補充多少少意見
1. 喱個關節位顯得有啲「出戲」
我知BD2本身喱個位係白色, 而且係關節嚟, 做啲好厚油嘅效果會有磨爛嘅風險
所以會唔會考慮轉埋做黑鐵色/槍鐵色之類?
或者一啲簡單功夫嘅效果去配合主體嗰Fantasy感覺?
2. 同上面問題類似但喱舊唔係關節嚟
可能可以做啲fancy少少嘅效果?
主要都係因為個主體太過fancy然後喱啲位好似留白咗咁
其實本身可能唔係一個問題嚟, 但你隔離用咗黑鐵色去襯啲紅藍碎花
我覺得出到嚟個白色就有少少「幅畫有個位唔知做乜吉咗」嘅感覺
即係用返夜空wallpaper個諗法去睇, 你可以加返個月亮上去
但如果個月亮冇乜texture感覺嘅話就好似變咗個太陽喺夜空咁
不過喱個係我好主觀嘅審美嚟
3. 喱啲應該係caution水貼嚟? 我覺得無乜必要加上去
因為佢有啲似你個銀底, 有少少打亂個pattern嘅一體感
4. 個自護logo有少少類似第3點嘅問題, 但係我覺得都算係一個signature
會唔會考慮下用啲冇咁融入背景嘅效果?
因為我覺得而家個樣好似啲水貼染到啲溶咗底色咁