[整合]關西十日之旅超展開

講起姬路城嘅傳奇
就不得不提大河劇《軍師官兵衛》

黑田官兵衛 —— 一生不敗嘅天才戰略家
正是出自姬路

姬路起初只係一個營寨，算不上「一座城」

初代姬路城 1346年由赤松貞範建造

1545年落入黑田家手中

1568年青山土器山之戰，兩父子以300人死守姬路城，劣勢下敵退赤松政秀3000兵力

1576年信長討伐毛利氏
秀吉被命為先鋒由播磨國展開攻勢
姬路城首當其衝
官兵衛不戰而降向秀吉獻城
成為其左右手


1580年官兵衛修築三層天守閣，姬路城 成為天下人 豐臣秀吉嘅基地

姬路城背山面海，先天條件優厚
作為連接東西方嘅樞紐角色，對秀吉勢力擴張最為關鍵

所以姬路城對秀吉嘅霸業，遠比後來嘅大阪城重要 兩者對比即高下立見

去大阪城打卡影相晒命嘅遊客
永遠唔會明白登城嘅意義
當你可以搭𨋢登頂，你就知道⋯
大坂城已不復存在（之後再講）

與其停留喺打卡自拍呃like嘅層次，
不如登上天守閣頂端，用廣闊視野察看事物
你嘅旅程將會得到更多難能可貴嘅體會

姬路城攻略篇 完

5月頭去大阪有咩要注意

如無意外 5月都多雨 高低溫差可達10度

去勝尾寺 仲可以趕得切賞櫻
（當然只係預測、起程前請再check)
可以睇一睇賞櫻情報post

唔該巴打

走一轉古城，已經過咗2個半鐘頭
輕輕的離開姬路

去神戸市,新幹線最快
EVA 500系

想朝聖就一定要睇清楚埋站時間表
http://www.500type-eva.jp/tc/

Menu-->Travel Information

回到正題
由 姬路 搭 東海道・山陽新幹線 のぞみ 到 新神戸

15分鐘即到 快電車一倍

出站後走10分鐘

走上去就係異人館

其實就係一個洋館群 昔日外國移民嘅住宅

入場費一間200円至500円不等
想睇嘅朋友，問你一個問題：
你會唔會俾錢去參觀錦繡花園？
會>我走先 ，唔阻你睇啦
唔會>留返啲錢食神戸牛啦

精明嘅你已經作出選擇⋯

你問我為咩去神戸？
食！

於是去神戸三宮附近
公認高質鐵板神戸牛《モーリヤ》

車站附近有水牌引路 ip都唔使check就搵到

日本, 〒650-0012 兵庫県神戸市中央区中央区北長狭通１丁目９, 北長狭通1−9−9, 第一岸ビル

我2點鐘walk-in 好彩有一個位唔使等
當然你可以上網預約
http://www.mouriya.co.jp/cn/sannomiya/index.html


巴打們不妨book師傅位睇

落單之後店員先拎牛肉俾客人過目
可以幫你影埋相先俾師傅燒
我叫人直接燒 店員見我咁爽快都嚇一跳


我揀咗 A5 神戸牛臀肉 150g 6900円
連稅7450円
連埋套餐 有牛排 西湯 茶/咖啡 飯 菜 沙津


雖然雪花唔靚 但呢個正正係神戸牛特色
較少油脂換嚟更爽口感
入口淡淡咸香 鮮嫩多汁
然後口中有幾陣暗湧
肉味一浪接一浪 有節奏有層次地落在舌尖上
唔膩但無阻油香散發 齒頰留香
配上唔同調味料 就似穿梭於7～8個時空一樣
味道既相同又不同
要知道平日食到無雪味嘅牛排係有幾難
食材新鮮上乘 難怪大家讚不絕口

