雨野景太
2020-01-11 23:11:02
城裡班德軍冇諗過會有一個敵兵一條友半夜走入嚟
過河入城條橋只有一個德軍看哨, 可能守城只有非常小嘅德軍放散各處, 在主力後退到新防線後, 留返少量哨睇水, 咁你唔係有大部隊攻城, 真係未必會發現你摸咗入嚟.
半夜三更突然見到有條友單拖行埋嚟, 主角咁啱又冇戴英軍頭盔, 好易會以為係德軍自己友半夜出嚟放水, 至於點解咁難打中主角, 黑夜下用單發後座力大嘅舊式步槍, 對快速移動又多掩護物嘅目標係好難打中
主角係地牢見到個法國女人同BB(一個年青女人仲可以係敵軍控制下嘅孤城生存, 你估靠D乜?), 出於善心將堆罐頭食物同牛奶送晒俾人, 咁佢先至唔會跳河後過重浸死, 之後被急流沖過德國及英軍警戒線, 係河邊爬上嚟後又咁啱聽到有英軍唱歌, 如果唔係咁大個森林點搵, 同咁先可以無被警戒線嘅英軍發現直抵目的地
即係由農莊發現牛奶, 到城內遇到個女人同BB, 到後嚟跳河同係林中聽到歌聲, 都係缺一不可