［校園純愛］《有一種鍾意，係我鍾意你鍾意我。》/《初戀2000天》

放心，有Jessie係到，藍心過得好好，除咗性格有啲奇怪

第九章（3）

「我去唔去好？」James問道。

「唔得，唔比去。」Jessie嚴肅地說。

「吓，點解？」

「講笑咋，你想去咪去囉。」

「有女仔喎？」

「所以呢？」Jessie反問道。

「你唔介意，唔擔心咩？」James竟有點希望Jessie會介意，彷彿這樣能彰顯他在她心中的價值。

「點解我要擔心？」

「萬一有其他女仔愛上我咁點算？」

「哈，」聽到這句，Jessie捧腹大笑起來，說：「哪來的自信呀吳生？笑死人咩？」

「笑笑笑，萬一真係有呢？」

「我可以點？你鍾意嘅，咪同佢一齊囉，只要同我講聲，我OK架喎，我會笑住咁祝福你地。」Jessie認真地說。

「哇，咁大方？」

「咁唔鍾意就係唔鍾意架啦，有咩辦法姐？我都無預過我地會永遠一齊，有過美好嘅回憶咪夠囉，死纏爛打咪仲難睇。」

James驚訝Jessie面對他們之間的愛情竟能如此坦然，坦然得他開始懷疑她是不是真的喜歡自己，卻不知那是因為Jessie還未意識到自己已漸漸習慣有James的世界。

而當她發現的時候，已經太遲了。


「Jessie，有人黎搵你呀。」班上的男生朝Jessie大喊道。

「喔，我黎啦。」Jessie連忙在功課上寫上最後一個字，匆匆走到課室門前。

「你掛住做功課得架啦，唔洗理我啦。」James故作不高興地說。

「明明你前兩日都無黎搵我，仲好意思話我？」Jessie說。

剛開學的時候，James確實還會堅持每天、每一個小息都來找她，可隨着日子漸漸過去，他來找Jessie的次數逐漸減少了，而他卻不自覺。

「係咪有咩誤會呀？最多我請你食糖啦。」James從褲袋掏出一堆檸檬味的二寶糖來，是Jessie最喜歡的味道。

「哇，咁多檸檬味嘅？」

「我買咗幾筒，特登食晒你最唔鍾意嘅橙味，留返啲檸檬味比你架，係咪好好？」

「算你啦。」Jessie打開了一顆二寶糖來吃，甜甜的檸檬味在口腔洋溢，頓時忘記剛才的抱怨。

「係啦，我今日放學要去Re-quiz，同唔到你一齊走啦。」

「吓，又Re-quiz，你最近成日都要Re-quiz嘅，今個星期已經三日無同過我一齊放學啦，啲Quiz真係有咁難咩？成日都要re-quiz⋯⋯」Jessie突然覺得再多的二寶糖也不足以補償她。

她實在想不懂，那不過是幾道再簡單不過的數學題，James怎麼可以每次都不合格？

「我都唔想架，係佢次次未教就測，鬼識做咩？」James無奈地說。

「咁你可以預習架嘛。」只要失敗過一次，Jessie便會馬上找方法改進，不容許自己有第二次失敗的機會，所以她不可能明白James的想法。

「未過教喎，點會識？擺明係佢教法有問題啦。」

「你覺得有問題嘅，咁你努力啲升上第一組囉。」

中、英文都是分班授課，唯獨數學科會把兩班精英班拆成三班來上，而Jessie所在的組別是成績最好的第一組，James則是不上不下的第二組，偏偏這一組由Miss Yeung任教。

