每日期指分析

用3月個頂(268)做指標OK，另外3月跌市前個頭肩頂頸線伸延大約係265

Thanks vin巴，可唔可以透露下你短線有咩部署

唔知中唔中，暫時估嚟緊行類似去年4月模式，月初見頂後行range(大概800點內)上落做個鐵底效果，之後至真跌，玩range啲位可以睇樓主推介

不過前題係先見頂，依家未肯定前只可細細注

264

多謝vin巴今日個市回都唔回下 想搵位入 又怕高追

今日個勢真係似大戶出貨feel

散戶通常中招係跌市太早入貨(或者升市太早出貨)，跟住加碼溝貨，最後頂唔住低位止蝕，大部份散戶會好似你同我咁今日都係唔敢高追，所以大戶今日未必出到貨，事實上散戶多數喺升市沽貨或put, 翻查過去兩日大量資金係流入熊證及認沽證就好清楚

前幾日喺第二個post講咗由2月28000開始跌之後散戶嘅持貨(按CCASS數據估計)概況，喺度分享番參考下：

.....由2月280開始跌，散戶係一路跌一路買，外資大戶就一路跌一路沽，去到穿230樓下時散戶頂唔順止蝕沽，外資大戶就開始反手收貨，所以當時打穿230去到215就係真震倉 (可惜呢啲數據只可以事後fact check)

215後散戶係見有反彈就繼續出貨，大戶就繼續收貨，彈(升)到240時戶基本上喺要出到260以上買嘅貨

而呢兩個月横行散戶仍然係240彈上就出貨，250回落就入貨，但整體仍然係出貨，依家應該係出緊280嘅貨，或者係陳年倉底貨

所以睇持貨走勢，估計大戶目前係仲未派大貨......

後註：
大戶出大貨常見手法係先抽高做個鐵底，跟住做個跌市比散戶入貨同溝貨，而睇數據之前3個月上落市大戶已經將散戶嘅貨抽得幾乾下，所以今次升市大戶係直接買上，唔使借淡友止蝕盤都可以勢如破竹，不過亦幾難估頂

而目前只係估計前頭肩頂(265)上面加埋之前高位應該好多蟹貨，而好多倉位指標亦好似去年4月，所以暫時咁樣估住先，可能係錯，唔使多謝

今日大升市，散戶都係繼續入熊走牛，夜期又夾

即係有排升

外資瘋湧買A股，人仔大升，資金市，今次估頂要睇人仔圖，唔係股市圖

[7月7日]
琴日個市咁升法其實都唔洗點諗，加上美股都咁升法，睇怕開高既機會好大…

不過有樣野我地要開始小心，股指升緊，但隻VIX都同一時候升緊，呢D時候我地要開始留意，跟買CALL要細注，買PUT要更加細注，同埋持倉個時間要減少。呢種市唔應該咁進取，另外講返琴日，我自己個指標由(9:10，10:20)已經係咁出現背馳訊號，但個指數都係到不停咁升法，而對上果次出現呢個情況已經係對上6月23號，之後就再對上已經到19年6月10號，兩次都係大升之後，再黎一下急插，(6月10跌1500點<背馳咗一日>)，而6月23如果唔計個訊號開始正常返既，就跌600點(背馳咗半日)....今次背馳咗咁2日，我反而相信係大戶出貨FEEL，個市要大跌首要做到個市場氣氛好好，每次拉低都會有散戶幫手拉起，之後就開始等利淡消息，呢套就係大戶既操作手法，黎緊我會開始部署返買返少少熊仔，開始溝淡返少少好倉，而好倉都會照留，不過都係留返少少。

今日既關鍵位係
27908，重大阻力區
27082，黃金分割(0.786位，短暫阻力)
26825，大阻力位
26300，大成交區域，阻力變支持
26080，黃金分割既0.618位，阻力變支持
25486，上升通道阻力變支持


