［金庸迷入］倚天劇情討論（2）

所以我覺得 cut 短左有好大影響...
但無論如何我接受唔到趙敏會自己走左去, 因為假如佢真係走, 佢係唔會再見返無忌

之前有巴打講過倚天個結局有D平凡 唔改滿足唔到觀眾 可能係呢個問題掛

個導演平時應該煲唔少劇 所以先物色到咁適合角色嘅演員

家陣草原都滿足唔到我呀

正... 真係幾靚, 做得幾自然同型
但感覺劇情有 d 膠.....

見到講乜鳩魔界都已經feel到陣尷尬味

個feel又係好似趙敏
但好多Kiss

原來係網路小說.... 睇黎唔太岩口味...
可唔可以搵佢拍另一套金庸或其他出名作家既改編....

大陸劇真係睇到好尷尬，古裝都算，現代劇真係睇到尷尬癌
利申大陸劇只睇金庸

我諗導演應該係睇左呢套物色佢做趙敏
錦繡未央嘅角色應該分別大D? 係CCTVB睇過一兩集覺得幾得意

依家D大陸劇先走緊千禧年代台劇嘅後路
以前就話新鮮姐...依家睇返真係尷尬到
唔係話對強國有偏見 就算海派甜心拎到依家先播都一樣會覺得好尷尬
時代唔同

時代唔同 <--- 係

所以金庸好勁, 佢既作品係經得上時間既洗禮
趙敏角色由 1961 既報紙連載版趙明到現今 2019 年既陳鈺琪版本趙敏都仲係咁受歡迎, 仲要十幾歲睇都唔覺老土

直頭現代女權撚既模範，敢愛敢恨，主動求愛。有勇有謀，獨立斷行，撚到張狗頭dup dup. marvel 撚學下野啦，點塑造一個女權撚而唔黑人憎

唔同人又有唔同人演繹
又有唔同感覺
除小龍女外一集比一集好

王語嫣喺書其實好黑人憎，得個樣靚。但劉亦菲真係拯救左呢個角色

劉亦菲著古裝真係冇得輸 不過個人覺得趙靈兒先係佢全盛時期

葉童應該係歷代最唔掂嘅趙敏

我冇睇過，但個造型真係好趕客

利申先：我倚天只係睇過今次新劇
但都想睇下大家嘅討論

追晒之後個人有啲空虛
論性格嘅話趙敏一定贏晒
樣嘅話我個人鍾意芷若好少少（可惜係大整出嚟）
趙敏個樣睇落好自然，應該唔係整
雖然芷若最後做好多壞事，明明一開始純過蒸餾水
做掌門前都重好地地，一做掌門開始變
上到靈蛇島變得重勁最恐怖係明明自己係兇手
但死口屈人哋，重要扮可憐，以死相迫嚟呃結婚
但一諗到佢比人悔婚又真係有啲同情佢最後黑化都係咁話
相反趙敏就由奸變忠，棄家叛國

另外唔知係咪套劇嘅問題定係點
我又睇唔出張無忌好似金庸所講話三部曲之中最勁主角啵
雖然我知不嬲金庸post講親呢啲都無結果
但九陽神功同乾坤大挪移睇落似buff多過似招式
芷若拎到九陰真經學九陰白骨爪已經咁好打
但九陰白骨爪係射鵰入面好似都唔算啲好勁嘅招
相反郭靖左右互搏，雙手打降龍睇落重勁
都未計楊過，點解套劇好似拍唔出無忌有幾勁咁

拍唔出張無忌勁係因為倚天時期武林已經冇咩人及得上張無忌
玄冥同三渡都要要圍毆先同張無忌不分上下
同埋金庸有意set左d限制比張無忌
唔似得郭楊咁 郭楊見識過好多武功招式先慢慢開始變勁
而張無忌都冇點接觸過係荒山野嶺度就練成兩招神功
所以就寫到佢招架唔住D冇見過嘅武功招式
例如波斯三使嘅聖火令武功同周芷若嘅九陰白骨爪
佢地係以奇招勝張無忌 單以武功修為同張無忌差好遠
同埋金庸話張無忌係最勁主角 應該係預計埋佢他日可能會有所進步
事關佢學左九陽+乾坤之後 學任何武功都會比郭楊快
乾坤呢D陽頂天練左幾廿年先第五層 佢半個時辰就第7層
聖火令 龍爪手 太極 全部都係秒學 進步空間太大
郭楊都要十零年先大成

Agree!! 趙敏性格好唔連貫
同埋少室山之後就好似趕收工咁

張無忌父母死埋,佢老母親自落order叫佢報仇,無忌都唔理佢,
嫁雞隨雞,趙敏比無忌同化咗

咪玩啦,倚天擺明係男人ff小說
為條仔貼大床咁濟,
見到阿無忌哥比班女圍住,
班美國現代女權撚實睇到眼火爆

趙敏今次真係選得好好
我認為要睇一套劇選角好唔好，就係睇原著個陣可唔可以代入個演員，我重睇原著個陣完成代入今次倚天演員
不過我覺得點解有人會覺得周芷若值得可憐，或多或少係因為今次祝緒丹個靚樣，巴打你睇埋原著就會知點解冇咩人鐘意周芷若

答返你話點解睇唔出張無忌睇落唔似最勁主角
其實九陽係內功心法，亁坤係武功心法，兩者都係冇乜外功，唔同郭楊有降龍同黯然。你睇佢光明頂打崆峒係用義父細個教落既七傷拳，少林係即學既龍爪手，華山崑崙直頭冇學過劍法差啲輸。
可能電視劇講得唔清楚，乾坤係講用力既法門，所以可以借力打力，人地打你就可以反轉比人地
同埋要安排九陽乾坤前係因為俾佢可以秒學之後既太極拳 太極劍 聖火令神功