上回講到飛揚同綽姿向住老蘭方向行。
原來今次嘅委託係要去老蘭護送個人同件貨。
又係護送?
綽姿話安全啲喎。
真係安全咩?好似次次護送都舐嘢㗎喎...
老蘭都仲係有咁多蝻亞仔同黑色等執屍。
而酒吧裡面都係有咁多上等人同淫女。
當綽姿同飛揚嚟到一間酒吧外面,望多幾望,就沿路行返轉頭。
綽姿帶住飛揚行去碼頭,又望幾望。
然後又沿路行返去老蘭間酒吧。
來來回回...來來回回行咗幾轉。
原來咁就叫踩線...
而呢條路線...應該就係今次委託要護送嘅路線...
喺碼頭旁邊吹咗陣風...睇咗陣風景...
「好喇,差唔多係時候喇...」正當綽姿轉身...
係...係時候喇?
飛揚又跟住綽姿轉身之時...
「HI~我哋又見面喇~」正正有個身影企喺佢哋面前!
飛揚望清楚...呢個嬌小嘅身影係...
「朱海羅?」綽姿帶住疑惑嘅聲線...講出飛揚心中嘅名字...
跟住既劇情發展又會係點呢?
準備出文