「我跌落第三組會快啲囉。」

「你可唔可以有返啲上進心？」

「我講嘅係事實，我根本無可能升上第一組。」

類似的說話在Jessie要James考上精英班的時候也聽過，但他最後還是成功考上了精英班。Jessie以為自此以後，他就會改變他想法，沒想到他還是這樣。

她還是未能改變他。

「懶得理你，我返去做功課。」Jessie以為James會挽留她，沒想到James卻說：「好啦，拜拜。」然後頭也不回地走了。

有無搞錯？回到座位上，Jessie竟生起悶氣來。


「請問你知唔知藍樂同學走咗未？」門口突然出現一位穿着白色衣服，拿着一張點名紙的年輕女士。

下課後不久，同學已走了，課室獨剩手腳慢的Jessie還在執拾書包。

「藍樂？我咪係藍樂囉，你搵我？」Jessie疑惑地回應道。

「太好啦，你仲係到。我叫Queenie呀，你報咗個活動，今日係簡介會嘅日子，你係咪唔記得咗呀？」Queenie溫柔地說。

Jessie像失憶的金魚，努力搜索失蹤的記憶。

「啊，係喎，係今日咩？」Jessie驚訝地問道。

「係啊，開始咗啦，你快啲落黎啦，係102室。」

「喔，你等我陣呀。」Jessie連忙背起背包，跟着Queenie跑。


來到102室，簡介會早已開始，當大家都快被講者催眠時，Jessie的進來才稍為喚醒了他們快蓋上的眼皮。

「同學，遲到要坐第一排呀，快啲坐低啦。」Jessie本想坐在最後那排，好讓她可以安心睡覺，可那位講者卻指了個第一排的位置給她，她只好硬着頭皮走過去。

眼見Jessie終於安頓好了，講者才繼續說：「啱啱講到我地依個Programme每個月都會有活動，而最近嗰個係今個月尾舉行嘅2日1夜露營，仲有唔到三個禮拜姐，係為咗Build up你地嘅Team spirit嘅，所以個Camp⋯⋯」

吓，要入Camp架？Jessie心想，看太多恐怖故事的她對哪些渡假營沒有好感，總覺得那些地方真會有些甚麼可怕事情發生。

「好耐無見過你，你都Join咗依個Programme呀？」Jessie這才發現，旁邊的人是久違的Jonathan。

唔係我係到做咩？Jessie心想，回答道：「係呀，咁啱嘅。」

「佢啱啱話要分組，不如我地一組呀？」

Jonathan很久都沒主動和Jessie說過話了，久得她都快忘了他們曾經是最要好的，無所不談的好朋友。

看了看四周，沒有一張臉孔是Jessie熟悉的，只好回應道：「喔，好呀。」

「係呢，你有無去過露營？」

「無喎。」Jessie絕對是個話題終結者，每句說話都只有幾個字，還都是句號收結。

「我都未，聽佢講好似要咩好多野，又要孭帳幕、睡袋嗰啲，仲要帶埋煲啦，⋯⋯」Jonathan滔滔不絕地說着。

Jessie突然覺得眼前的Jonathan好像有點不一樣，但又說不出有哪些不同，但她還是高興，這位曾經的好友終於重新和她說話了，那種感覺就像回到從前，他們還是彼此的鄰座的時候。
-------------
頹頹地無乜心機打

Jessie做乜咁晏瞓又頹

唔知點解好唔鍾意Jonathan呢個人 成個第三者咁

佢幾時有搶過Jessie

中、英文都是分班授課，唯獨數學科會把兩班精英班拆成三班來上，而Jessie所在的組別是成績最好的第一組，James則是不上不下的第二組，偏偏這一組由Miss Yeung任教