神戸牛貴得物有所值
唔好因爲價錢而放棄，絕對會後悔㗎～
最多咪返到香港勤力啲囉

做完敗家仔 帶住3分內疚7分淘醉
暫別神戸市

5月頭去大阪有咩要注意

如無意外 5月都多雨 高低溫差可達10度

去勝尾寺 仲可以趕得切賞櫻
（當然只係預測、起程前請再check)
可以睇一睇賞櫻情報post

唔該巴打

多謝巴打仲睇緊

想問下有馬溫泉如果唔住宿 需唔需要預約?
期待有馬篇

留明

見到day8唔知講咩好
我自己行咁快都要用兩日多少少先完

睇就好多景點 其實祇園至清水寺先算一個景點
都係4個景點姐

邊有可能行得哂，除非全程都係門口行下就算

見到day8唔知講咩好
我自己行咁快都要用兩日多少少先完

睇就好多景點 其實祇園至清水寺先算一個景點
都係4個景點姐

邊有可能行得哂，除非全程都係門口行下就算

到時會講吓時間分配

見到day8唔知講咩好
我自己行咁快都要用兩日多少少先完

睇就好多景點 其實祇園至清水寺先算一個景點
都係4個景點姐

邊有可能行得哂，除非全程都係門口行下就算

如果我門口行吓 唔會影到咁多相⋯

想問下有馬溫泉如果唔住宿 需唔需要預約?
期待有馬篇

有馬篇會講 敬請期待

留明

多謝巴打返嚟

見你前面d行程hea到
但後面又完全唔同晒

我自己去京都果日都
嵐山->天龍寺->金閣寺->京都御院->八阪神社->清水寺

我果期仲要係夜晚開放清水寺先行得晒
覺得你仲勁

見你前面d行程hea到
但後面又完全唔同晒

我自己去京都果日都
嵐山->天龍寺->金閣寺->京都御院->八阪神社->清水寺

我果期仲要係夜晚開放清水寺先行得晒
覺得你仲勁

前面都唔係好hea姐
有啲地方想留耐啲

京都景點好集中 所以一啲都唔難

山長水遠長途跋涉旅行
絕對唔輕鬆
坐兩程飛機令人身心俱疲
所以第一日以溫泉作結
就係最明智之舉！
去神戸有咩可能唔去《有馬溫泉》先

由《モーリヤ》行去旁邊 三ノ宮


搭 地下鉄 西神・山手線 去 新神戸

轉 北神急行電鉄 北神線 去谷上




再轉 神戸電鉄有馬線 去 有馬口

最後行去對面月台再搭一站 到達 有馬溫泉駅🚉

好似好複雜 其實只花30分鐘


簡單版：
三ノ宮-->新神戸-->谷上-->有馬口-->有馬溫泉

終於到達溫泉區


有馬溫泉貴為 日本三古湯之一
於溫泉番付中奪得最高排名：西大關
即係西日本第一名

文字紀錄最早於631年舒明天皇已曾到訪此地
經歷戰亂一度荒廢

後來豐臣秀吉著手復興有馬溫泉
以致今日大家可以分享豐富溫泉資源
多得太閣殿下努力不懈

此地最大賣點
就係獨有嘅「金湯」
今次予約咗貸切風呂（私人溫泉）浸金湯

去到溫泉旅館《兵衛尚陽閣》
日本, 〒651-1401 兵庫県神戸市北区有馬町１９０４

旅館資料請留意 有馬溫泉預約篇

Check-in後跟住呢幅地圖去行溫泉街



行條斜路第一個溫泉就係 金の湯

公用金湯風呂
出面有免費足湯浸腳...一堆支那人喺度放低行李洗腳
〒651-1401　神戸市北区有馬町833



山椒彩家（川上商店）
有馬山椒、世界級七味粉
〒651-1401
神戸市北区有馬町1172

有馬籠
唯一承傳古法工藝 製作販賣有馬籠嘅商店
感覺似係去睇美術館展覽一樣
發揮竹嘅彈性造成驚為天人嘅藝術作品同時不失實用⋯⋯我都想我有錢買⋯
〒651-1401
兵庫県神戸市北区有馬町1049


