《香港傭兵》(32)

1001 回覆
14 Like 2 Dislike
2019-09-09 22:18:46
又有好路數
2019-09-09 22:19:27
唔知有冇淫女呢
2019-09-10 01:33:30
何以 這土地 淚再流
2019-09-10 01:46:10
何以 令眾人 亦憤恨
2019-09-10 07:41:30
早
2019-09-10 09:36:04
早
2019-09-10 10:23:06
妹妹仔早
2019-09-10 10:23:17
報報早
2019-09-10 10:23:42
各位早晨
校對準備出文先
2019-09-10 10:30:19

上回講到飛揚扯晒旗咁沖涼～
好難唔扯㗎喎...啱啱先有兩個未成年嘅小妹妹喺度邊玩邊沖...
唉...唔緊要啦...都一樣沖到㗎姐...
飛揚好唔容易先梳洗完，冷靜返少少先出返嚟...
綽姿同羅羅都準備好，就等飛揚一個。
飛揚都著好晒裝備上身，綽姿就隊咗支精神液俾飛揚。
原來係同羅羅買嘅～綽姿仲話會喺飛揚嘅下次報酬度扣！
又扣？！
羅羅都覺得綽姿太苛刻～唔啱羅羅拎走飛揚囉～
羅羅拎埋個黑色手提箱之後，一行三人就落樓。
諗返原來尋晚飛揚抱住就快深層睡眠嘅綽姿過咗嚟西環。
西環都係舊舊地...而且平日都係得啲上班一族同學生。
飛揚佢哋就跟住幾個學生妹落地鐵站。
同一班學生妹迫地鐵...就喺飛揚仲FF緊唔知會唔會有機會抽學生妹水...FF到下面都有少少反應之時...
「一陣非必要都唔好用精神液。」羅羅簡單咁講一句。
一陣非必要...唔好用精神液？
跟住既劇情發展又會係點呢？



準備出文

2019-09-10 10:30:57
“飃～”地鐵列車繼續行駛。

身邊啲學生妹都係有佢哋自己顧自己。

非必要...唔好用精神液...

但點先係為之必要？

「嗯...的確...」綽姿點點頭，「如果淨係交收嘅話，真係冇乜必要都唔好用精神液。」

淨係交收嘅話...
2019-09-10 10:32:03
都啱嘅～如果淨係交收，用精神液又太過浪費。

仲有一個大問題係...深層睡眠...

初初聽到話用完精神液精神化之後，係會進入深層睡眠都唔覺得有乜咁大問題...

仲覺得有得瞓覺好嘅都不知幾幸福～

但而家...我終於感受到深層睡眠嘅不便...

「之但係...」綽姿諗一諗，打量住羅羅，「目的地喺邊？」

係咯...都未講目的地喺邊...
2019-09-10 10:33:15
羅羅伸一伸條脷仔：「去到你咪知囉～」

去到先知會唔會太遲？

俾啲心理準備好喎...

綽姿冇羅羅咁好氣，雙手插褸袋望住車門塊玻璃窗裡面嘅倒影。

羅羅都一隻手拎住個黑色手提箱，另一隻手插住褸袋。

我呢？我都唔知可以做啲乜...

我就只可以一隻手緊握扶手，背後就被個學生妹挨住...

唉...是旦啦～返工返學時間人多擠迫吖嘛～
2019-09-10 10:34:08
“飃～”地鐵列車繼續行駛...又埋站...乘客上上落落...列車又行駛...

當地鐵再埋站之時，我同綽姿都跟住羅羅落車。

同一大班趕返工返學嘅陌生男男女女一齊迫住行...又擦身而過...

行咗一段路之後，就轉搭荃灣線。

目的地係喺...荃灣線沿線之中？

跟住綽姿同羅羅企喺車門旁邊，大家都冇乜嘢講。

既然綽姿都冇疑問，我都只好靜靜咁企定定～
2019-09-10 10:34:56
“飃～”地鐵列車開始行駛...又埋站...乘客上上落落...列車又行駛...

埋站...上落客...又行駛...又埋站...又上落客...

都過咗海又駛過咗好幾個站，都唔見羅羅有準備落車嘅舉動。

究竟喺邊呢？要喺邊個站落車呢？

一直等...靜靜咁一直等羅羅有乜舉動...

