因為都推左十幾頁，應該冇咩人會追，所以不如開個總結。
1：咩水最搵笨
電解水，能量水，酸鹼水，水素水，神仙水
2：酸鹼水係咪廢
可以咁講，師奶們成日吹到酸性體質會有病，所以要食D鹼性野，飲鹼性水，以防身體變酸。
咪玩啦，人既器官本身都有酸有鹼，無論你食咩飲咩，你既胃，腎，血都會自動調節。
同埋所謂既酸鹼水，頂多都係PH5～8，唔好唔記得你既胃酸係PH1～2。酸性體質易有癌症？切左個胃去囉。
比成萬蚊飲D鹼性水？落街比廿蚊買生菜啦。
3：水龍頭式既濾水器有冇用？
一般水龍頭式既濾水器都係日本製造，行JIS認證，而常見既濾水器係行NSF認證，分別係JIS 大部份效能係80%為準，少部份係只有過到同過唔到(50%為界)。而NSF標準係絕大部分98%，只有一兩樣係60%
其次，水龍頭式濾水器機身細，濾芯壽命短。但都有可取之處，就係普遍都用中空絲膜，濾膜密度可以到0.1微米(市面普遍係0.5,0.3微米)但唔係得個密就好既，因為仲有好多因素要睇
所以唔係真係冇位同冇錢，盡量避免了
4：過濾水就咁飲好定煲完再飲？
如果你隻濾水器係OK既，就咁飲都冇問題
如果你飲慣煲過既水，你要確保你個水煲唔會有重金屬釋放。
我會咁睇，人對細菌有抵抗力，對重金屬會早死
濾水器會過濾重金屬，但未必隔哂所有細菌
水煲煲水會殺菌，但有機會會釋放重金屬
所以要視乎你既條件去諗
5：貴野一定好？定係直銷騙局？
相信好多人都聽過 咩美 既 E春濾水器，售價約8千，識人定唔知點都要6千，仲未計之後既保養費用。
首先你要搞清楚點解要用濾水器，就係要隔除食物水中既有害物，點知道有冇用？就係睇第3點講既認證。主流濾水器都有NSF42,53認證，分別係味道同污染物既標準，基本上有呢兩個認證既都有咁上下保證
而有認證既濾水器其實平既幾百蚊，貴既都係千零二千蚊。
大家都係過濾食水，大家都拎認證，點解要比多幾千幾萬去做同樣既事呢？
OK你會話E春有紫外線殺菌
你隻杯無菌咩？
6：RO濾水器(逆滲透)好唔好？
RO過濾系統簡單黎講，即係過濾完既水係超乾淨無雜質
呢個問題就要拉去到底純水對人體有冇害。
除左食物之外，水係人體補充礦物質既來源之一，如果長期飲純水，食物又補充唔夠礦物質既咪唔好囉。如果你有信心你淨係食飯已經有足夠礦物質既，你咪飲囉(我睇緊相關既世衛文件，有結果再詳談
)同埋一般RO水機係比較大件，同時會製造廢水，最重要係貴，自己諗啦。
7：我會濾芯SALES話洗下可以再用
拿，我講多次，每隻濾芯都有設計壽命，到期就要換。有D牌子既濾水器話可以拎支濾芯出黎洗，洗完再用。啱，但注意，佢叫你洗濾芯原意係保持水流穩定，到期一樣要換，絕對唔係話刷完到期可以繼續用！
諗到再講，有問題歡迎一齊探討。對上一次開完POST發覺好多人對濾水都有誤解
，希望幫到你地