再行上去深處就係 銀の湯
共用風呂之一 有碳酸泉 放射能泉
〒651-1401　神戸市北区有馬町1039-1

銀の湯對住牆上手字相當秀麗

之後去睇天神泉源

溫源位於有馬天神社
〒651-1401 兵庫県神戸市北区有馬町

冇咩人會特別行上嚟
聽唔到廣東話、蝗語

只有我自己靜靜地
目不轉睛睇住蒸氣騰騰湧出
好激動好熱血

即刻狗衝去入浴

沿路返去《兵衛向陽閣》

天色漸漸昏暗

7仔有宅配便服務
因為要穿過橫街窄巷
必須用呢種超迷你送貨車

返到去旅館 兵衛向陽閣
今次予約咗《朝霧》・金湯
金湯係含鐵嘅氯化鈉溫泉
鐵質接觸空氣會氧化
使泉水變成淡啡色而得名「金湯」
利申先 我係文科仔

基本上所有私人溫泉係唔可以walk-in 或單買
必須住宿或日帰り(Day Plan)連午餐/晚餐

我訂咗Dinner Buffet Plan
8500円 只可以用公共浴場
加4100円 訂私人風呂 50分鐘
可選朝霧・金湯/夕霧・銀湯
埋單加75円入湯稅

總共 12675円
私人溫泉加自助晚餐 即日走真係幾抵玩

旅館好大、由東南西北四館組成

入口處上到reception 係南館
經過手信店後有𨋢上到8樓
經走廊去到東館

走廊有舊相片介紹旅館歷史
創業約700年
相傳接待過豐臣秀吉
受到好評，獲賜稱號「兵衛」

入場前有座位可以坐低等入浴 職員隨即奉上熱茶

入口處會穿去一條露天通道

去到三の湯

以上範圍無法拍攝 借官方圖片

6:30準時入浴

做返遊客應有嘅水準
入到去一定要澈底洗淨身體
除咗衛生、仲可以幫助皮膚吸收溫泉礦物
增加攻效！

2度之下一絲不掛
大搖大擺FingJJ拉開門行出去
竟然完全唔覺得凍
個露天庭園環境好正

iPhone鏡頭濕晒影唔到個風景

朝霧・金湯 官網圖 俾你參考一下

先用木桶裝泉水淋一淋身
俾身體適應咗先
先浸腳、半身、再到心口、最後及肩
泉水約45-6度左右
所以好快就可以浸上膊頭
比起高溫泉、呢個可以浸耐啲

全身肌肉即時放鬆
溫熱之中痠痛完全消失
硬過渣古模型嘅膊頭軟返晒
感覺好似全身經脈都被打通晒
血氣運行順暢過西隧

泉水溫暖如春唔會谷出汗
浸住泉水其實全身覺得清爽
池面傳出一陣淡然嘅鐵味
打坐放鬆心情 完全拋開煩惱 一切成空
身心已達到高潮
（無射到，thx)

我想講，可唔可以以後住係度呀？～
我想晚晚都浸金湯呀！
如果香港人有得日日浸溫泉
點會怕開OT呀～咁撚舒服！

時間過得好快
上水行返入暖氣房
呢一刻切忌用毛巾抹身
以免浪費咗溫泉功效

先等幾分鐘 然後毛巾輕輕印乾多餘水份
你會發現全身好暖 皮膚好似多咗層保護膜一樣只著一件衫就夠 收起外套然後去食自助餐

約7:30去到晚餐場地 花の舞
雖然官網寫住食一個鐘，
店員話可以食到9:30打烊

官網圖

主要分成和食、洋食
我當然集中食和食

回本食物主要係刺身船可以無限輪迴
另外行去角落頭counter
有炸物、天麩羅果個位
廚師會分每一個客人一份黑毛和牛

份量雖小，質素絕不比神戸午餐遜色
再沖多兩杯咖啡 成餐抵返晒！

第一日就安排浸溫泉
就係為咗叉滿電盡情玩樂
爽到爆
走嘅時候職員竟然開車送埋我去電車站
雖然好近路程
但我一丁友 消費又低
會唔會太好服務呀
我決定以後去關西都要上一轉兵衛尚陽閣

