[Switch] FIRE EMBLEM 風花雪月 討論區 (8)

咁我都認同職業平衡真係好差
但我覺得橫轉系統點都應該有啲限制 如果唔係只會大部份玩家用死幾個角色同幾個職業

橫轉我估係佢想你因應唔同戰況轉唔同職業應付
但一黎職業平衡差二黎轉職條件太苛刻，搞到根本做唔到呢個效果

其實我覺得橫轉只係俾你學技

咁當一個角色可以轉做大部分職業而且勁過其他角色（eg Felix 贏9成物理角） 咁其他角色重算唔算有特色？

角色如果設計得好應該係每個角色有唔同定位 唔同優劣 等玩家需要考慮用咩角色 但係而加就出現左部分角色>>其他角色 同部分角色<<其他角色既問題 呢個係角色平衡出左問題

再加上職業平衡差同可以無限橫轉 表面上係多左可塑性 但係高難度下可能令玩法變得更單一（逼住用某啲勁人同轉某啲勁職先會過到）

呢啲問題喺今集真係好明顯

講多少少
喺風花雪月入面，唔同角色既分別基本上只有以下呢幾樣:樣、性格、劇情、個人技、crest、學習優劣同成長率。

頭三樣同gameplay無關就先唔討論，喺今作入面我覺得後幾樣為角色帶嚟既獨特性係絕對唔夠。 Crest基本上真係wfc，可以唔理。之後學習優劣我覺得係幾有意思既，但係優同劣既影響我覺得可以再大啲，因為而加既情況就係只要唔係weak in flying，總之騎龍就係屈晒機，導致職業既選擇會細左好多。個人技既影響都唔算大，暫時未試過有因為招個人技而覺得一個角色好特別。

最後就係成長率，今作好明顯成長率係同expect既職業掛鉤。例如弓手(Ashe, bernie, 四眼仔)會有高技但相對低力，重甲(dudue)會高防低速，法師(白毛)會高魔力低防等。但係基本上玩開火紋都知力同速>>>all 。當所有角色都可以橫轉既時候，成長率相對差既角色就會立即被淘汰。例如ashe 咁，個垃圾成長率根本求其揾一個物理角都會勁過佢。咁做咩要用佢。

所以我覺得職業橫轉既問題其實係同角色唔平衡有關。令我覺得gameplay wise 好多角色都無自己既定位同特色。我會覺得即使有橫轉，都應該加多啲限制，而唔會出現部分角色勁過/弱過其他角色好多。

明你講乜，但呢啲所有嘢加埋嘅問題，
而唔係可以橫轉有問題，
變返if同覺醒嗰種，每人橫轉都要睇資質，咁樣都夠特色啦

前排玩返GBA嘅封印同烈火，
冇橫轉同冇技能，
其實打完一週之後再打嘅意慾真係細好多，
可能只係其中換一兩個角色嚟練嘅分別。

同埋有人特別勁特別弱，
真係關橫轉事咩，
以前冇橫轉，
都會有啲人係冇人會想用，有人係個個都用。
橫轉門檻低的確令到個個想用龍騎弓騎，
但角色間嘅平衡好似唔關事喎，
都係睇攻速成長率多，
以Ashe冇人用為例，
佢嘅救贖除咗要冇得橫轉之外，重要冇其他弓手先得喎

見你提過特色、平衡同強弱幾樣野
想知道你覺得邊集火紋喺呢幾方面做得較好? 又或者你點界定呢幾樣野?

