［校園純愛］《有一種鍾意，係我鍾意你鍾意我。》/《初戀2000天》

多謝你

過多幾章先Joey唔算係超靚嗰種，但對眼真係好大，同埋好平易近人

懶呀嘛

Joey同James會開始傾計其實因為Jessie

我最初仲以為Joey係會撩人條仔果啲女仔黎添

你放心，現實生活都有類似嘅八婆角色，仲杯過Jessie

推推推

繼續推

推

第三章（3）

「如有點情迷意亂 讓我許個願
轉注地眷戀 而恒心亦不耗損」
〈終身學習〉

距離學校旅行日還有兩天，這天Jessie如常地到籃球場練習，隊友早走了，只剩她一個還在收拾，最後接近七時才踏出校門。

在這不久前，天文台剛掛起了一號強風信號，悶熱的天氣成了即將來臨的颱風的預告，熱得臉頰微紅的Jessie拖着緩慢的步伐踏出校園。

時正九月，灰白色的校牆被鮮紅色的月季劫持，染得一片紅，儘管日色已暗，還是無法遮蓋她的嬌美，輕易地吸引了路人的目光。

Jessie也不例外。

她走到月季旁，深呼吸了一口氣，卻嗅不到半點花香，只聞到自己陣陣汗臭味，還有⋯⋯一點雞蛋仔的香氣。

邊到黎嘅雞蛋仔味？Jessie好奇地四處張望，回過頭，發現身後站了一個人，正拿着一底剛出爐不久的雞蛋仔。

「啱啱出爐嘅雞蛋仔，啱唔啱？」James把手上香噴噴的雞蛋仔遞到Jessie面前。

蛋香味比月季香濃郁得多，瞬間竄進Jessie的鼻腔，誘惑她的每吋神經。

飢餓的Jessie忍不住咽了一下口水，雙眼牢牢盯着那底雞蛋仔，口裏卻說：「唔洗⋯⋯」

沒料到，Jessie還未說完，James已掰了一小塊的雞蛋仔放進她微微張開的口裏。

饞嘴的Jessie驚訝了半秒，便抵受不到美食的魔力，開始咀嚼起來，嘴角甚至不自覺地往上揚。

「見你咁鍾意食，分一半比你啦。」說罷，James把本來圓圓的一底雞蛋仔分成了兩半，手裏拿着一半，用紙袋裝着的另一半則塞到Jessie的手裏，然後徑自往前走。

Jessie連忙追在James身後，問道：「咁好？」

「我不嬲都好好架，係你唔鍾意咋嘛。」James目光仍舊看着前方說。
這簡單的一句話，卻輕易使Jessie尷尬起來，接下來的路也再沒說過一句話，只默默吃着手中的雞蛋仔。

儘管如此，James還是享受這過程——至少他能看到她這張饞嘴的臉，很是可愛。

直至走到車站時，James竟不是往平日的方向走去，而是跟着Jessie來到707巴士站。

「你唔係搭開34架咩？」Jessie問道。

「都未有車，咪陪你等下你架車囉。點解你鍾意打波？仲要係籃球，唔辛苦咩？」

這時等車的人不多，與早上上學時段的繁囂嘈雜形成強烈對比。雖然這份寜靜，拌了點Jessie的汗臭味，卻竟比夏日的涼風更讓James感到愜意。

若那時的Jessie知道的話，大概會覺得James是個神經病。幸而，她不知道——說準確一點，是她沒興趣知道。

「你Requiz辛唔辛苦呀？」

「辛苦呀，要好辛苦咁逼自己唔好望你練波，集中精神做份卷，真係好辛苦。」James盯着Jessie的臉蛋說道。

這時Jessie剛好轉過頭，對上James的目光，便忍不住問道：「你做咩望實我？」

Jessie總覺得自己的臉很大，所以平日都喜歡用長長的瀏海修飾自己的臉型，唯獨練波的時候，Jessie才會把瀏海全夾到額頭上，以免遮擋到視線，影響發揮。而這時候往往是Jessie最沒信息的時刻，因為她總覺得這樣的自己很醜。

