第？節—大姐姐與遊樂場（上）
今日我著住T恤、短褲，白色嘅懶人鞋咁出門口，短褲當然唔係一般女仔著開嗰種貼身，而且露出半隻大脾，仲要極之短嘅熱褲，而係褲管超大，可以放到兩隻腳，褲腳覆蓋到半膝頭嘅短褲，果然，咁樣著先係最舒服。
阿怡第一眼見到我，就皺晒眉頭，一副難以置信嘅表情咁望住我：「哇，你搞咩呀？小學生咩！小學生而家都識襯過你。」
「你咪理，我鍾意咁樣，邊個要著嗰啲衫。」我唔服氣咁答。
「但你件T-Shirt係女裝嚟㗎喎。」
「吓！？」我低頭檢查，但無論點睇都睇唔出有咩唔妥。
「Cutting都唔同。」佢邊扯我衫袖同衫尾，「個袖闊咁多，版型又咁鬆。」
等我仲以為，只不過係大件少少嘅T-Shirt……
阿怡忍住笑，只係個用鼻吱咗一聲：「服咗你，反正今日去嘅地方你咁著又啱啱好。」
「到底你要帶我去邊？」我係車上不斷問佢，車嘅路線又係我唔熟嘅，我完全估唔到，但佢都係唔肯答。
但係當接近目的地嘅時候，我從車上大大隻嘅玻璃窗已經望到巨大嘅摩天輪、過山車、同埋纜車，原來佢要帶我嚟遊樂場。
屋企得返我同阿媽之後，我就兩年都無嚟過遊樂場玩，雖然我真係好想嚟，但係如果係同阿怡嘅話，真係可以好好享受咩。
一落地，只係係大門外嘅水池就已經感受到歡樂嘅氣氛，我地買飛入到去之後，阿怡拎住地圖問我：「去邊度先？睇熊貓？」
嚟到呢個公園，去睇熊貓好似一定例行公事一樣。
係館入面大家只係係「之」字型嘅路上咁樣迫埋一齊，後面嘅人根本唔係好睇到玻璃入面嘅畫面。
直頭終於行到去玻璃面前，呢團黑色溝白色嘅毛茸茸好似人一樣咁，肚皮向天坐係個斜坡。
佢不停將草地上嘅竹葉拎上手，用個鼻聞啊聞，然後又掟走咗，直頭搵到啱心水嘅竹葉，就兩手捉住，拎將部份嘅葉咬出嚟。
然後佢就單手揸住咬咬咬咬，用完右邊嘅牙咬就用左邊嘅牙咬，用完左邊嘅牙咬又用右邊嘅牙咬，個下巴係咁郁下郁下。
「啊……哈……」睇到呢幕嘅我忍唔住用雙手棒住塊面，「好……好得意……」
「佢食緊嘢咋喎。」阿怡有啲不解風情咁問。
我向佢反一反白眼：「行啦，後面已經郁緊。」
出嚟之後，阿怡繼續問我：「跟住去邊？上山？」
我搖搖頭，指咗指前面嘅兒童天地。
「你認真，我地唔去坐過山車？」
「我想去轉個圈先。」
細個嗰陣又唔玩得機動遊戲，除咗睇動物之外，我就只可以嚟玩呢啲細路仔嘢，當然其實有得玩我都唔敢玩機動遊戲。
呢度有火車仔，要入錢玩嘅遙控車同船，兩層樓都唔夠嘅摩天輪，呢啲簡單嘅嘢反而先係嚟呢個公園嘅回憶。
坐旋轉木馬嘅時候，阿怡好似好尷尬咁唔願坐，因為全場幾乎清一色嘅細路仔，除咗我同佢之外，仲有係我前面呢個長髮及腰嘅女仔，似乎得佢一個人玩。
玩完離開嘅時候，阿怡仲係等唔切咁講：「跟住應該上山啦啩。」
「得啦得……哎呀，Sorry……」我顧住答佢，無望到前面，撞到頭先個女仔。
佢一個轉身，長髮就隨風飄起，然後用佢巨大嘅心口對住我，當睇到佢個樣嘅時候，我就立即記起……佢係嗰日幫我洗頭嘅大姐姐！
（少甜）我同個TB交換咗身體
蘭若生春夏
1001 回覆
178 Like
21 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
「啊……你係嗰日嗰個……」大姐姐先係有啲出乎意料咁望住我，然後當佢見到阿怡嘅時候，表情立即轉成可愛嘅奸笑：「咁快就有男朋友啦？定係嗰日唔好意思講咋。」
「唔係咁㗎……佢只係……」我紅住面，有口難辯，唔知點解釋好。
「你唔會係一個人嚟啩，同你一齊嘅人呢？」阿怡聰明咁引開話題。
「係呢，你又係咪同男朋友嚟？」我乘勝追擊。
佢有啲唔好意思咁摸咗摸後尾枕：「男朋友？啊哈哈哈……可以話係嘅，不過我好似畀佢放咗飛機。」