先前我講過角色加入時間，加上今集又唔多限制你用咩武器
呢兩樣野對特色/平衡嘅影響遠比平轉大
例如我比個攻速高啲嘅人，或者龍騎聖騎拎弓咪得，點解要用弓手?
就算冇平轉都不見得你講果幾個幾兜友會得救

至於平轉同強弱，平轉實際上拉近咗成個cast嘅實力，班廢柴受惠係最多
即係你點廢都好，轉到龍騎就點都做到下野，補咗個底先
如果你想班角色強弱差距唔大，咁應該會想有平轉先係

我都想講唔限用咩武器都好大問題
即係我轉土匪學技，重可以用返用開嘅武器去打，用返啲戰技，咁都好着數啫
當然，呢個可以當係平轉問題一部分

今集轉職自由有自由好
問題係有啲配搭真係太屈
最明顯就係騎兵極廢，配咩武都係

其實我諗呢集做到自由度咁高多少係因為呢集玩學院
我諗唔會以後火紋都咁嘅

其實又真係基本上無一集係真係做得好平衡呢樣野
不過我係見今作睇得出成隻game係好有野心先希望會有改善。
我理想中會係大多數角色可以有某啲stand out既位，可以有部分角色特別強，但係唔好有某啲角色廢到用唔到，亦即係每個角色喺唔特別培訓/食藥既情況下最少會係擺得上枱。

我其實幾鍾意以前prepromote=低成長低回報但係高即戰力，而出場等級低=高投資高回報。咁既排陣各項會有多啲考慮。

我同意你講法，我自己係唔鍾意取消weapon triangle 同全職業用全武器。我覺得就算全職業用全武器都好，都應該要有返相應限制。例如如果唔係用自家職業武器既話會減命中/威力咁。如果唔係一定係movement>all (尤其係今集既職業移動力分野太大)。

關於職業平衡性我會希望每一個職業有自己既定位去應付唔同情況，例如劍聖可以去切斧頭佬做dodge tank但係被槍圍會死。聖騎靠移動去做啲救援類既objective。天馬做magekiller 但係對物理兵會唔夠力。重甲做physical tank但係俾法師切咁。 而加既問題就係現有既關卡設計同能力修正下有部份職stand out 太多。

當做到職業平衡，每個職都有佢既niche 既時候咁自然玩家就會想每個職都有啲。而如果有多少少平轉既限制咁即使角色廢成長都可以靠職業特性有佢既用途 e.g. e.g. 如果一關有好多天馬而龍騎唔係好似而加咁勁既話玩家自然會想用弓手/sniper/弓騎 咁呢啲時候玩家有既弓兵就會發揮作用，畀到個定位佢地。 我理想中既火紋係每個職業同角色都可以有喺正常playthrough serviceable 既地方。但係而加即使你話平轉可以令弱既角色修正少少，但係同樣都令勁既角色更勁。講到尾喺超難之下又有邊個有心機練我講嗰幾個廢角呢。

另外我覺得其實風花雪月入面有啲skill真係好撚on9，ashe招技其實只要無得就咁買chest key 就已經令佢有佢出場既意義，但係有得買key就即刻將招技變黑人問號。重有肥佬招技又係唔知做咩鳩，完全唔明點解有啲personal skills可以設計得咁差。

重有今集dancer個設定又係唔得
明明dancer本身再動已經好勁，你重要任人轉同penalties 太少。
我一週目轉左dorothea做dancer 可以再動可以打人重可以補血，重要dancer移動力高過本身啲魔職。會唔會太op

dancer最大問題係
個dancer通常做埋輸出果份
咁做乜要佢再動個輸出呢
而今集啲地圖又細
飛馬都唔洗點衝就到boss

謝謝你嘅回覆，咁樣講一講清楚好多
查實我都只能拎舊作做得好嘅部分黎講，唔代表舊作做得好完美

關於stand out位，我自己好睇重加入時間，而今集咁一刀切其實扼殺咗好多發揮空間
對比舊作，例如暗夜咁，開頭靠班閒角打。閒角極限到咗，就換皇族上場
同樣道理可以用喺封印Marcus/紅綠騎/Percival上面
唔一定每個角色都要去到某強度或者有end game potential，最緊要曾經有貢獻
咁樣就算角色強度有差異，你都可以argue佢地喺貢獻上係平衡係有特色

返到來今集，個design concept係一開波就晒冷比晒啲角色你
只能夠話佢重視角色互動/描寫/育成等等，而犧牲咗部分gameplay元素
我亦都覺得唔能夠完全歸咎於平轉呢啲個別系統

