《香港傭兵》(32)

『你跑快啲得唔得呀？！讓開呀！！！』我覺得唔夠快...跑得仲未夠快！

「Hey！I...My手快...斷！」偉先生越嚟越冇力跑...

『你跑快啲咪唔斷囉！』再唔跑快啲唔係隻手斷...係條頸斷呀！

真係諗唔明...點解會咁矛盾...

照咁睇...羅羅嘅委託同我哋個委託明顯係對立！

我哋SPIRIT點會同時有對立嘅委託出現㗎？！

跑咗好似都幾耐...先拉住偉先生跑到嚟碼頭！

「嗄...嗄...」偉先生抖晒大氣咁！

『嗄...嗄...到喇...跟住...跟住呢？』我放開偉先生...喺碼頭旁邊行多幾步...睇睇跟住應該點做...

係搭船？定係搭直升機？

但我都未有方向之時...我就見到不遠處...有一...兩個身影...

我再望清楚...見到有一個黑色嘅嬌小身影...手持紅光刀刃...拉住跪喺地上...雙臂已經被斬斷！斷口位置飄出大量紅色粒子嘅身影！

唔...唔係吖化？！

此時嬌小嘅身影散發出強大且壓迫嘅氣息！

係羅羅...羅羅嘅氣息...羅羅已經搞掂綽姿！

羅羅將綽姿拋去我面前！

我立即衝上前！雙手抱實綽姿跪喺地上：『綽姿！綽姿你點吖？』

「嗄...嗄！」綽姿表現得勁痛苦咁！「叫我...叫我瓦解...嗄！」

竟然...竟然咁短時間...就將綽姿對手斬斷...

羅羅呢個人...

“咯...咯...咯...咯...”手持紅光刀刃嘅羅羅就行近我身邊...

“咯...咯...咯...咯...”喺我身邊擦身而過...

我跪喺地上攬住綽姿，背住羅羅講一句：『唔殺人得唔得？』

“咯...”羅羅企一企定：「殺死偉係我嘅委託內容之一。」

“咯...咯...”羅羅向住我嘅身後再行多兩步...

「NO！Don’t kill me！PLEASE！唔好！唔好...」

“嗡！”一聲響...

“咚！咚…啪！”

羅羅拎起埋個黑色手提箱，就行到嚟我身旁：「嚟我度吖～我呢頭都有地方落腳～」

『唔使喇...』我都搞唔清...我哋係敵人...定係伙伴...

「你帶住佢唔方便返去特殊區㗎～」羅羅行前一步，「再加上你都好似就快進入深層睡眠～」

都...係嘅...

羅羅講得啱...要帶住斷咗雙手嘅綽姿返去特殊區真係唔多方便...

就算而家綽姿進入深層睡眠，生返對手出嚟...我都捱唔到返入去特殊區...

「跟我嚟啦～」羅羅繼續向前行。

我都只好抱起綽姿...跟住羅羅身後行。

TO BE CONTINUED

今晚出完

三句預告

[Day 16－秘密情報] PART 01

『月！阿月！』我跑出學校大門，追住阿月！

追住阿月嘅背影一直跑...佢跑得好快！

為咗爭仔

已經將[Day 15－短兵相接] PART 11 Upload上Facebook同紙言

明明就係見對手弱 專登接嚟賺Sil
飛揚邊有咁大影響力

做咩唔爆seed搞掂羅羅

點捨得吖

今次去台灣唔搭國泰同港航，要飛嘅都希望一同杯葛

點解羅羅又唔殺飛揚

因為未玩厭

好變態吖

國泰跪低真係冇眼睇

yes
但係又成個妹妹仔咁

有冇方法幫佢贖身唔再做行者呢

綽姿都冇死吖 斷咗兩隻手咋嘛

錫住慢慢玩

好正常咋嘛

話唔定佢自己都唔想贖 覺得做行者好好玩

俾哥哥包養 做全職妹妹

哥哥咁弱 點包養

飛揚咁廢
一刀秒啦

羅羅咁愛飛揚 邊捨得吖