有沒有過傾慕
2020-04-09 23:03:34
我問可琳:「咦,但係點解兩條嘅?」
可琳:「你一條,我一條吖嘛~」
「多謝你呀,呢份禮物係我收過最特別嘅禮物」我攬住可琳
「你快啲著嚟睇下吖~」
我終於可以一嘗著裙嘅滋味,係十七年(生咗日)嚟首次,著完之後我去照下鏡。
哇…好怪…著裙嘅感覺真係好怪,但…我好享受~
「穎冬,你覺得點呀?」可琳帶點興奮咁問我
我:「有啲怪…但我好享受~好爽」
可琳:「淨係喺屋企著好似唔夠喎~不如著住落樓下行個圈?」
我眼都突埋:「唔係掛!?俾人見到會指住笑㗎,分分鐘俾人擺埋上網添㗎」
呢個時候可琳入房攞咗個口罩同頂帽出嚟
我問可琳:「即係點呀?」