（巴入）其實係cmb識到既想認真拍拖既男仔機會有幾大

想認真既有冇咩特徵 點先揀到

寫到明認真想結婚﹐不過係唔會match 到既!!!!!!!!!!!!!!!!!!!!!

我都想知足足成年都無拍拖啦
好想出pool

個樣好乖咁
定係你match親都show肌大隻仔仔

有啲唔鬼着衫

冇啊 我避開曬呢啲大隻仔/ibanker
專match d普普通通一個招牌跌落黎責死十個果種

或者 得幾張相 冇乜showoff戈類...掛
老老實實生活好精彩既又點會識唔到女
同埋其實都係要傾計先知 慢慢試
但係個人認為會講咸野既其實都唔洗諗
不過就算本身player 都有機會會為你認真既
但難撚過中六合彩

絲打Same here
平時生活圈子唔大
有時候真係諗係咪以後都冇拖拍

搭個膊頭姐比你地放到咁大

我有自知之明既....識到個普通認真既人就已經好好啦 點會妄想收服player

男仔角度認為點先係算係「講咸野」
有時候好擦邊球個啲都唔知佢平時同frd講慣定想試我

survival bias姐
有條件嘅你先睇得上眼去match人
有條件嘅自然有動機去食女

一個招牌跌落黎責死十個果種
太瘦我點都唔ok所以唔會match
樓主你係真係ok瘦仔？

已有心理準備要做老姑婆

一個招牌跌落黎責死十個 我係想比喻好普通唔起眼既男仔

Ex都好瘦 我又冇咩所謂既....性格同夾正最重要

same here

識得唔耐既其實好難講得出口
仔同仔講就話好自然姐
可能我真係好撚毒 我會覺得好odd
點講出口呀 心入面諗下咪算
唔好話靈魂伴侶
想認真發展既其實都唔會主動講黃色話題
間唔中/唔覺意提下戈d已經係有性方面既諗法

絲打會唔會都覺得呢個社會對單身既女仔唔太友好
我自己係咁覺得 因為啲親戚呀同事呀 會覺得你單身係唔好 應該係要有男朋友
久而久之我都會有左壓力要拍拖

有無人諗過去speed dating 不過好似好貴

我個做法唔知啱唔啱你
唔係7到完全唔ok就add咗先
等之後傾落再filter
你try try

男仔之間都唔講咸嘢好有問題喎

1999
我指同女仔講會覺得好odd
同仔講當然冇問題

咁咪傾幾句又突然消失

同女仔講先好玩嘛

其實我次次睇到個啲msg都會覺得好odd
但有時又廢事大驚小怪顯得我冇見過世面咁

感覺巴打都係認真搵女朋友？可唔可以講多少少你CMB profile 會點打
等我向住呢個方向match d想 認真既人