前線有d感想想同香港人講

612企係頭幾行
有兩個短褲港女帶住口罩企高影其他人
呢下真係燥左
你都識得保護身份 但係咁影其他人
On9如果真係累到人坐監你過唔過意得去

發夢係龍和道衝去幫拖，逼啲龜埋邊之後拖鐵馬入去，可惜俾tear gas逼退。
試圖用鐵馬重整防線，奈何啲龜喪咗咁又開槍又tear gas。

一直都話前線有一定危險，自己衡量，唔一定要衝要企最前。
其實衝嘅時候，有人係後面捉住個袋，有人拍下膊頭背脊，係俾到好大安全感前線，等我地知後面仲有一班手足保護緊我地，有咩事會拉番我地出去。
好多謝一路退嘅時候，幫手沖眼，遞物資嘅人，仲有幫我笠頭盔嘅手足

原諒我得罪講句，我眼見好多都係退到見到天橋上面班人之後開始冇乜鬥志，包括我自己在內。
我唔知其他人，我自己第一感受係：我頭先食咁多tear gas係為咩？
如果有得揀，我會選擇冇望過天橋，起碼我會覺得我有一大班手足一齊打呢場仗。
望完天橋就發現，現場原來仲有咁多人，但點解得我地係度打緊仗。
點解叫極都冇人落嚟幫手冇人支援

由立法會開始一路食tear gas，手上幾乎已經冇曬鹽水同水，消耗曬，忍住tear gas嘅痛退過嚟，請問夠悲情俾你放上ig未


最後想講，捍衛香港，我唔介意出多份力，但我冇義務幫你出埋力。

巴打雖然我唔係最前線

但我嗰時係後排叫人上黎填空位，喂大佬有成個鴻溝啊，又唔係叫佢地衝，咁撚多人驚條柒？不過冇人理，隔岸觀火，叫左好耐先有人知原來有條溝。

我個人感覺朝早同晏晝差好遠，黃絲混晒入黎，佢哋興乜都唔做，結果就係乜都阻，聲又傳唔到，位又霸住晒，路又阻q晒。

希望你唔好太灰，每一次嘅抗爭，香港社會就要接受到。

新嗰班抗爭者，破左過處，下一次又會成長。

企前線除左怕速龍之外，就係鏡頭，好驚比熟人認到到

利申：發夢以為自己有份

加油！

對前線勇士獻上最真誠既致敬
你地既勇氣 堅毅 無私既心係我地最欣賞既
加油 唔好灰心 直至死我都唔會割席
第時講一句 你612嗰段時間守過前線
我就當你係親人

巴打我發夢個陣
應該係企左係你隔離
我同你既感覺完全一樣
我69都仲係個和理非
612覺得一定要咁做所以突然上左前排幫手
我到依家仲諗緊點解橋既唔落黎 屋企既唔出黎
後邊既仲影緊相

最感動係前排舉遮陣綁鐵馬
逐步向前逐步保護
一手攞遮一手捉實前面果個
啲人可能覺得綁個鐵馬既難
但係我覺得真係好難
得個十條友 一個女仔 後邊冇人 前邊係槍
個壓力之大 點講其他人都唔明
返到屋企仲要畀人屌 真係唔明為左啲咩

辛苦晒 可能佢地之前未試過 但記住不要被捕 我覺得前線要教育人群點部署同可以全身而退 其實主要同佢地講點應對tear gas 只要慢慢一齊退 就唔會比到空間警察進攻 令外警察會打循去士氣 進攻個時要一 二 一 二衝個時要好似欖球咁hold住個隊型先唔散

太多廢人

有人發夢係草地物資站做野，一路做一路屌鳩唔好齋企屌到自己喊晒口都無人去，淨係想大家幫手拉住前線兄弟唔好比狗拉，同時物資站向緊四方八面出物資。對唔住前線兄弟。

致敬

催淚彈開始扔過嚟嗰陣得返2排人 sorry

好明你 發夢第一次做算係前線
啲人淨係影相食花生
休息果陣想拉開口罩抖下氣都唔得
真係好撚嬲
啲人企咁前又咩防禦裝備都冇唔知做乜
傳極都唔戴
之後同朋友周圍睇下有咩要幫手
後面真係好似嘉年華。。

推

嗰啲指責衝嘅人根本就係民智未開，就係和理非有用，咁點解星期日200萬人遊行一個訴求都達唔到。唔係話和理非完全冇用，和理非係爭取大眾同國際社會支持，同輿論方面係有用嘅，都係和理非唔好再指責衝嘅人好唔好啊，佢地嘅代價真係好大，好值得同需要後面嘅人支持。最後想同仍然站係前線嘅人講，香港真係好需要你地，我愛你地

加油
我未放棄

唔係靠衝果班，星期三一早過撚咗
勇武派一定拎最大貢獻
只係情況嚴峻，會清算先拎唔到光環
唉但無計呀，
200萬人咁多
就連同我識嘅同路人朋友都有打卡撚
可能始終香港人未打過仗
無危機感
慢慢感化啦...有朋友本身連馬路都唔敢落
慢慢拖佢試吓囉
我有朋友同我講佢d朋友重on9
都要照爭取嘅，大家加油

大家一齊加油