[新手] 《我係一個由細到大都好想試下做女仔嘅男仔》

推
快啲出文

去到衫舖之後，先發現同女朋友一齊入去賣女裝嘅地方壓力會細好多，我望下啲sales同其他客，無人用奇異眼光望住我，俾著我自己一個入去已經好大機會俾佢哋用望變態佬嘅眼神望住了。

睇咗一陣之後，可琳細細聲問我有冇鍾意啲咩。

我指一指一條格仔裙:「可琳，嗰條格仔裙好似幾靚…好想試下著上身…可惜唔可以…」

可琳:「咁我幫唔到你，呢一刻只可以幫你望梅止渴」

我又概歎一聲:「唉，如果我真係女仔就好啦」

可琳思考咗一陣之後，忽然問我:「話時話，你好似係下星期六生日？」

「係呀，不過做咩無啦啦咁問？」

可琳神神秘秘咁話:「因為我已經諗到有樣想送俾你~」

我好奇地問:「係咩嚟㗎？」

可琳再次神神秘秘咁話:「而家唔講得，你到時咪知囉~」

究竟係咩呢？不過無論可琳送咩我都會鍾意㗎啦。

已出

都應該係送裙架啦

再加埋送自己

加油bro

再次感謝

除咗條裙送俾主角 之後送自己

？

推

今日應該冇文

呢篇要多少少時間諗點寫

新讀者，樓主加油

感謝

今晚11點前有

唔洗11點，而家有

今日係星期日，聽日學校假期，所以呢兩日都會繼續放假，而可琳就同佢父母去咗澳門玩。

我朋友唔多，可琳又唔喺香港，所以我就用手機睇下會唔會搵到啲咩節目，點知俾我無意中見到一個社區中心搞咗一個教化妝嘅活動，最重要係免費，時間正正係今晚，我就決定報名參加。

化妝都係我心目中好鍾意嘅嘢，只係我以往冇乜機會去接觸，化妝雖然係可男可女，但總覺得都係比較偏向女性，所以我覺得今日好大機會得我一個男仔去參加。

去到之後如我所料得一個得我一個男仔，另外仲有五個女仔，而個導師就係男仔。

開始之前嗰度先循例問下大家因為啲咩嘢嚟參加同埋覺得化妝係咩嚟，問到我時都有少少緊張因為我冇諗過佢會問我。

「er……我覺得化妝可以令五官更加立體、好睇，同埋化咗妝俾人個感覺都會精神啲」我以唔係太肯定嘅語氣講

導師:「呢位同學講得好好呀」

其實我都係講啲唔係太肯定嘅嘢

化妝都幾多步驟，呢堂只係學啲基本嘢都要用上兩三個鐘。

終於都完了，雖然我幾鍾意呢樣嘢但都覺得好攰，所以完咗之後就即刻返屋企。

離開咗個中心幾步之後，我身後忽然有把女仔聲嗌我。

回頭望望，原來係頭先化妝其中一個同學kitty。

我:「Kitty,咩事呀」

kitty:「 唔好意思可能有少少唐突，但我想問其實你係為咩嘢而嚟學化妝？」

咁奇怪嘅，我哋只係識咗幾個鐘，無啦啦問我呢啲嘢，唔通佢睇得出我心入面嘅秘密？

今日有冇人睇

有

有

路過

推