「今年旅行日你會唔會去？」然而，James卻沒有回答Jessie的問題。

「去又點，唔去又點？」

「其實點解你成日都唔去依啲活動？」

也不知是怎樣的一段對話方式，一條接一條的問題竟成了二人對話的方式。

「點解要去？又曬又熱，又無聊。」Jessie嫌棄道。

「不如你今年去啦，都無幾多年可以去啦。」

「咁咪好囉，唔洗再去就最好。」

「咁樣你會錯過好多野。」

比起上課天，James和K哥他們最喜歡這些活動天，可以不用讀書，只管盡情嬉鬧。

「例如呢？」

「例如⋯⋯」James遲疑了幾秒，續說：「我親手整嘅菠蘿腸！」

點解我會講出菠蘿腸啲咁低B嘅說話？才剛說出口，James便後悔了。

「你整嘅識飛架？菠蘿腸咁簡單，我都識整啦。」Jessie對此嗤之以鼻。

「姐係有識飛嘅腸你就黎？」

「你整得出咩？」Jessie懷疑得眉頭都微微皺了起來。

「你黎到咪知。」

「車，整唔整到又點，我又無好想食。」

「真係無興趣？最多用你鍾意食嘅芝士腸整啦，」眼見Jessie還是無甚反應，James又說：「面頭再鋪層芝士，再加芝士粉，無敵爆拉絲。」

「你唔係唔鍾意食芝士架咩？」Jessie問道？

「估唔到你仲記得。」James竟得意起來。

「我⋯⋯咁啱記得咋嘛。」這時，Jessie忍不住掏出手機看時間，心想：過咗咁耐都仲未有車架？

Jessie開始懷疑究竟是手錶壞了，還是走了一班車，然而，事實卻是她到的時候剛走了一班車，要等十五分鐘才有下一班，而現在才剛等了約五分鐘。

明明只是五分鐘，沒耐性的Jessie卻覺得很是漫長，儘管雞蛋仔的香氣還在口中蕩漾，齒頰留香，還是無法阻止她的臉開始黑起來。

「再唔係，你去嘅話，以後你練完波，我都買定底雞蛋仔接你放學，免費架，有無好吸引？」

「無喎。」Jessie表面板着一張臉，內心卻正不斷對James的提議瘋狂點頭。

只要幻想到以後練習完，都有人在等自己，還要拿着自己最愛的、外脆內軟、又香又甜的雞蛋仔等自己，就讓Jessie很是心動。

可惜，那時笨拙的James還未看穿看似聰明，實際上卻是頭腦簡單的Jessie。

「你做咩咁想我去姐？」Jessie問道。

「咁一齊去開心呀嘛，而且唔想你第時諗返起一片空白姐。」

「空白又點？」

「到時先後悔就太遲。」

「我意思係就算我後悔又點？你又唔會因為咁少忽肉⋯⋯」

「我唔想見到你後悔，見到你唔開心。」James的眼鏡框滑到鼻樑中間，目光越過眼鏡，使他看Jessie的目光似極了金魚佬。

「點解？」Jessie尋根究底地問道，卻沒想到卻是把自己推到尷尬終端的最後一步。

「因為見到你唔開心我都會唔開心。」James頓又頓，續說：「我鍾意見到你笑，你笑嘅樣好好睇。」

Jessie被直白的James的話堵住了嘴巴，本來已熱得泛紅的臉又紅了點。

點解會有人可以咁大言不慚講啲咁嘅野？⋯⋯Jessie心想，恨不得掘個洞跳進出，逃離這快將把她凝固的、僵硬的氣氛。

然而，James還是一樣樂得自在，倒是覺得害羞的Jessie很有趣。

這時，James的巴士來了。

「就咁話啦，如果你去呢，我就請你食雞蛋仔，如果你無去到呢，就係你請我食⋯⋯」James突然靠近Jessie耳邊，續說：「仲有你張醫生紙⋯⋯」

自那天起，James不時也會找Joey聊天，向她請教追女生的秘訣。有一次，Joey不小心漏了點口風，聰明的James便馬上猜到Jessie的醫生紙大概有不見得人的秘密。

我張醫生紙⋯⋯？Jessie沒料過James會知道這件事，一時還未反應過來。直至她反應過來時，James已跳了上車，正隔着窗對車外無奈的Jessie揮手。

唔係真係要去吓嘛？大欖郊野公園，又熱又曬，媽呀！站在火爐似的巴士站，沒耐性的Jessie心情本已不太好，現在內心的她更是在吶喊。
---------------------
雖然少咗好多人睇，
不過我都會繼續努力打落去！
多謝仲睇緊嘅大家請繼續幫推！希望聽日更到！！

推

條腸識飛
我諗起條撚識轉彎

sor 我睇到呢度都唸錯隔離

到底Jessie讀書嗰區d嘢係咪真係特別正

push

想當年網上流出嘅布吉島愛情動作片，男主角嘅圓月彎刀！

默默關注中

呢類古好好睇 放鬆得嚟有有少少sad

LM樓豬加油

等你呀樓主!

推
唔開心都好
睇Jessie嘅故都會識笑

樓主加油 我會繼續睇

多謝大家留名，為咗仲睇緊嘅你地，今晚好勤力咁打咗成晚！！
----------------------------
第三章（4）

下午三時多，下課鐘聲剛響，Jessie正忙着做剛才老師派的數學功課，這樣回家就不用做功課，也不擔心自己會忘了。

這時，Joey、Tina、Andy、Chloe都背着書包走了過來。

「喂，行得未呀？成村人等你呀。」Andy對還在執拾書包的Jonathan說道。

「我等緊Jessie做埋題數咋。」Jonathan說。

「Jessie唔係唔去咩？」

「我都想唔去。」Jessie抬起頭，臉上掛起一個難看得可以的假笑，然後低着頭，繼續埋頭苦幹，藍色的墨水在白紙上龍飛鳳舞。

「唔想去你又去？聽日旅行日你去咩？」

「我緊係⋯⋯」Jessie以堅定的目光看着Andy，可語調很快就變得氣餒，無生氣地說：「去啦。」

「哇，世界變，你竟然話去，你對上嗰次去係幾時？兩年前？定三年？」Andy驚訝得雙手拍在Jessie的桌子上，完美地掩蓋了功課上的問題，使Jessie無法做下去，只得無奈地盯着神情誇張的Andy，說：「你依家係咪好唔想我去呀？」

