［金庸迷入］倚天劇情討論（2）

送藥個時佢應該先知張係武當既人，想救佢親人同要佢答應三件事，趙敏手下原本埋伏光明頂下，根本唔知光明頂上既事，阿二阿三見到六叔自己走落去先打斷手腳
綠柳山莊之後鐘意咗先送藥比佢，因為趙已經預視之後張一定會問佢攞藥

佢應該係去完靈蛇島先有為條仔生叛國之意

但都係解釋唔到點解知道張係武當既人 仲搵人陰鳩佢太師父

個時都未愛到可以放棄國家

馬後炮咁講 佢從來都只係想歸降唔係想趕盡殺絕 搵人暗算張三豐只係方便佢勸降

同意
以趙敏既聰明冇理由會笨到以為一個金剛般若掌就搞掂張三丰，應該只係想歸降

咁解都幾合理

趙敏可能都想像唔到張三丰咩境界畢竟連張翠山都低估自己師父低估得好緊要

講緊既唔係智力問題，係武功層次問題

呢個位都冇乜爭議之處 之後萬安寺都有講到佢係惜才之人 想勸降而非要消滅佢地
再者當時佢對張無忌份愛意重量應該未及一統江湖咁重

呢個解釋合理，之後係萬安寺都係用十香軟筋散但係冇殺人

無忌老母比呀敏狠好多，去到尾一條友都殺唔到，素素19歲就要人含家富貴

專登去睇返萬安寺嗰章 趙敏雖然又切手指又迫佢地用木劍
但絲毫冇殺佢地嘅意思 都係想學下武功招式同迫佢地招降
用木劍係驚佢地會傷到手下嘅僧人 如果真係想比武輸左就置佢地於死地
大可以叫玄冥二老出手 又何須叫d小僧人作為誘導各門派出招嘅工具
btw 依家睇返邊個話玄冥二老夾埋係夠張無忌打
呢章張無忌都未學聖火令武功 已經撚到玄冥二老自己打自己

係啦, 龍門鏢局幾十條命, 趙敏果 d 簡直濕濕碎

雖然冇講明,但趙敏捉六大派既人,加上掃少林場(雖然呢次掃場死傷應該唔算慘重),多少都應該有殺d人,另外類似初遇張無忌嗰時派神箭八雄殺嗰d姦淫虜掠既元兵都應該唔少...

第一次打邊爐，無忌問趙敏有冇殺過人，佢話冇，但將來要殺好多人。趙敏應該冇試過親手殺人，手下殺既唔算

咁江湖中人同朝廷貴族好難比較嘅，貴族要殺人叫手下去殺就得

呢個咩版

最近睇返09版 除左調色真係好好貼近原著
連最尾周芷若傳玄冥冰毒比趙敏痴住左隻手同跌筆都跟到足哂
想了解原著但又唔想睇字睇09版幾好

你出返目錄 3個版都有

邊個版好睇啲

張紀中作品唔差
Btw有冇人睇過佢套新俠客行

09芷若黑化左其實幾正

我麻麻09 d選角 原著全部都係廿歲出頭 鄧超太老 安以軒都偏姐姐型
不過09係真係敢拍到周芷若咁黑 明明套套都美化左呢個角色

最尾黃衫打芷若好好睇

我覺得張紀中呢套拍攝有d 走火入魔, 懶係好沉重氣氛咁搞到好悶
之前神鵰天龍都幾好

選角黎講今次好得
但實有人出黎神化舊作
我覺得每一代既人都有屬於佢自己心目中既代表作，無謂作比較