(少甜)我同個TB交換咗身體

1001 回覆
178 Like 21 Dislike
2020-07-12 22:01:16
文呢⋯⋯
2020-07-13 01:14:17
推到有文
2020-07-13 12:43:24
Push
2020-07-13 23:43:30
文呢
2020-07-14 04:15:09
已爛尾
2020-07-14 06:10:11
加油,幾好睇。
2020-07-14 20:41:40
樓主快出
2020-07-14 21:33:45
樓主
2020-07-15 15:35:23
西瓜🍉.jpg
2020-07-15 18:39:15
出文未
2020-07-15 19:08:10
現形

一晚我執執下嘢嘅時候,唔小心整跌咗啲嘢落地,當我踎低執返起嚟嗰陣,先至發現原來係阿怡張身份證,等陣先,原來我一直都冇戴係個身……

我注意力放咗係身份證入面張相,同時望一望塊鏡比較咗一下,輪廓係好相似,不過感覺上變到好唔同。呢段時間以來,我覺得阿怡嘅外觀其實真係變到越嚟越靚,以前唔知佢原來咁大潛力,如果真係換到返去,我會唔會……

「呸……呸……」我用力搖咗搖頭,雙手拍一拍塊面,想自己清醒啲,「點可以咁花心,更何況,佢可能唔鍾意男仔㗎嘛。」

我將目光移離咗張相同塊鏡,廢事自己再亂諗嘢,繼續望返張身份證嘅其它部份:「黃雪怡,20號1月1996年……」

等陣,20號?星期日咪就係囉?

原來佢再過幾日就生日,點算好呢,而家咁嘅狀態咪冇人同佢慶祝,反而我就會無啦啦過咗個唔係我嘅生日……

我認真咁諗咗一陣,好啦……既然只係得我知道,就決定嗰日畀個驚喜佢。
2020-07-15 19:08:24
到咗星期五放學嘅時候,阿怡好快就執好晒嘢去練習,佢篤咗我背脊一下,同我講:「我落去先啦。」

「等陣。」我孭起書包企咗起身,「今日……我唔等你啦。」

「做咩?你有咩嘢做?」

「總之……有啲嘢……」我唔知點樣瞞落去,唯有轉移話題,「聽日我想返去我度,順便還返家姐套衫。」

「好啊,冇所謂。」

過咗成日我先發現到,佢嘅領口一邊反轉咗,個頭仲有幾攝頭髮翹起晒。

「唉……你係咪無吹乾個頭就瞓啊。」我走咗上前,幫佢反返好個領,一邊又梳返好佢個頭。

我帶住少少抱怨嘅語氣咁講:「唔該你,唔好成日咁污搲啦。」

「唓……有乜所謂……」佢吞吞吐吐咁擰歪咗一面。

唔知佢做乜嘢呢,好似怪怪地咁,而且都係第一次見佢有咁嘅反應,唔會……咁小事佢都覺得怕羞掛。

我無理佢咁多,收返埋把梳之後就揮揮手同佢講:「咁聽日先見啦。」
2020-07-15 19:08:44
我嚟到附近嘅麵包鋪,企咗係蛋糕櫃面前,係度諗緊揀邊款好。

「唔……如果係兩個人偷偷地,應該細細個就夠啦。」

「阿怡?」又聽到身後有人嗌我。

我擰轉身一望,原來係小琪。

「你睇緊蛋糕啊?」

「係啊……屋企人生日,未揀好。」

「咁啊……」佢走上前望咗一陣,「密瓜呢隻點?」

佢揀中嘅竟然係我最鍾意嘅生果,點解又會咁啱嘅,不過我買嚟係送畀阿怡,無理由揀自己鍾意食嘅味掛。

但係,阿怡好似唔多鍾意甜嘢,如果到頭來都係要我清晒嘅話,咁不如……我內心已經開始打緊算盤。

「多謝晒。」店員畀咗張單我。

轉眼間我已經畀咗錢,蛋糕要聽朝先至會過嚟攞。

出到嚟之後,小琪就對我講:「不如我地去行一陣。」

佢主動邀請我兩個人行街,我當然唔會拒絕。

我地去咗附近商場,都係啲睇衫同飾品嘅細鋪,雖然我冇咩興趣,不過可以陪佢行就已經好滿足。

「話時話。」小琪突然停低咗,「你頭髮係咪又長咗好多。」

畀佢講一講我先發現,原來已經長到過晒膊頭,估唔到,時間已經過咗咁耐……

有時我仍然會諗,我仲有冇機會換返去,我係咪越嚟越似個女仔,我同小琪係咪越嚟越遠……

雖然我地而家咁Close,但都只係假象,我好清楚自己,變返莫子明之後,一切就會打回原形。
2020-07-15 19:09:02
第二日我拎咗個蛋糕之後,就出發去我屋企。