(7月7日即市牛熊攻略)
呢D位真係唔敢叫你地買，強烈建議一定要細注，買PUT一定要出日K出陰燭先買得，如果唔係夾死都似。
睇好既朋友，CALL就自己搵支撐位當止蝕，自己睇位
睇淡既朋友，我地睇下今日會唔會出陰燭，俾我地細細地擋個市


最後老土講句，你地既支持對我地黎講係一種動力，希望大家LIKE & SHARE !!!
同我地一齊日日刀仔鋸大戶~
https://www.facebook.com/HKtraderAnalysis/
TG : t.me/hktraderanalysis2020

昨日單日有大約$184M資金凈流入恒指熊證，$66M流入恒指認沽證，係近呢幾個月嘅大銀碼

如果個市係升就會繼續夾不留手並收升，相反如果係明顯資金凈流入淡倉但個市肯收跌(放生淡友)，見頂機會濃

惟有等....

今日個市一hit到你尋日講嗰個268頂就跌，咁算唔算係估中個頂，之後睇今鋪係真跌定橫行

自己原本估個頂係前頭肩頂線265(即今朝開市位)，開市衝多3分鐘近268就好快回返去264樓下，跟住冇再升，而過去連續幾日散戶係勁多資金流入淡倉同流出好倉，上面講過咁嘅情況，如果個市係要升大戶應該唔會客氣亦無顧忌咁夾上去(好似昨日咁)，所以9:40後一直上唔番264已經知好大機會係見頂，只係未轉燈未能確認

到下午轉跌，即昨日淡友可以走人，尤其係跌穿260(約昨日枝陽燭一半位)，等如昨日有一半淡友可以take profit 走人，留意昨日有2500億成交，今日2400億，今日個低收位大槪鎖咗兩日超過3600億成交(當昨日下午陽燭一半坐咗)，咁樣睇大戶應該派咗第一浸貨，派咗嘅貨應該唔想更高位收番，7月大機會已見頂

走勢仍在預期中，繼續估嚟緊行一陣range，睇番今日同昨日大部份成交都係262樓上做，所以估個range頂可能約262，底可能係前裂口255

只係斷估，形勢日日變，自己未必跟足

多謝vin巴，我反而覺得未必係大戶想放生老散，而係仲未搵到位做個頂俾散戶，以為撞頂回落，如果大戶要繼續推低收多d籌碼先，由24100果到推上黎個差大戶手上既貨應該fing得7788，依家似係要棍落拉低，收貨，再行上
同埋如果真係大牛市，大戶正常就唔應該俾佢收陰燭

睇返樓豬果兩日，都係急跌完，好快就急拉，我估應該係呢個禮拜既事

265係前頭肩頂頸線，而2017年8月到今年2月，絕大部份時間恒指都係喺265上面，所以上面係今次熊市嘅重蟹貨區，如果恒指短期內真係由熊轉牛就可以殺番上去

只係自己目前仍未相信恒指好快由熊轉牛，所以傾向估係見頂回落，冇水晶球，可能你嘅睇法係啱

至於樓豬嗰兩日嘅整體形勢同呢次(預期要熊轉牛)幾唔同，成交額呢同兩日亦好唔同，未必可以直接比較

另外過去兩三個月嘅上落市係大戶將散戶嘅貨抽乾咗，喺250樓上時大戶手上係好多貨

咁應該要磨一排先散到

[7月8日]
個技術性牛市~又完咗喇
琴日個升完之後急插，加上美股既走勢，低開個機會偏大。但個市到底會跌幾多呢/仲唔會趺深? 又係果句喇，我地唔好靠估，又係睇阻力支持位去炒，邊面既值搏率既高，我地就買果面，依家買PUT，我地個止蝕位可以放26072，之後就26513; 而買CALL個止蝕就要最近就要放到25472(4月8至6月10拉上黎既上升通道)，之後就要去到25050(上升三角型既頂)(呢個位會係比較重要。如果跌穿呢個位，個市又會趺返去(24300-25000)呢個橫行區。\
今個個方向好睇會係係咩位

