《香港傭兵》(32)

仲有黑社會開始向特殊區發展業務...賣聖水...

仲有喺黃金海岸嘅委託...係幫愛港愛國...同黃傘力量有關係少女...個少女仲要係逆行者！

好多好多...我都好似真係講咗好多重要嘅情報俾羅羅聽...

越諗就越覺得...俾羅羅套料...

「唉...我都估到...」綽姿擰擰頭，冇我咁好氣，「小心啲朱海羅呢個人。」

『哦...哦...』小心啲朱海羅呢個人...睇嚟都唔止要小心啲...

首先撇除我好容易被小妹妹迷惑...（其實呢個先係致命傷...）

羅羅始終都係一個資深嘅執行者...（比起綽姿更資深...）

套料嘅手法完全唔會俾你察覺到...（都係因為我太容易被小妹妹迷惑...）

再見到羅羅嘅話...都係提高警覺...唔好再隨隨便便亂講嘢...（其實只要唔好再對小妹妹動心就得㗎喇...）

「我哋去踩踩線先。」綽姿放低落咖啡。

『踩踩線？』踩咩線？

「關於今次嘅委託...」綽姿推咗杯咖啡去我面前，「俾你飲埋去。」

『哦...』我拎起杯咖啡，『做咩你唔飲埋去嘅？』

「因為難飲。」綽姿就起身行過我身邊。

『哦...』難飲先俾我飲...『喂喂...等埋...』

我都起身跟住喺綽姿身邊行，行入室內，飲杯咖啡...

都唔係話咁難飲姐...仲有一點點...士多啤梨味？

咖啡有士多啤梨嘅甜味...

唔係唔係...係綽姿嘅口水...

係喇係喇！啱啱綽姿飲過...留有綽姿嘅口水...

小妹妹嘅口水...都總係帶住士多啤梨甜味...

「你塊面做乜咁紅？」綽姿眼尾望一望我。

『我？冇...冇...室內有啲焗姐...』唔好諗...唔好諗...

啱啱先話唔好再對小妹妹動心...呢頭又因為飲到綽姿嘅口水而心跳加速...

「焗？咁小嘅環境轉變都適應唔到...真係好弱。」綽姿皺一皺眉，擰擰頭。

『係係...我好弱...』我寧願認弱都唔想俾你知道因為飲咗你啲口水而面紅囉...

跟住綽姿身邊行出IFC...喺天橋上行，發覺有啲唔對路...

一路上，身邊嘅路人都係得啲身光頸靚穿金戴銀嘅上等人...

仲要成條天橋都好乾淨...

可能你會問：「咁又有乜咁唔對路吖？港島區吖嘛～中環吖嘛～上等人區域吖嘛～你自己都識講啦～」

冇錯～我都講咗好幾次～呢區係上等人嘅區域！

之但係中環喎...天橋喎...今日仲要係星期日喎！你唔發現少咗啲嘢㗎咩？

少咗啲乜？賓賓吖！

你冇發現，我一直都冇提及過有賓賓嘅存在...

不論係喺天橋兩旁...梯級邊...

平時一到星期六日，總係坐滿賓國人！

佢哋鋪晒紙皮除晒鞋露晒臭腳咁坐都算...仲要煲咖哩魚蛋食！

啲咖哩味同臭腳味混埋一齊...搞到我每次食咖哩魚蛋都唔知係食緊魚蛋定臭腳！

成堆賓國人就霸滿晒天橋兩旁路邊公園石壆！大大聲聲講唔知噏乜柒嘅賓國話吱吱咋咋嘈撚住晒！

真係污煙漳氣嘈喧巴閉！

但唔知點解一直都冇人理㗎喎！

警察行過又唔理～食環行過又唔理～

攞正牌咁㗎喎真係！

做咩吖？畫地為界吖？賓國特區吖？

明顯就係佔領行動啦！

一直都好難忍...忍唔到班賓國人霸佔我哋嘅地方...

係估唔到到咗廿年後，終於都清晒場～

成條天橋闊落晒～乾淨晒～清新晒～

真係估唔到，會有咁好嘅改變～

或者...係唯一一樣好改變...

今晚出完

三句預告

繼續跟住綽姿喺天橋上行...

四周都係名店嘅立體投射顯示器...LCD顯示器...

五顏六色...閃過不停...

帶綽姿食Jollibee

我帶綽姿食 佢埋單

返屋企先同你計

肉償

係借俾羅羅 收返租金
名符其實係肉金

PTFollower

突然發現

叫可可好mk
叫羅羅就啱啱好
叫嘉嘉/果果就成個𡃁妹咁

嘩 你識咁多囡嘅
下個故諗名就要請教你了

睇嚟你唔知我講咩
羅羅嘅原型係...

唔知喎 咁深嘅
有冇多啲提示

你知嘅

知得太多好危險

心照啦

你知道我知道啲乜？

極危險

睇嚟下個故要寫得深啲