今日旅程真係好盡興
睇日本一名城、食關西第一和牛、浸西日本第一溫泉
一切都係最美好

Day 2 完

LM

下次去大阪都試下樓主玩法

LM

下次去大阪都試下樓主玩法

交流吓
人人喜好都不盡相同
做多啲資料搜集 睇多幾篇文
然後組合出自己嘅玩法！

有馬溫泉預約攻略篇

去浸溫泉做足準備最重要
因為要真正享受最完美無瑕嘅體驗
私人溫泉係必然之選不解釋

首先要選擇適合自己嘅旅館
上有馬溫泉觀光協會網站
可以一網打盡所有旅館資訊
再慢慢揀
http://www.arima-onsen.com/inn.html

先用filter check以下條件：

貸切風呂あり = 有私人浴池
日帰りプランあり = 有Day plan （如果唔過夜選呢個）



點都好，記住一件事 無論人地點樣Sell你
做選擇嘅係你自己 自己心水自己最清楚

之後一次開晒所有旅館嘅網頁
逐個睇清楚細節
有一樣嘢比價錢更重要——泉質！

請睇清楚浴場係唔係真材實料貨真價實
唔係所有旅館浴場都有溫泉
風呂不等於溫泉

就用《兵衛向陽閣》做例子
假設你睇晒所有網頁後鎖定《兵衛向陽閣》
以iPhone訂位


上到官網轉去中文版

開Menu
選擇溫泉-->溫泉效用

第一：確定旅館有真溫泉
第二：你身體健康狀況適唔適合浸溫泉
第三：了解溫泉功效
第四：睇埋旅館有咩限制/服務條款要注意


確定乎合以上四項原則就可以選擇旅遊方案
用filter 人數選大人一名
就會彈晒Day plan出嚟

Day 2 劇情描述嘅 Dinner buffet plan
無客房，行李可以寄存
2:30開始Check-in

睇日曆上打圓圈嘅日子有空位
Click入去跳出價錢
然後㩒預訂

簡單填好資料

想預約私人溫泉
記得係"期許 発問" request

__月__日の__時に貸切風呂朝霧の予約をしたいのですが

Double check 你填嘅email address 確保對方能夠同你聯絡確認你嘅預訂
佢會報價加4100円
呢條數去到當日check-in時先再付款
Day Plan 8500円就要即時信用卡俾

承接上文所講
只要跟著觀光協會網站
你會搵到所有旅館網址
上去預約就算唔識日文都冇問題

除咗單純比較價錢
最重要係睇泉質
確保浸到真溫泉
唔明白有權問清楚

然後你要安排時間
普遍2:30-3:00 開始Check in到夜晚7點左右
上午把握時間去附近景點
姬路、神戸就最方便

記得預留交通時間
由神戸上有馬 預夠45分鐘
必須準時

然後詳細介紹一下唔同價位唔同玩法

留名學嘢

溫泉旅館三種玩法

即日來回式

選擇Day Plan 有好多好處

-價錢超平 玩完返去住hostel 省錢
-又唔駛搬行李
大大個喼跟出跟入係好撚煩嘅
-玩法好彈性
check in 前你可以自由選擇行程
-好適合行程緊湊、大範圍移動嘅遊客
我日日去唔同縣府 唔會停留神戸、即日方便又節省時間
-過夜一個人你要訂雙人房
簡單啲講 你一個人住又要俾兩人價錢
真係好浪費，獨遊最好即日遊

-但浸一日溫泉醫療功效有限

Day plan 通常形式包一餐
除咗一般自助餐、仲可以選擇
神戸牛套餐、懷石料理等等
我嘅Dinner buffet plan 係好抵玩，
最低成本博取最高價值
12675円～870港幣
金湯包酒店式自助餐 你食多件魚生已經回本

有人擔心一日遊時間唔夠
其實溫泉街範圍唔大 正常2個鐘行晒
如果你想制霸所有泉源同睇瀑布
你就可以唔玩姬路神戸，上午直上有馬溫泉
行李寄存俾旅館 慢慢玩



週未式

-覺得即日走太趕、覺得有馬返大阪京都好遠？
一於留一晚啦
呢個係日本人典型嘅週末消遣活動
星期六去星期日返 唔使特登請假

-最重要係，你可以浸三次溫泉
第一日 日間一次 晚間一次
第二日朝早一次 再check-out
咁樣就算係玩到最盡
-但一人就好唔抵，務必搵個隊友分擔一半住宿費，
大家雙贏

當然你要book三次私人溫泉 就一定要同旅館講清楚安排好時間 再試吓同佢地商量一下價錢



遊輪式

-當你去過關西好多次
附近景點已經玩到麻目晒
跑景點對你而言已經冇意思
你就可以選擇住多幾日

-你可以浸好多次溫泉，真正得到溫泉治癒效果

-你唔想有體力消耗
-你有一大班人 人多唔方便四圍去
-你有時間玩晒旅館設施
打乒乓波/按摩/打機/唱k
係無咩特別，但志在Hea下輕輕鬆鬆
個原理同你去遊輪假期一撚樣
-stay耐啲分分鐘可以同酒店商量價錢，傾吓住宿費、餐廳優惠等等⋯

跟據自己旅行嘅目的
決定自己理想嘅方式
下面我會推介旅館作詳細介紹

留個名先，五月去關西

樓主真係好有心機， 咁多攻略