跌波華小姐先成個第三者咁囉

「咁唔鍾意就係唔鍾意架啦，有咩辦法姐？我都無預過我地會永遠一齊，有過美好嘅回憶咪夠囉，死纏爛打咪仲難睇。」

最可怕嘅事係佢令你相信你地會永遠一齊，然後離開你

夜深人靜嘅時候就好易頹

No 依家先係啱啱開始

可能你太鍾意James

哇我地係究竟係幾有緣

最好唔係真係識
我會嚇到瀨屎架

可能要叫返Jessie 一聲師姐

嗨東哥

第十章

放學後，James再次來到熟悉的地獄101，掃視了整個課室一眼，所剩的座位並不多，他最後坐了在Hannah旁邊的位置。

「你又Re-quiz呀？」Hannah不是101的常客，只是間中沒溫習，又欠缺一點運氣，才會來這裏。而每次來這裏都會可到James。

佢究竟有幾多份Quiz要Re？ Hannah心想。

「唔通黎探你？」

「你點樣做到份份都要Re架？」

「以我嘅資質，有乜可能，我只不過想見多陣Miss Yeung先特登失手。」James自信地說，沒有一絲猶豫。

「哇，」Hannah那句讚嘆虛假得很，「估唔到原來你咁愛Miss Yeung喎。」

「我跟咗Yeung姐4年，我地嘅感情唔係你諗咁簡單。」

「Hannah，出黎拎返你份卷。」聽到Miss Yeung叫自己的名字，Hannah便走了出去拿卷。

「點呀走得未？」James對剛走回來的Hannah問道。

「我爭一題咋頂！」Hannah說。

「姐係未得啦，仲話我『你點樣做到份份都要Re架？』，你咪一樣。」James模仿Hannah的表情說，醜得使人看了都想揍他。

Hannah反了一下白眼，再之掏出筆記來溫習，希望能盡快離開這鬼地方。

時間一分一秒的過去，Hannah已做了同一份卷幾遍，還是沒能逃出生天。

「其實你係咪落咗降頭？我發現見親你都有排Re，硬係會錯啲唔知咩低B問題。」

這問題不僅Hannah問過，Lemon和Jessie也問過。

「咁都有得賴？」James一臉冤枉地看着Hannah，心想：明明我咩都無做過，「唔通係我太靚仔？」

「Ok，我當我無講過。」聽到這句，Hannah懶得和James再說下去。

就這樣，接近六時，Hannah才終於合格，可以拿起背包離開了。

以後Re-quiz都唔可以比James坐我隔離，Hannah心想。

「喂，等埋我，我都走啦。」

「你搞掂啦咩？」

「你係咪誤會咗啲咩，竟然覺得我會有搞掂嘅一日。」

「咁你仲走？」

「聽日繼續啦，再Re落去我會猝死。」James也拿起背包，跟着Hannah一起離開了地獄101。


來到學校門口，已是黃昏時分，夕陽的餘暉灑落在球場，打在籃球隊隊員的身上，把汗水曬成了一顆顆珍珠。

Hannah站在鐵欄前，再走一步便可離開學校，而她卻回頭，目光駐足在球場上的男生身上。

「搵你條仔呀？」一旁的James問道。

Hannah最新那任男友是籃球隊隊長，兩人都是學校的風頭躉，郎才女貌，所以當大家知道他們在一起的時候，都毫不意外。

「散咗啦。」昏黃的光線照射在Hannah身上，為她添了幾分落寞。

「吓？又散咗？」James驚訝地問道。

「唔洗咁驚訝喎，分手依家野，好閒姐。」說完這句，Hannah終於挪動她的腳步，踏出校門。

咁又係，你拍過咁多次拖，經驗豐富，James心想，卻還是忍不住好奇地問道：「好地地做咩分手？」

「唔啱Feel咪分手囉。」Hannah嘗試把一切說得雲淡風輕，還是無掩語氣裏的傷感。

「唔洗唔開心喎，仔死仔還在，下個更可愛。」

「我無野喎，係我同佢講分手嘅，我無事喎。」

不論是誰提出的分手，還是難免傷感，畢竟誰也沒想過，當初讓你心動的，如今竟會成為陌路人，從此你與他再沒一絲關係。

「吓，人地籃球隊隊長喎，咁好條件你都唔要？」

「你知啲咩呀。」Hannah想起他手機裏的曖昧對象，心還是有種不舒爽的感覺，「我決定⋯⋯」

「決定咩？」

「我決定我以後要搵個有錢嘅男朋友。」

「點解？有錢一定好架啦咩？」雖然James早已知道Hannah是個不折不扣的港女，可沒想到她還是個拜金的港女。

「係呀，有錢唔一定好架，但無錢嘅都唔見得好好。既然到最後都係會變心，點解我唔揀個有錢嘅？起碼最後我都有啲揸拿呀。」

「係你未遇到好架姐。」

「例如？」

「例如⋯⋯」James想了想，說：「Lemon囉，夠專一，再唔係我都OK架。」

「哈，你自己知自己事。」Hannah冷笑了一聲，沒有把James說破。
---------------------
其實Hannah真係醒目女，講得都幾啱
今日要加更嗎？

加啦加啦！

Angel放假？會唔會出現下，雖然以前無咁fd

加更 　依排多文可以睇好爽

加更

加啦加啦