職業平衡上我冇乜補充，當然想IS做好，但係往績太柒，冇乜期望
有啲問題存在咗十幾廿年都冇變過，搞到我都開始WFC
即係速度太過重要，騎/飛OP呢啲大路野搞極都係咁
我都唔期望佢會做到每個職有自己niche呢啲咁精細
最好笑係連FEH都識buff重甲，但係正傳都仲係重甲含撚

個人技我都覺得佢整得好hea，好多都係抄返if果陣
連啲擺到明冇撚用嘅都抄埋過黎
最仆街係Jeralt果招明明設計得咁好，但係冇得用
如果新難度有得用Jeralt，佢有機會係全系列設計得最好嘅Jagen類角色

其實分Niche嚟講if算唔算係做得好嗰隻
我自己組嗰時會明確咁分邊啲係攻邊啲係守，邊啲練嚟打法師

樓上講速重要，if又俾咗個守備隊形技你
流程上坦亦都重要，唔似某幾集FE,
速度夠快就可以攻防一體，回避又係你，追擊又係你

我暫時仲堅持緊全隊唔同職業
利申 1週目

今集係gameplay上面真係cut左好多以往既特色去迎合一啲新mechanics 同故事鋪排。上面講過既全職業用全武器唔多唔少就為左迎合tutoring 而改。其實好矛盾，一方面我鍾意tutoring 而且我都鍾意個故事，另一方面我又唔鍾意相關既改動。

全部角色一開始加入除左你講既問題之外，重少左說得敵人呢個重點。以前要成日度點樣唔殺條友又揾到人去說得，有時用嚟說得嗰個角色無練重要專登保護佢。呢啲情況喺今集係無晒。

重有唔知點解今集無左村莊呢個mechanism。明明以前自己要強逼自己0死人全寶箱全村莊有時重要保全綠軍。而加無晒呢啲樂趣。而加既難度只係較高敵人既stat同加敵人數量，變化少左好多。以前明明敵人唔難打都可以因為啲細微位卡好耐。(封印ch10/11救全村莊，聖魔ch.6 fog of war加救村民。)

其實只要map design得好啲就可以解決部分問題，如果有多啲防守關/多啲關要用choke point 咁重甲已經勁左。多啲野可以steal 就令人有動力練賊仔(而加成隻game都唔見有野係要偷)。 但係偏偏新既火紋畀唔到嗰種每關都好印象深刻既感覺我。

不過今集overall係正既

其實係slg呢個game種真係唔可以set太難
而家無廠會願意為咗一成左右hardcore player放棄所有casual player市場

咁都有easy 同casual 啦
而加maddening都夠難架 不過我希望難既位可以有多啲變化囉

講if我只會針對暗夜黎講，冇興趣講其餘兩條線
combat上都係擺脫唔到飛/騎OP呢個局面
但係if有pair-up同捉人/救出果啲技能，輔助上有好多野可以做
呢啲都叫有niche架，但係其他作品冇咁嘅系統，冇得直接比較

關於速度同坦果段我就唔太同意，因為有dual guard呢樣野
追擊到就容易儲到dual guard，仲激化咗速度攻防一體嘅情況
守備隊形只係令重甲冇咁廢，但係同其他職都係有差距
另外去到今集，守備隊形冇咗，神技quick riposte竟然係屬於war master，唔知佢做乜鳩

combat上分到niche嘅可能係新紋謎同776
新紋謎特點在於唔同時期用唔同職業，印象中前期靠飛/騎/海賊之類
中期要弓手同法師打飛龍，去到end game個個轉做劍聖
776就系統上特別啲，室內戰強制dismount
飛騎好多都變垃圾，呢啲關數就要靠步兵頂住

dual guard要數俾人打幾多次，唔係好敢靠呢樣
可能我打得淆底啲，if入面擋路/引人打都係鐘意用高防嘅多啲，靠回避嘅話唔用到○○殺し系列都唔係好放心

咁玩完藍玩紅定黃好

冇所謂，但紅啦d學生好可愛