如果對龔水嘅期望只係有花火有默契嘅歡喜鬥氣冤家,佢哋宜家其實絕對交足貨有餘;但如果佢哋係要朝cp嘅方向發展,我認同呢個膠著狀態唔應該維持太耐
觀眾有上帝視覺就話知道佢哋suit and deserve each other啫,但如果將呢pair放喺現實最有可能嘅結局只會係「你有你嘅生活,我繼續我嘅忙碌」囉。無錯大家適合而有feel係好重要,但如果長期零進展始終會磨滅晒對彼此嘅期待逐漸變成一對不純粹嘅「好朋友」,that’s why好多心動嘅對象往往都走唔到最後。兩個人嘅結合,唔單止係趣味日常,仲要有責任承擔;唔單止要看着彼此,仲要彼此看着同一個方向一齊努力。所以製造第三者或者(生命)大危機比佢哋其實都冇咩用,因為佢哋宜家個問題根本唔係搞唔清楚自己嘅心意,而係搞唔清楚究竟一味攬住虛無縹緲復興家業大計嘅阿龔同懷抱渴望希冀但又唔敢再踏前一步嘅阿水現階段係咪睇緊同一個方向and get themselves ready for the next phase未啫。期望編劇會有新穎招數拆到呢個僵局又唔老土啦