係水泡，係水泡吖！我立即好似樹熊一樣咁抱住大姐姐隻手唔放：「咁不如你跟埋我地一齊嚟玩啦，好唔好。」
「咁好咩，我唔會做電燈膽咩？」
「佢真係唔係我男朋友！」我繼續紅住面咁澄清。
「好好好……」佢好似有啲唔明白點解我咁嘴硬。
於是乎，阿怡似乎先係變咗陪襯嗰個，只好跟住係我地兩個後面，大姐姐頭先已經睇咗熊貓，我地索性上山，排咗一段時間終於上到䌫車。
「係呢，大姐姐你叫咩名。」
「我啊？嗯……」佢用食指篤住下巴認真咁諗咗諗，「瑩啦，你叫我阿螢，你呢？」
「我叫……」我停頓咗一下，差少少講咗本名：「我叫……阿怡。」
「咁嗰個懶Cool嘅靚仔呢？」佢指咗指坐係對面，面色已經有啲唔好嘅阿怡。
「佢叫子明。」我索性代佢答。
「喔……真係好有性格，同某個人好似。」阿螢姐姐話裡有話咁講。
「係邊個？」我無顧忌咁問。
「咪就係放我飛機嗰個～」佢笑住咁答，睇落唔似嬲緊。
一到山上，阿螢姐姐就突然好興奮：「好，唔嚟都嚟咗，我地去坐過山車啦！」
我聽到之後面色一沉，似乎仲聽到阿怡係後面偷笑，結果都係要玩機動遊戲？
我地先從嗰個會旋轉嘅韆鞦開始，一轉嘅時候會將啲人Fing到半空，雙腿都會凌空。我帶住不安咁排住隊。
「係～兩位小姐呢度，先生坐後面。」哈哈……公園嘅人將阿怡分咗去後面同其它人坐，阿怡唯有死死氣咁坐去後面。
部機開始一邊轉一邊慢慢升上去，然後轉嘅速度開始加速，雖然從下面睇起嚟唔快，但親身上到去就感受到一定嘅離心力。
不過慢慢就變為一種快感，原來一啲都唔恐怖，雖然呢個只係入門級，我落地之後變得特別興奮：「繼續！」
「繼續！」阿螢姐姐都和應我。
跟住我地又去玩激流型嘅過山車，從高處向下衝嘅時候水花散到周圍都係，然後過山車、海盜船、跳樓機，高空停頓然後突然向下衝嘅嗰刻，個心真係跳漏咗一拍，令我地尖叫咗全日。
差少少唔記得咗阿怡嘅存在……我擰轉頭一望，見到佢有搖搖擺擺好似有啲行唔穩咁：「你……無嘢吖嘛。」
「你地行先……我有少少唔舒服……」佢有氣無力咁答。
係喎，我差啲唔記得自己會暈船浪，刺激少少嘅嘢例如公園嘅氹氹轉玩完都會好想嘔，但係因為我而家係阿怡嘅身體，所以一啲事都冇。
「佢使唔使抖一下？」阿螢姐姐有啲擔心咁問。
「我諗佢要……」我睇到阿怡個樣，認真但又有少少幸災樂禍咁講。
我地搵地方坐低，順便飲咗同食咗啲嘢，阿怡叫做復活咗，佢用怨恨嘅眼神望住我，唔洗估都知佢想講點解我竟然會暈過山車。
阿螢姐姐拎出電話撳啊撳，突然就同我講：「Sorry啊，我要走先啦。」
「咁快？」雖然而家已經就快4點。
「多謝你兩個今日陪我玩，如果唔係真係晒咗啲錢。」佢微笑咁同我地講。
「好啦，拜拜。」佢似乎有啲趕急，拎起個袋就轉身要走。
「加油啦男朋友仔～」阿螢姐姐臨走前仍然補咗句。
佢走得太快，我連反駁都無機會。
「佢到底係邊個？」阿怡向我質問。
「之前去剪頭髮嗰陣洗頭嘅大姐姐，啊！我未問佢攞電話！」我驚訝咁叫咗出嚟，真係好可惜。
「今日都算玩得開心啦，都係我帶你嚟先撞到佢。」阿怡邀功咁講。
「多謝囉……」我有啲嘴硬咁答。
「唔係咁㗎……佢只係……」我紅住面，有口難辯，唔知點解釋好。
「你唔會係一個人嚟啩，同你一齊嘅人呢？」阿怡聰明咁引開話題。
「係呢，你又係咪同男朋友嚟？」我乘勝追擊。
佢有啲唔好意思咁摸咗摸後尾枕：「男朋友？啊哈哈哈……可以話係嘅，不過我好似畀佢放咗飛機。」
係水泡，係水泡吖！我立即好似樹熊一樣咁抱住大姐姐隻手唔放：「咁不如你跟埋我地一齊嚟玩啦，好唔好。」
「咁好咩，我唔會做電燈膽咩？」
「佢真係唔係我男朋友！」我繼續紅住面咁澄清。
「好好好……」佢好似有啲唔明白點解我咁嘴硬。
