻，令六人來京。准該國貿易一次。」其年，暹羅入貢方物凡十三種，有孔雀、六足龜。

　　謹案：「是年定制；孔雀、六足龜，後俱免進。

　　四年十一月，國王遣陪臣握坤司吝喇耶低邁禮等，齎金葉表文，航海入貢。表稱：「暹羅國王臣森列拍臘照古臘馬嘑陸坤司由提呀菩埃誠惶誠恐稽首謹奏大淸皇帝陛下：伏以新君御世，普照中天，四海沾帲幪之德，萬方被敎化之恩。卑國久荷天朝恩渥，未傾葵藿之心。今特躬誠朝貢，敢效輸欵。敬差正貢使握坤司吝喇耶低邁禮、副貢使握坤心勿呑瓦替、三貢使握坤司敕博瓦綈、大通事揭帝、典辦事等臣，梯航渡海，齎奏金葉表文、方物、譯書一道，前至廣省，差官伴送京師進獻，用伸拜舞之誠，恪盡遠臣之職。伏冀俯垂寬宥不恭，微臣瞻天仰聖，曷勝屛營之至。謹具表稱奏以聞。」聖祖仁皇帝命從優賞賚。御前方物：龍涎香、西洋閃金緞、象牙、胡椒、螣黃、荳蔻、速香、烏木、大楓子、金銀香、蘇木、孔雀、龜，凡十有三種。皇后前，方物並同，各減半。賜國王緞、紗、羅各六，織金緞、紗羅各四；王妃各減二；正、副使每人正賞采緞、羅各四，絹二，布一，衣緞表、裏各一，加賞織金羅、采緞各二，靴一雙；通事、從人緞、羅、絹、布、靴有差。

當時既歐洲人，好多都認為東南亞既戰爭係細路仔玩泥沙，就係因為打仗好少見血。亞洲咁多國家，歐洲人只係認同日本人係真勇武，其他人都係垃圾

中國呢 ？咁多國家打仗中國算係最激烈最多計謀

呢個故事叫「乳海翻騰」，乳海就係牛奶既海洋，圍繞住印度神山須彌山。

話說一班好神同班衰神打仗，打足幾千年，死咗好多神。衰神因為衰啲嘅關係，漸漸就佔咗上風。於是好神就夾計嚟返個大逆轉。班好神就話，不如停戰，一齊合作響乳海度提取不死藥啦。

於是龍王難陀就整斷一座大山，將座山扔入乳海入面。座山上面有好多草藥，眾神希望啲草藥同乳海啲乳溝埋之後，就會有不死藥出嚟啦。

座山實在太難推郁，於是毗濕奴（Viṣṇu）就化身做一隻烏大龜，托住座山，然後再搵龍王婆蘇吉（Vāsuki）蹺住座山。噉樣，班好神就揸住婆蘇吉條尾，衰神揸住婆蘇吉個頭，一推一拉，就推得郁座山啦。毗濕奴雖然化咗肉身，但係佢嘅神魂依然企響山上面，指揮眾神。

諸神用座大山做攪屎棍，攪到乳海翻騰，海入面啲魚蝦蟹就噉攪到死晒。乳海翻騰嘅摩擦力令山上嘅樹燒著，造成大火，燒死山上嘅動物。山附近嘅乳海都變成牛油啦，但係不死藥依然冇影。

再攪多陣，結果從海底攪出咗一隻神牛，一匹神馬，一隻神象。再攪，就攪出一啲寶石，一輪月亮，然後重有一堆仙女攪咗出來。有個仙女叫吉祥天女，毗濕奴搶咗來做老婆。

跟住竟然從海底攪出咗一堆毒汁（亦有傳係婆蘇吉太勞累，嘔咗啲毒汁出嚟），濕婆（Śiva）捱義氣吞晒啲毒汁，佢老婆見倒之後就鍊住老公條頸，唔好等啲毒汁流落個胃，結果濕婆個喉嚨就被毒汁乸到變青色。正所謂苦盡甘來，不死藥出現啦。

不死藥一出現，啲人就爭崩頭啦。響呢個moment，毗濕奴要爆啦——佢使出色誘術，啲衰神掛住望女仔，結果不死藥就被班好神搶曬。班好神依家長生不死，衰神就冇碇企啦。故事完結。


第七代火影示範色誘術

簡單易明

森列拍臘照（Somdet Phra Chao）：係國王專用既頭銜。

古龍（Krung）：都城。

拍臘（Phra）：神聖。

馬呼（Maha）：偉大。

陸坤（Nakhon）：城市。

司（Sri）：光榮的。呢個係響印度文化圈非常常用既頭銜。

由提呀：即係 Ayudhya，Ayutthaya，「阿育陀耶」，大城。

菩埃（Phu Yai）：直譯就係「大人物」。響現今泰語，呢個詞通常指「大人」（adult）。

加埋就係「神聖都城、偉大城市阿育陀耶既國王陛下」。