[開心速遞]熊若水龔燁 供水線集中討論區 (24)

可能阿水覺得10年前見到賤精都同依家差唔多
所以會假設10年後都唔會點變
好想睇水水黃面婆look啊 已經去到諗埋將來階段喇

對未來充滿憧憬
咁係咪有機講佢哋開始之後，阿水會ff睇婚紗

婚紗水

嗰陣新郎走咗 依家有新郎啦掛

可能會係日劇跑嘅新郎

可能又自殺搞到要跑來跑去補鑊

悠長假期式日劇跑

日劇跑新郎有畫面

可能變咗上海灘式跑都得
供水曹

最近睇得最多嘅評論話兩個人愈嚟愈似普通同事，少咗曖昧感覺

其實463之後兩個互通心意，503504之後開始交心，兩個已經過咗曖昧階段，的確係似知己多過曖昧關係，呢點我認同

兩位係爭一個時機再踏前一步，如果呢套劇淨係講龔水，咁接住504或者情人節都係一個好時機一齊，但好可惜呢套係多線發展嘅處境劇，無可能連續幾集寫龔水，亦都無可能獨佔情人節戲份，504之後唔可以一口氣寫落去就只能夠維持好同事身份，結果錯失最好一齊嘅時機，龔水嘅現狀唔湯唔水咁，呢點我都認同

但我唔認為龔水只係普通同事，至少都係友達以上嘅知己，甚至話將狗公呢集當做龔水一齊之後嘅集數睇都唔會有太大嘅違和感，有甜有合作有打鬧，龔水嘅相處模式即使係一齊之後都唔會有太大變化，尤其係一齊後會有更多呢類型公司內合作嘅辦公室劇情，始終一齊後好難再寫曖昧期同追求期嗰種內心互相攻防都可以撐滿一集嘅劇情，一齊之後兩個嘅感情穩定落嚟就只有寫情侶間嘅瑣碎事，博香如是Jacky出現前嘅蓮輝如是，編劇應該都係因為呢個原因遲遲唔肯拉埋龔水

我覺得狗公好睇好笑，唔會用悶去形容，但呢類劇情的確不利龔水感情線嘅發展，呢類劇情可以等龔水一齊之後再寫，如果504同龔水一齊之間嘅劇情再多三五集呢類劇情(530應該都係差唔多)，兩位的確係向好同事好知己邁進，CP感會愈來愈啲低，曖昧期一過，唔把握好時機真係就一世好友

我個人係希望編劇真係唔好再拖落去，就算唔寫龔水一齊，都至少表態龔水分別點諗，例如阿龔有咩諗法令佢唔即時表白、阿水有無期待阿龔再向佢表白等等，而唔係一直做一對好同事