上回講到飛揚去到Starbucks,見到綽姿坐咗喺出面嘅二人世界位飲咖啡!
飛揚見出面都已經天黑,走去問綽姿過嚟港島呢邊做乜。
綽姿話接咗個委託,喺呢邊執行,冇睇委託內容㗎咩?肯定係掛住拍拖啦!
冇吖冇吖!邊有掛住姐!套羅羅料吖嘛!
咁套到啲咩料吖?
又真係...好似冇...
綽姿都估到...仲估到飛揚爆咗唔少料俾羅羅聽...
又好似...真係爆咗好多喎...
綽姿冇飛揚咁好氣,叫佢小心羅羅呢個人,就去踩線先。
踩線?
綽姿俾咗杯咖啡飛揚飲,就起身行。
飛揚跟住綽姿身邊,飲啖咖啡...有...士多啤梨嘅甜味...綽姿口水嘅甜味...
出到嚟喺天橋上行,飛揚發現冇晒賓賓!
估唔到到咗廿年後,終於都清晒場~
成條天橋闊落晒~乾淨晒~清新晒~
真係估唔到,會有咁好嘅改變~
或者...係唯一一樣好改變...
跟住既劇情發展又會係點呢?
準備出文
今晚出完