路人月
2020-05-26 02:15:05
沈教授講出左好多重點,請大家俾多d耐性同智慧去閱讀同思考。面對中共我地真係無可能力敵,只可以智取。
以下幾點係小弟愚見:
總結:11,15,20
主要係一d客觀情況,不作過多分析
總結:1-6點
主要係講中共與國際間嘅博弈,講到底其實都係利益嘅結合。
對策:曉之以利,動之以情
國際上要建立返一套維持香港地位對各國政商有咩利益,最好當然就係維持現狀,政治上與中共保持距離,但係經濟上則維持作為中共交易窗口,難聽d講姐係要繼續做白手套同買辦。不過無計,哩個係歷史交俾香港嘅任務,香港百幾年黎都係咁生存。
另外由於西方都係民主國家,動之以情的對象就係佢地嘅國民,用民粹嘅選票去騎劫返政客。除左賣慘之外就緊係主打民主、自由、人權哩d。你叫民族獨立人地真係唔會理,因為每個國家唔多唔多都總有民族問題,咁真係好趕客。
總結:7,8,14,16,17,18,19
主要就係分析一d中共對其陣營嘅統戰手段同方法,包括定性行動方向同一d資源再分配去驅使保皇陣營搏命。
對策:分之以利
做得奴才緊係為錢,所以佢地唔會care上面行咩路線,總之越左越好,幾核突都爭住做。要分化佢地上策就係揾人扮極左路線搶資源,不過哩樣好難,佢地有內部機制識分。咁退而求其次就緊係迫佢地鬥紅,揾人集中火力扮藍絲,專攻某d做得唔夠激嘅保皇黨,等佢地要內鬥爭資源,咁就保證佢地會日日衝出黎柒。
而另一個重點分化對像就係公務員系統,一方面宣揚佢地好快會俾黨幹部同新中共部門取代,另一方面要對當中嘅同路人支持,同時又要扮藍批鬥,隨步將佢地推哂過黎。對想做奴才嘅都一樣,扮紅推左,批鬥推走。
總結:9,10,12,13
主要分析中共對香港一般人嘅統戰手段,哩度對我地好重要,文宣上一定要重點反擊。因為中共玩左心戰實在太多年,對人性掌握得非常透徹,而哩點正正係我地成日忽視嘅野。同路人緊係好知道大家點解會咁嬲,點解要反抗,但係一般人呢?點樣用人性嘅弱點去引導佢地係好重要。
對策:建立統一戰線
哩點的確好難,因為所謂64黃金比中嘅6其實好闊,由獨派、自決派、溫和民主派、中間派等咩都有。所以我地先會產生路線之爭同鬥黃之類問題,因為每條路線都想哩6成歸邊。係自己人手中搶資源永遠比係對家搶容易,所以大家永遠都見到自己人互界,然後一句對家d人我地爭取唔到,由得佢地死咁嘅情況。
要解決就一定要揾最大公約數,問心,我相信一定係維持一國兩制同真雙普選。對獨派黎講,問心除左年輕人支持,市佔率有幾多?17%? 你諗真d係想俾口實對家,然後開開心心咁叫口號而輸,定係忍辱負重静静地咁贏?有冇諗過可以為左贏而不擇手段到口號都唔叫?梁天琦就試過。
意氣用事當然好易,但沉住氣鬥智先係成熟嘅表現,之於個種話做咩都會俾中共屈,所以點解唔做嘅論述,除左話俾人知你係小學雞之外仲達成左d咩?試想下中共一直推港獨,但由聽日開始我地突然一句都唔講,佢連圖都揾唔到一張黎做新聞會點?諗起中共口啞啞個樣我已經偷緊笑。
總結係我支持所以對香港有利嘅選項,包括獨立,中英/美共治,外地建國等咩都好,一定要睇時機同配合返政治現實。只要本土派真正搶到統治權,到時想公投獨立,特赦手足,清算黑警等,想做咩都得。