於是乎，阿怡似乎先係變咗陪襯嗰個，只好跟住係我地兩個後面，大姐姐頭先已經睇咗熊貓，我地索性上山，排咗一段時間終於上到䌫車。
「係呢，大姐姐你叫咩名。」
「我啊？嗯……」佢用食指篤住下巴認真咁諗咗諗，「瑩啦，你叫我阿螢，你呢？」
「我叫……」我停頓咗一下，差少少講咗本名：「我叫……阿怡。」
「咁嗰個懶Cool嘅靚仔呢？」佢指咗指坐係對面，面色已經有啲唔好嘅阿怡。
「佢叫子明。」我索性代佢答。
「喔……真係好有性格，同某個人好似。」阿螢姐姐話裡有話咁講。
「係邊個？」我無顧忌咁問。
「咪就係放我飛機嗰個～」佢笑住咁答，睇落唔似嬲緊。
一到山上，阿螢姐姐就突然好興奮：「好，唔嚟都嚟咗，我地去坐過山車啦！」
我聽到之後面色一沉，似乎仲聽到阿怡係後面偷笑，結果都係要玩機動遊戲？
我地先從嗰個會旋轉嘅韆鞦開始，一轉嘅時候會將啲人Fing到半空，雙腿都會凌空。我帶住不安咁排住隊。
「係～兩位小姐呢度，先生坐後面。」哈哈……公園嘅人將阿怡分咗去後面同其它人坐，阿怡唯有死死氣咁坐去後面。
部機開始一邊轉一邊慢慢升上去，然後轉嘅速度開始加速，雖然從下面睇起嚟唔快，但親身上到去就感受到一定嘅離心力。
不過慢慢就變為一種快感，原來一啲都唔恐怖，雖然呢個只係入門級，我落地之後變得特別興奮：「繼續！」
「繼續！」阿螢姐姐都和應我。
跟住我地又去玩激流型嘅過山車，從高處向下衝嘅時候水花散到周圍都係，然後過山車、海盜船、跳樓機，高空停頓然後突然向下衝嘅嗰刻，個心真係跳漏咗一拍，令我地尖叫咗全日。
差少少唔記得咗阿怡嘅存在……我擰轉頭一望，見到佢有搖搖擺擺好似有啲行唔穩咁：「你……無嘢吖嘛。」
「你地行先……我有少少唔舒服……」佢有氣無力咁答。
係喎，我差啲唔記得自己會暈船浪，刺激少少嘅嘢例如公園嘅氹氹轉玩完都會好想嘔，但係因為我而家係阿怡嘅身體，所以一啲事都冇。
「佢使唔使抖一下？」阿螢姐姐有啲擔心咁問。
「我諗佢要……」我睇到阿怡個樣，認真但又有少少幸災樂禍咁講。
我地搵地方坐低，順便飲咗同食咗啲嘢，阿怡叫做復活咗，佢用怨恨嘅眼神望住我，唔洗估都知佢想講點解我竟然會暈過山車。
阿螢姐姐拎出電話撳啊撳，突然就同我講：「Sorry啊，我要走先啦。」
「咁快？」雖然而家已經就快4點。
「多謝你兩個今日陪我玩，如果唔係真係晒咗啲錢。」佢微笑咁同我地講。
「好啦，拜拜。」佢似乎有啲趕急，拎起個袋就轉身要走。
「加油啦男朋友仔～」阿螢姐姐臨走前仍然補咗句。
佢走得太快，我連反駁都無機會。
「佢到底係邊個？」阿怡向我質問。
「之前去剪頭髮嗰陣洗頭嘅大姐姐，啊！我未問佢攞電話！」我驚訝咁叫咗出嚟，真係好可惜。
「今日都算玩得開心啦，都係我帶你嚟先撞到佢。」阿怡邀功咁講。
「多謝囉……」我有啲嘴硬咁答。
兩個月前左右開始係紙言重寫咗
https://www.shikoto.com/articles/214936.html
https://www.shikoto.com/articles/214936.html
樓主原來仲生存緊
我今日終於相信
原來世界上係真係有奇蹟
原來世界上係真係有奇蹟
pushhhhhhh!!!
竟然有新文
竟然真係返左來！實在太神奇
入來LM 先
入來LM 先
屌， 之前樓主成日話唔舒服，以為佢真係死左
推推
西瓜有用
西瓜真係work 
Lm
？
樓主復活
阿怡性格唔同晒
咩都唔記得曬喇
原來呢個時間喺紙言已經重寫緊，枉大家抛咗咁多西瓜。
好滾動
不枉我地等左咁耐 （雖然要睇返前幾章先記得之前講到邊）
不枉我地等左咁耐 （雖然要睇返前幾章先記得之前講到邊）
要睇多次重温下要睇多次重温下樓主快啲開定新po喇
lm下集
lm下集推推
推