上回講到大家都望住“魂導兵計劃”五隻字。
係咩計劃嚟㗎?呢個就係標題喇?
原來有標題都唔係由個頭開始解。
而更奇怪嘅係,就連SPIRIT嘅App都解唔開個方式。
咁神秘㗎咩?
真係好神秘...神秘到連情報庫都冇魂導兵計劃嘅情報..
三人只好繼續努力研究。(其實都係得羅羅同綽姿兩個研究...飛揚係廢㗎!)
但最終都係冇乜結果...只係知道應該係同生物、化學、物理同轉化有關。
而且都差唔多到交收時間。
羅羅閂返好個箱後...
『呃...係呢~你呢個委託嘅委託人係咩人嚟㗎?』趁有機會打探就打探多啲先!
「嗯?」羅羅摸兩摸個黑色手提箱,古古惑惑咁打量住飛揚,「好想知呢?」
『呃...O...OK咁啦~』唔想知就唔問啦...
「咁...」羅羅眼仔碌碌咁諗一諗,咬咬唇,「有冇興趣...跟我一齊去?」
有冇興趣...跟羅羅一齊去?
跟住既劇情發展又會係點呢?
準備出文