有沒有過傾慕
2020-03-29 19:02:29
我由細到大都好想試下著裙,但真係未試過親手掂過一條裙。
我終於摸咗落去,裙原來係咁嘅質感嘅!係我十六年嚟第一次摸到條裙!
但人總係貪心的,就咁摸係滿足唔到呢一刻嘅我,所以我仲產生咗一個唔知算唔算係邪惡嘅念頭--著。
可琳入咗去廁所五分鐘左右,而我頭先見到佢神情都幾辛苦下,所以我諗佢應該冇咁快出嚟?
但係我從來未著過裙㗎,加上我自己又有著衫,一除一著嘅情況下唔知要用幾耐時間㗎喎?到時可琳可能已經出返嚟,我就真係唔知點解釋好。
又但係,呢個可能係我人生唯一一次可以試下著裙嘅機會喎,搏唔搏下好?
就係咁,我拎住可琳條校服裙不斷反覆諗緊以上嘅嘢。
呢個時候,我忽然聽到「穎冬,你喺度做咩呀?」