但羅羅一直都係靜靜咁企定定...一直過咗好多...好多個站...

直到嚟到荃灣總站...羅羅先準備落車。
2019-09-10 10:35:42
原...原來係嚟荃灣？

估唔到...竟然係荃灣...咁近特殊區嘅地方...

咁究竟委託人係咩人呢？

點會嚟一個咁近特殊區嘅地方交收呢？

定係...荃灣都唔係最終嘅目的地...只係一個中轉站？

當列車埋站之後...

“請所有乘客落車。多謝乘搭港鐵。”

我同綽姿都跟住羅羅落車。
2019-09-10 10:36:37
過到嚟呢邊，都已經冇幾多個乘客一齊落車。

其實過咗荔枝角嗰幾個站之後，車廂裡都冇幾多乘客。

或者呢邊始終都太近特殊區...始終都太危險...

繼續跟住羅羅身邊行...出閘...行出荃灣站。

羅羅向住天橋方向行...一直行...

望住橋下面嘅馬路...都係有唔少大大小小嘅貨車駛過...

出出入入...喺各大工廠或工業大廈出出入入...
2019-09-10 10:37:39
橋上都唔算有太多人...有嘅都只係大大隻隻結結實實嘅工人...

同啲工人擦身而過，又或者一齊向住同一個方向行...

我哋而家行緊嘅方向...唔係海邊...又唔係深井嗰邊...而係...再入啲...工業區較入嘅方向...

呢個方向...我記得...上次同輝哥過嚟...向住呢個方向行...會行到去...

再跟住羅羅身邊行...喺天橋上行...綽姿都留意住四周...

開始少人...呢邊開始越嚟越少人...

就連工人...都開始少...

橋下條馬路...都冇乜貨車經過...駛過...

冇人...又冇車...再行多幾步...天橋上就只有我哋三個...
2019-09-10 10:38:25
羅羅繼續行...綽姿提高警覺...而我...並唔覺得有乜咁奇怪...

唔係因為我嘅警覺性低...

而係...係因為我之前而經嚟過呢度...

上次嚟嘅時候...都係差唔多...都係冇人...

再喺天橋上行多一段路...行多幾步...

我就見到遠處有一大幅銀灰色圍牆...

離遠望住有座工業大廈遮掩住...距離我哋都幾遠嘅...銀灰色圍牆...
2019-09-10 10:39:11
綽姿都好似覺得嗰邊有啲古怪，望咗過去...

我哋一路行，一路望住嗰幅銀灰色圍牆...裡面嗰幾座十幾層樓高嘅銀灰色大樓...幾個銀灰色貨倉咁嘅建築物...

又係嗰個...神秘工廠...

望多兩眼，巨型金屬閘門打開。

有貨車正要由金屬閘門駛出。

一架又一架...總共有五架貨車由閘門駛出。
2019-09-10 10:40:28
呢五架貨車...又係銀色車身上...印有一個紅色嘅解放軍軍徽巨型貨車。

“吱！颼！颼！”五架巨型貨車喺馬路上行駛...向住我哋嘅方向...經過我哋腳底...

綽姿同羅羅望多兩眼...望住五架巨型貨車駛過之後，繼續行。

我唔知綽姿同羅羅見到神秘工廠同印有解放軍軍徽嘅銀色巨型貨車之後有乜想法...

我冇打算去問...亦冇打算講啲乜...

一來我唔想俾佢哋知道我曾經嚟過調查過...

二來其實我都冇調查到啲乜...
2019-09-10 10:41:09
都係繼續跟住佢哋行比較好...

有陣時對住唔清楚嘅事保持沉默會比較有利。

我同綽姿繼續跟住羅羅向住神秘工廠接近...

當行到差唔多要行落天橋之時...

羅羅停一停低，左望右望：「拉高衫領...笠返頂帽...」

要...要準備喇？
2019-09-10 10:41:44



今晚出完



三句預告

[Day 16－秘密情報] PART 05

羅羅同綽姿同一時間拉高衫領，笠返頂帽。

我都跟住佢哋，好快手咁拉高衫領笠返頂帽。
2019-09-10 10:48:04
已經將[Day 16－秘密情報] PART 04 Upload上Facebook同紙言
2019-09-10 10:48:26


今日嘅文已經出咗喺第38頁

吹水台自選台熱　門最　新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑　洞