之前大陸播嗰時都上過豆瓣,知乎,百度呢D睇大概既評價, 先撇除左吹吳啟華版既風氣因素 (喺大陸質疑吳啟華版既同喺1,20年前話自己玩正版既一樣都會被圍插)
武打戲D慢動作喺大陸一樣劣評
劇情方面同香港差唔多,都係話靈蛇島之前算OK,但靈蛇島之後劣評(主要係話魔改太多)
角色方面男角大多數都正評楊逍,甚至有唔少認為可以同孫興版(或張兆輝版)一戰
女角方面趙敏評價唔錯,撇除嗰D係唔係都話網紅臉既,主要批評都係話佢英氣不足,同埋後面太柔弱(魔改劇情之過), 但整體既評價都算高,有部份人仲話佢係最好既趙敏,甚至有人評呢套倚天係最差既劇情+最好既趙敏
周芷若其實評價都算OK,類似趙敏都係話前期唔錯, 但問題係真係冇乜人討論佢...
反而小昭,殷離,楊不悔呢D有唔少人讚話靚過兩個女主,其中殷離算係唯一喺魔改既影響下後期評價較好既女角
至於點睇結局, 只能說,靈蛇島打後既都基本全面劣評...