「你嚟啦?你阿媽啱啱先出咗去。」

「喔,好啊……咁入房先。」

我放低咗家姐套衫係梳化,兩手拎住盒蛋糕一直收埋係身後,直到返入房嘅時先至突然拎出嚟。

「登登。」

阿怡有少少驚訝咁望住我:「咩嚟㗎。」

「蛋糕囉,我知你聽日生日,而家咁應該得我可以幫你慶祝咋。」我將蛋糕放咗係枱,「不過禮物就冇啦,送畀你即係送畀我,哈哈。」

「多謝,雖然我唔係好在意。」阿怡細細咁講,仲露出咗好少見到嘅正經笑容。

我插上蠟燭,同佢唱咗首生日歌,唔知點解諗起岩布仙尼,唱完之後就叫佢許返個願,雖然佢好唔情願咁,不過都係雙手合埋咗一陣。

「許咗咩願?」

佢輕輕敲咗我個頭一下:「唔係話講出嚟就唔靈咩?」
2020-07-15 19:09:37
蛋糕有一半以上都係我搞掂嘅,食完之後我地兩個就坐咗係床邊沉默咗一陣,直到我開口:「原來已經過咗咁耐。」

「係。」阿怡簡短咁答咗一句。

「我地係咪咩方法都試過……仲要去到幾時。」

「我冇咩所謂,反正……」佢停頓咗一下,「Sorry……」

「唔緊要,其實我覺得你好叻,就算做男做女都係……唔似得我咁,一直都係冇咩用,一直都要依靠人地。」

我講完之後,唔知點解阿怡突然間成個人伸埋嚟攬住咗我,嘴邊仲講咗一句:「好軟。」

我畀佢突如其來嘅舉動嚇親:「你……你做乜嘢?」

佢冇應到我,反而用力咁將我壓到瞓咗係床上,我張床好耐無瞓過,依然咁舒服,等陣,而家唔係諗呢啲嘢嘅時候,阿怡到底想做乜嘢?

點知都仲未夠,佢伸咗隻手入嚟我背脊,仲越伸越上,去到背帶嘅位置,跟住單手就解開咗個扣,我頓時Feel到原本繃緊胸口突然就放鬆晒。

係呢個時候佢終於都開口,問咗一個好奇怪嘅問題:「你上次嚟M係幾時。」

「咩?咪早兩日先嚟完……唔係……等陣先,你想點啊?」

阿怡又再無理我,仲拉高咗我件衫,兩隻手開始揉我胸前嘅兩舊肉,呢刻我先意識到真係大件事,想話用力推開佢,但我完全發唔到力……推都推唔郁。

「嗯~」我分唔清楚到底係咩原因,但竟然真係好舒服,唔小心叫咗出聲。

我保持住一絲絲理智:「唔係啊……阿怡,呢個……呢個你身體嚟㗎……你諗……諗清楚啲先。」

「就係我嘅,所以我而家點都得啦。」我誓都估唔到佢竟然會咁答。

「唔係,咁我身……身體呢,你……點可以咁……咁自私。」

「喔……借我身份去溝女嘅人竟然咁講。」佢停一停低咗之後繼續,「我知道㗎,你係咪鍾意陳小琪,唔通你咁又唔自私。」

我畀佢講中咗,霎時間反駁唔到佢。

「你答我。」

「係……我鍾意佢,所以唔可以同你……」

聽到我呢句,阿怡隻手終於停低,我即刻退到埋牆角,拉返低件衫,大家又再沉默咗一段時間。

我諗唔明,點解佢可以連對自己都有興趣,係自戀,定係變態?
2020-07-15 19:09:54
呢個時候我終於聽到大門開鎖嘅聲,我即刻著返好件衫,整理一下頭髮,急步咁跑咗出去。

「喔?阿怡。」阿媽企咗係客廳,我行咗埋去,結果換嚟嘅係又畀人攬多一次。

「係啊……姨姨,你放開我先啦。」

「好啦好啦。」佢放手之後望一望我塊面,「做乜你塊面咁紅,怕羞啊?」

我轉移話題,指一指梳化上面個紙袋:「上次借嗰套衫,我洗乾淨還返嚟啦。」

「哎也,唔洗啦,仲諗住送畀你著添,上次咁著好靚女。」

我心諗咪搞……佢發現咗啲嘢少咗會好麻煩。

「我返去先啦。」

「唔坐多陣?」

「唔洗啦……下次先啦。」

我著上鞋急急腳咁逃離咗自己屋企。

第二日阿怡屋企人幫我慶祝咗生日,雖然唔係我嘅生日,但我都係許咗個願,願望係,希望可以盡快換返去。
2020-07-15 19:10:53
多謝你咁好心機,好靚
2020-07-15 19:44:43
2020-07-15 19:59:56
自己俾自己屌會係咩感覺
2020-07-15 20:47:54
樓主出咁多文辛苦晒
2020-07-15 20:51:12
好想睇
整個番外篇睇下都好
2020-07-15 21:19:50
個故事幾正
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