另外係到多謝連登Vin既提醒，呢排人仔同個股市個關連性都好近，大家入市前可以參考下人仔走勢先，另一方面大家可以順便睇埋隻AUD，隻AUD對上阻力係0.70/0.71，而支持就係0.6990，0.6943。呢排個關連性都好大

最後，提多次大家，呢排個注碼唔好咁大，同埋唔好過夜，我自己寫咗個Pragrame都出咗aleat，有84個%機會跌0-2%(仲未backtest完)，大家可以參考下。


今日既關鍵位係
26513，大阻力位
26250，大成交區域，阻力變支持
26060，黃金分割既0.618位，支持變阻力，WEEKOPEN，今日既關鍵位好淡分界線25486，上升通道阻力變支持
25700，大阻力位
25300，大成交區域，阻力變支持
25050，上升三角型既頂)

(7月8日即市牛熊攻略)
今日要睇開市開係咩位，如果開得太低去到25300上面，我地就一定係睇上
相反如果開得高係26250下面，我地都係照買PUT
如果低開既，買CALL會有利好多，因為止蝕會比較多

睇好既朋友，如果10點後，跌唔穿，可以係26060左右買CALL，止蝕放26040，目標睇上26250
睇淡既朋友，今日如果低開買追淡要好小心，呢個時候要小心，我地就唔買住。另外注碼方面要比平時注碼細多一半，建議等10點後，睇下會唔會跌穿26060，我地可以係26060左右買PUT，止蝕放26080，目標睇25700

最後老土講句，你地既支持對我地黎講係一種動力，希望大家LIKE & SHARE !!!
同我地一齊日日刀仔鋸大戶~
https://www.facebook.com/HKtraderAnalysis/
TG : t.me/hktraderanalysis2020

更正
AUD對上阻力係0.70/0.71，而支持就係0.6922
咁大家要小心，0.6943依家阻力變支持
會跌到0.6922，一跌亞洲市走唔甩

昨日跌市陰燭散戶大量資金流入牛證，但熊證卻未有資金流出，今日會比較難捉摸

今日似阿爺硬托定大户制造氣氛出貨

睇人仔，今日外資應該係繼續掃A股，A股推高國指，國指頂住恒指去出緊啲貨

今日難捉摸，結果就係唔行單邊行咗range

[7月9日]
琴晚美股隻NQ又上返喇，不過隻NQ撞咗個前高10694，今日要留意既位係會唔會回調到10641，望10569。而港股，首先要企返係26480樓上先可以繼續睇上，同一時間用黃金分割去睇個市(25489-26495)明顯可以見到係回調係0.618做咗個反彈出黎，同一時間形成咗杯型，如果杯型係成立既，咁正常應該今日/聽日會上到26480，最理想就係上埋26791，之後再係呢個RANGE到26480-791之間做個杯柄出黎，咁就有排上。
今日預計都係開高，如果開到係26480樓上，咁我地就可以繼續買上(保守10點後KEEP到既話)，止蝕放480，如果企唔到就買PUT，另外26060呢個位依舊係好淡分界線

我依舊都係用觀望KEEP住細注即日為主，炒住浪為主，佢要升就炒上，就要跌就跟跌。

今日既關鍵位係
28332，
27881，大成交區域，阻力
27340，黃金分割既0.786位
26513，大阻力位
26250，大成交區域，阻力變支持
26060，黃金分割既0.618位，支持變阻力，WEEKOPEN，今日既關鍵位好淡分界線25486，上升通道阻力變支持
25878，雙底
25700，大阻力位
25300，大成交區域，阻力變支持
25050，上升三角型既頂)

最後老土講句，你地既支持對我地黎講係一種動力，希望大家LIKE & SHARE !!!
同我地一齊日日刀仔鋸大戶~
https://www.facebook.com/HKtraderAnalysis/
TG : t.me/hktraderanalysis2020

行一陣range做柸柄等爆，爆上就牛一，爆落就熊三

萢菜依家做緊柸柄，枝柄個range行咗成個月等爆，睇下港囡之後跟唔跟