「咦?但係點解買粉紅色衫畀我嘅?」
可琳:「因為我喺度諗,裙你冇辦法著到出街 ,我就諗有冇啲代替品,我又知你鍾意粉紅色,所以就買畀你喇。」
「咦你又估到我鍾意粉紅色嘅~?我好似冇同你講過」
可琳:「唔知呀,但係你唔覺得粉紅色呢隻色好女仔咩?雖然都有男仔著」
「都係嘅,不過我的確都幾鍾意粉紅色,同埋最緊要係著到出街,多謝你可琳」
可琳照舊用微笑回答我
可琳再講:「老一輩成日覺得粉紅色係女仔先著得,其實我都好想改變到呢個思想」
「就由我哋開始做起?聽日我就著呢件粉紅色衫出街~」我帶點尷尬咁講
可琳:「haha,講到好似環保咁~每人出一小分力」