有沒有過傾慕
2020-04-28 10:33:18
「sorry……我好奇心大」kitty向我道歉
「好奇大曬?你根本都唔識尊重人」我真係好嬲
我講完之後就即刻走,唔想再見到佢。
即係由而家開始,呢個世界多咗一個人知道我由細到大都收埋嘅秘密……一個係我好想講俾佢知嘅可琳,一個係啱啱算係唔小心自爆咗俾佢知嘅kitty。
返到屋企之後,我同咗可琳講返啱啱唔小心同kitty自爆咗嘅事。
可琳:「做咩咁唔小心嘅?」
「佢咄咄逼人,係咁問我,搞到唔小心講咗出嚟」
我再補充:「無咗你喺我隔離,我成個人都好唔精神,你真係我嘅定心丸」
可琳:「咁其實雖然我唔喺度,但係我送咗條裙俾你㗎嘛,不如有時你見唔到我嘅時候,就攞條裙出嚟望下,見到條裙就等如見到我咁?」
見到可琳咁講之後,我就即刻去衣櫃揾返條格仔裙出嚟。
望到條裙之後,我真係如可琳所講見到條裙好似見到佢咁,成個人精神曬。