G持
雖然呢啲題材唔會係熱門,但作者都好用心去寫,慢慢會吸引到明白、理解文穎冬既高質讀者們
G持多謝你 其實之前上過一段時間講故台熱門
雖然呢啲題材唔會係熱門,但作者都好用心去寫,慢慢會吸引到明白、理解文穎冬既高質讀者們
可琳聽到之後無奈咁攬住我,我知道佢都幫唔到我,但係唔緊要,有佢陪住我已經差好遠。
可琳:「sorry,我幫唔到你啲咩,但係我應承過你,以後有咩難題我都會陪住你一齊過。」
「得㗎喇,我明,我知你會陪住我㗎」我向可琳表示明白
第二朝,係返學嘅日子,所以可琳要返學,而我前一晚就要留院觀察一晚,所以第二朝走得。
阿媽嚟接我出院,不過睇佢嘅表情,好明顯係接受唔到我。
同阿媽一齊行返屋企,沿途同之前一樣,都係超尷尬嘅氣氛。
「老豆今日唔嚟,我諗你大概都知點解啦,尋日我同佢嘈得咁勁」阿媽無啦啦講嘢
「嗯」我都唔知點答阿媽好
「阿仔,你話我哋守舊又好、傳統又好,乜都好啦,我哋真係接受唔到你咁樣……」
我真係最清楚佢哋,知道佢哋點都唔會接受到我……