（巴入）其實係cmb識到既想認真拍拖既男仔機會有幾大

我都係認真打算
但我啲相又hea又露得半樣
都係願者上釣
Match過好多但真係有傾既少
同最近太多負面事
都唔係好想覆

唔洗強逼自己 呢d野急唔黎 冇得強求
match到又要試好唔好傾
好傾性格又未必啱
性格啱你又未必有feel
其實都好睇緣份 唯有不斷去試
叫做有兩手準備 始終有機會
眾裡尋她千百度呀

建議可以交換左contact, 再傾多幾日約
呢個時間線我覺得係最舒服

借post一問
我係男仔玩左cbm差唔多一年……
我都係真心想識女朋友發展結婚。
約過5至6個女仔，大部份出過幾次街就無la la失聯……我次次都無好似樓主咁講，講黃色笑話和主動掂對方。
近期約左過女仔，出過幾次街。第一次睇下戲，第二次就食個飯，意外掂到手臂。第三次我地去主題公園玩，影相時候(博頭掂博頭)和俾我扶佢。
而且每日都有whatsapp和佢主動交換左fb和ig。
借問聲樓主作為女仔，我有無機出pool?
ps:我好耐無拍拖……同埋樓主加油!有男仔會認真玩!

身體接觸要自然
就咁睇其實都發展得唔錯
個女仔對你既觀感應該幾好
起碼出到第3次街先
可以繼續約佢喎 大家玩呢個app都係想揾另一半
祝福你

我都逐d逐d黎!
第一，二次去完街送佢搭車，我就走。
第三次就一齊搭鐵，我轉登送到佢去轉車站。

但有d擔心好似之前咁，太耐就出事。
依家都15 16 唔知好唔好試下拖佢，定直接表白好……

送搭車幾好 肯比你送 其實代表佢都唔抗拒你
識左幾耐呀 拖/表白真係睇feel
你地而加有冇曖昧既感覺先
兩個都有feel其實唔洗表白

差唔多一個月左右
我都不時表達關心和夾，佢都覺得我地興趣喜好好似
有次多口邀請佢去d家庭聚餐，佢仲話如果佢應承咁點!我都無問題，不過佢話驚嚇親我……
我諗暖味都算有!

但佢有無feel就真係唔知……
不過有次我想約佢去個地方玩，點知佢個fb約左佢先，佢有叫我加入或者我加一個自己fb加入。咁算唔算都接受我……

感情方面無咩自信……

本身用cmb係想認真識另一半，用左幾個月all in左一次而家都係半放棄狀態，同啲唔同男仔傾當見下世面，希望有緣遇到啱既。

睇你比既資訊 其實真係唔錯啦
一個月其實差唔多 可以開始進取少少
個人認為三個月內係黃金時間
至於拖手 冇把握既話都係再等等先
wtsapp戈d可以暗示下掛住佢之類
或者行過見到某樣野影張相話諗起你之類
試下水溫 唔好太過火
不過可能我已經outdated 勿認真

多謝你意見，好有用!
聽你咁講我都好返d自信!我會繼續努力!!!

男仔最緊要有自信 有自信先有吸引力
加油 希望有日睇到你既喜訊

我平時都好自信嫁，仲有時俾人話我懶叻。
唔知感情方面就無曬

lm

感情上都要有自信由心而發
適當既時候要比少少力 盡量自然掂呀！

我會俾力希望好快有喜訊

一黎就all in？
可以既話講多d

巴打聽你咁講我覺得發展等幾好啊！！有機！！
我自己prefer男仔慢慢一步一步黎唔好太急
但係可以少少暗示試下
七夕既時候有冇同佢講咩呀？

另外巴打我都想請教，係咪如果一個男仔係想認真，就唔會女仔同講啲黃色笑話？

絲打同我好似