每日期指分析

聽日唔會再升咩？？

巴打新join呢個post?
就算博穿樓豬阻力位都應該要止蝕左

跌勢未完

下一波見21000

呢位巴打trade得幾好，大家可以學下

已like學野

代樓主post

港股繼昨日反跌為升，今日繼續反彈432點。
回顧上星期五港股因為「國安法」，令市場恐慌暴瀉1300點，令港股終於行出左兩個月以來的間區。但作為理性投資者，大家都要理性分析一下不同市況。
由星期五開始，到今日星期二，三個交易日，大量北水湧入中資股（特別是700）以及唯一的港資股（388），資金力托個市，成為支撐港股力量之一。
無疑地大家都會被突然其來既「國安法」而導致恐慌以及睇淡，但大家亦要跳出來分析大概會有邊一種情況有機會出現。

-「國安法」成功通過，美國或其他國家立即出招制裁中國，外資全數散水，到時港市大跌。我相信個一刻大家都忙於跟住兌錢走資，個市又再大跌。

-「國安法」成功通過，其他國家發表不同聲明，但沒有任何實質行動，外資等北水及散戶資金湧入，令港股再次推返上，從而外資再慢慢走資。我相信呢個最大機會發生，面對疫情影響下，不同國家都想盡快復蘇，難以再有精力、資金去對抗中國。另外商家佬只認錢，將港股推高再走資，令成本減少，係最好既方法。等走資到一定時候就睇北水仲托唔托到個市。

-「國安法」成功通過，商家佬當無事發生，以疫情快完結作為利好原因，繼續一齊搵大錢，令香港徹徹底底變成一個空殻，只係搵錢地方，恆指30000點gogogo。

-「國安法」取消，所有事情當無發生過，呢個發生既機會率就..

以上都只係簡單推測，最想帶出一件事就係，我地只係散戶，並唔能夠控制個市點樣走，散戶只能夠分析、推測個市有機會點樣走。每一次入場，要定好目標同止蝕位。當你發現個市並不是跟著你預期一樣走，到了你止蝕位就離場，觀望一下究竟發生什麼事。錯既只會係你，唔會係個市場錯，只有贏錢先係正確。所以大家要守好紀律，做錯就止蝕留本錢，咁先可以有機會繼續刀仔鋸大戶。

刀仔鋸大戶!!!!!!!

推

多謝刀仔
anyway,國安法睇落都勢在必行，冇咩懸念

Thx 刀仔

繼續留名學嘢

今日無分析

隻熊未殺亦未放，驚驚

[5月28日]
琴日休完息後，反思返前兩日既TRADE，發現自己入咗個盲區，除咗國安法之外，自己仲睇漏咗樣人仔匯率(因為人仔轉弱，資金流入港股)，呢幾日都只係做PUT，賺少咗一半....明明都計到位都唔夠膽買。呢幾日睇人仔個勢睇黎仲有排跌，有玩外匯既可以留意下。
廢話講完講返個市，琴晚美股見頂，望返夜期行咗個相反，預計聽日應該都係玩單邊市睇淡，加上夜晚一連出幾個大新聞，係消息面黎講都係睇淡。

講返好耐冇講既技術分析，50天線跌緊落緊，加上今日係23515高位到做咗個頂出黎，對淡友黎講好有利，如果玩長盤既，可以將止蝕位縮落到23515，同一時間睇返10天線開，準備跌穿50天(預計聽朝應該會拉開到)，如果係可以趕係20天追落黎之前，跌穿22519，預計都會跌得幾深。

今日既關鍵位係23326，如果上唔返呢個位，今日都係玩PUT為主，另外22930都係一個關鍵阻力位，如果收市前都企唔到上去，可以買隻鎖利熊試下坐下，不過如果GAP跌，大家要特別小心，有機會俾人夾倉先行，保守既朋友照樣等10點後先入市，另外新手聽日千祈唔好玩盤前，夾死都似。

另外聽日期結，個波幅應該好大...唔知大戶點玩。。我地唯有縮注黎TRADE，期結完應該會係3點後會開多轉車，大家可以留意下。

週未夜期HSI 22485
道指DJI 24465

阻力位 (紅線) 23072 23236 23326 23384 23515
支持位 (黃線) 22519 23648 22725 22800 22878 22930

5月28日即市牛熊攻略
(DAYTRADE:同樣玩彈高熊，追PUT要留意搵止蝕)

睇好既朋友: 唔建議買CALL..

睇淡既朋友: 今日睇下開市有冇機會開係23326先PUT，不過止蝕同樣要放到23326(可以預多0.3%)，想追PUT既止蝕要放到23326，今日目標玩放風箏，不停推高個止賺，一級級落，如果去到22725，可以留意下(有機會彈上)，睇下有冇機會見23585。

**如果開市開得超低，就自己計止蝕,目標先好入，如果離下一級阻力好近就唔好追住，一係等穿咗先買/彈返上先買

以上都係個人意見，最緊要睇住止蝕位黎做世界
個股方面:太多喇，隻隻都有唔同既地方，如果想知道分析既可以係下面到留言/PM 我地

最後老土講句，你地既支持對我地黎講係一種動力，希望大家LIKE & SHARE !!!
同我地一齊日日刀仔鋸大戶~
https://www.facebook.com/HKtraderAnalysis/

#港股 #股票分析

Push push

刀爺
今日應該都係玩彈高熊

推多謝刀仔

推

留名 多謝樓主