有沒有過傾慕
2020-04-12 11:02:21
我堅定咁同可琳講:「好!我哋而家落去」
跟住可琳都帶埋口罩同帽同埋換埋條裙,我哋就出發了。
估唔到第一次同可琳著情侶裝係著裙,究竟係一個咩嘅光景呢?諗起都覺得興奮
我同可琳等緊Lift時,我同佢講返啱啱所諗緊嘅嘢:「估唔到第一次同你著情侶裝竟然係著裙」
「你估我哋會唔會係香港史上第一對情侶裝係著裙嘅情侶吖?」可琳帶點興奮咁講
我都唔知自己係咪有啲自豪:「嗯,都好大機會」
終於落到樓下,我哋都費事去咁遠,所以去咗可琳屋企附近嘅一個公園。
順帶一提,我無乜腳毛,加上皮膚白,所以喺戴咗口罩加帽嘅情況下,其他人真係唔會睇得出我係男仔,美中不足嘅只係我唔係長頭髮。