Jonathan的嘴角微微上揚，卻不知Jessie令Jessie改變主意的會是James。雖然二人曾在一起過，但Jonathan知道這對Jessie而言，不過是一段她努力想抹去的Puppy Love，他還怎可能影響到她？

「你去就啱啦，你整野食咁叻，一於整啲甜品去食。」Andy說。

平日Jessie最愛做甜品，蛋糕、心太軟、泡芙、布丁、班戟⋯⋯無一不曉，而每次Jessie也會把製成品的相片放上Facebook。

「係喎，不如整泡芙呀？我係你Facebook見到好吸引！」Joey高興地說。

「但我屋企無焗爐喎，有無簡單啲架？」Chloe問道。

「一係整木槺布甸囉。唉，整咩都好啦，你快啲比我做埋題數先啦！」Jessie撥開Andy的手，繼續她未完成的運算。

「啱啦，咁你負責整木槺布甸，Jonathan負責整菠蘿腸同壽司卷，Joey、Tina你地就負責整燒賣，Chloe你就整魚蛋啦。嗯，就咁話！」Andy發號施令道。

「咁你呢？」Tina不滿地問道。

「我負責做監工囉，仲負責最後試食，幾偉大？」看到這樣大言不慚的Andy，Tina和Joey都禁不住反了個大不眼。

過了幾分鐘，看着還在做數的Jessie，Andy終於按捺不住，把她的文具都塞進筆袋，又把功課都塞到抽屜，完全沒有理會因為被人打斷，而氣鼓鼓的Jessie，說：「做做做，聽日返黎先做又唔會死嘅，行啦。」

「聽朝邊⋯⋯」未待Jessie說完，Andy已拿起她的書包，半強逼地拉着她離開了課室。


「好，終於買好料！你地快啲開工啦，唔係無時間架啦。」剛到Chloe家，Andy還未脫下鞋子，便已開始發施號令。

Chloe的家並不大，但間隔卻很實用，正方形的客廳放了一個電視櫃和沙發，而飯枱則是能摺疊的那種，所以剛脫下鞋子，Chloe便忙着把飯桌拉出來，以便大家工作。

「擺係到啦，你地去洗手先啦。」Chloe一邊忙着遞拖鞋給他們，一邊忙着把Jonathan他們手上的那堆沉甸甸的膠袋都放到長方形的飯桌上。整理好後，Chloe馬上跑去打開冷氣和電視，又從雪櫃拿出冰凍的飲料來給大家消暑，沒有停過下來，還補充道：「雪櫃仲有雪糕，你地鍾意就自己去拎啦。」

這大概就是Andy喜歡來Chloe家玩的原因，因為貼心的她總會把一齊準備好。

「有無雪米糍？」Andy問道。

「有呀。」

「係咪抹茶味？可唔可以拎比我？」

「你黎過咁多次，明明知係邊，自己去拎啦。」Chloe雖然嫌棄，但身體卻自動走了到雪櫃旁，把Andy最愛的抹茶雪糕遞到他手上。

「都係你屋企最好，次次都有我最鍾意嘅抹茶雪米糍，你要唔要試下？」Andy把包裝撕開，用裏面附贈的膠叉把其中一糰遞到Chloe眼前。

Chloe嫌棄地別過頭——Andy又忘記了，Chloe其實不喜歡抹茶味的東西。

「我又要，有無雲尼拿味？」剛洗好手的Jessie從洗手間走出來問道。

「無喎。」Chloe說。

「乜你咁偏心架，次次都有Andy鍾意嘅抹茶味，但就無我鍾意嘅雲尼拿味。」Jessie不爽地看着Andy。

「Chloe屋企無人食雲尼拿味咪無囉，有得你食仲嫌三嫌四。」Andy把冰涼的雪米糍放到嘴裏。

「Chloe屋企無人食抹茶味架，明顯係特登買比你啦。」

「係咩？抹茶咁好味都唔食？咁奇怪。⋯⋯Chloe下次繼續買返依隻牌子呀，好味過上次嗰隻喎。」說着說着，Andy很自然地就把頭靠在了Chloe的肩膀上。

特登買比你仲話我奇怪？Chloe心想，便故意聳聳肩，使Andy的頭從自己肩膀上滑下來，說：「咪搏我懵呀你。」

「鬼得閒搏你懵，係都搏Jonathan啦。」Andy壓低聲亮說，唯恐其他人聽到。

「邊個嗌我？」這時，Jonathan也從洗手間走了出來。
----------------------------
仲有無人睇緊，仲想睇多啲？留名話我知，我再加

你地諗咩

個街市係正架，不過已經翻新咗了，但聽聞翻新咗仲多咗野食，但貴咗，都無咗嗰種人情味

咩料乜黎架

點可以默默耐唔耐都要留下言架