上年都有人打過電話叫我interview
又自稱marketing 公司
咁我個期又搵緊工就照去啦
就係Hugo in 我
首先係要不斷上training 聽人分享
因為之前有mid term 所以我話隔多幾日先上
佢地都逼我啲training 唔可以斷
我懷疑個原因係驚唔夠疲勞轟炸做唔到洗腦效果
仲有間野好撚醒架
叫啲新人唔好俾屋企人朋友知你做緊咩
淨係可以同唔知既人講唔記得乜鳩
總之唔可以話自己學做生意
佢地話要train 兩個禮拜先可以正試做野
不過我未聽夠兩個禮拜就走左
本身我咁耐都未走係因為唔知佢地係真既marketing 公司定呃人既野
直至我quit 就係上過佢地既爆team 會
屌佢老尾sell 親個啲都係屋企人
其實俾人洗腦個班都慘
上到台講到幾想為身邊既人好 想佢變靚
連自己都以為自己既出發點係身邊既人
但係佢屋企人根本唔想
但係為左support 佢而做
咁根本就唔係一件岩既野
啲人真係俾人洗腦洗得好嚴重
問心個句你想身邊既人好係叫佢去美容咩?
之後仲有個啲咩會後會
成大班人係度嗌有咩分享
見到有個男仔嗌撚到勁激動口都震埋
得我一個唔小心笑撚左
後尾佢地再同我講要搵返之前識落既人
舊同學好耐無傾過計既都要搵
氹啲毒撚去變成一個social 撚
但係我既底線就係唔好搞到我啲屋企人或者朋友
所以我當晚即刻whatsapp 啲人話唔做因為覺得自己做唔到
佢地仲話點解人人都得你唔得
心諗因為我無你地咁無良知