(呻...超長文慎入)..特殊家庭既無助..政府又幫唔到你..

其實要照顧一個特殊家庭真係好很大壓力.

我屋企有一個老婆既細佬 佢智障.仲要係邊緣CASE 黎
20歲讀完特殊學校出黎, 本應有社工照顧, 但係無人跟佢.
呢世人做過半個月野之後依家 30 歲.坐係屋企到 個個月拎果二千幾蚊特殊津貼, 話 我唔使做都有錢用, 返工咁辛苦 做乜. 每次洗到咁上下話無錢洗, 我就會同佢講, 餐廳, 速遞都要人做野, 咪做幾粒鐘囉, 佢話辛苦.
(我屌你老味, 無錢又話呻無錢, 有工開心做幾粒鐘又有錢收....)
最吹賬係.. 之前話殘疾人仕出雙糧一個月.. 佢聽到之後話我以後都有四千幾五千, 我地話番個正確答案比佢知, 佢就好似覺得我地欠撚左佢咁同我地嘈. 我一句同佢講, 你拎住你本銀行薄去政府到問佢拎番. 佢即刻收聲同冧水.
呢個特殊CASE 我已經搵左 2 個社工.
因為條粉皮係屋企都唔開門, 又唔聽電話, 攪到社工們全部搵佢唔到而CLOSE FILE.
有時佢唔落街, 係屋企就會打自己張床, 或者 好大力 關門 幾次..
真係好煩... 你話佢就直接同佢嘈交, 幾次喇... 有一次佢陏我打落黎, 我只能鎖住佢. 唔比佢陏.

我老婆一見到佢細佬發脾氣就喊, 我話唔好理佢搬出去, 佢就眼濕濕..
親人得2個, 黎到拆晒成個家佢又未必想,
但 2個都有需要額外照顧, 屋又唔係大, 佢地發脾氣又會拉到老婆情緒.
個智力有問題既都精, 單單我係到唔會攪破壞, 係我老婆係埋到就黎料.
我唯有比我老婆睇, 勸佢放棄照顧佢地..

問社工, 又話佢SAY NO 就入唔到特殊院舍.
佢係屋企攪破壞 佢攪完之後就會冧水同 躱埋一邊, 係咁話有證據咪報警囉.

我住果區又無針對呢類人既社會服務, 又無相關社工可以跟進, 我真係好大壓力.
睇下幾時會出事喇, 一係上報紙命案(我捅死佢.), 一係就家庭悲劇..(佢痴線捅死晒我地)..
我真係好無助..又無奈..

你又唔係同佢住
理得佢死

樓主講到咁慘點解一開始仲要結婚
結之前唔清楚了解下對家屋企情況係點
認真講我寧願離婚都唔受呢啲無必要嘅壓力
或者用可以用你嘅愛去感化佢

死局嚟

搵社工走出困局 要自己肯走出去 正如戒毒一樣 唔堅持戒 冇人幫你戒到

我係同佢。。住埋一齊。。

我係想同我老婆搬出去。。
但佢始終有心結。。唔想掉低佢地唔理。。
我都明。但係。。唉。
叫老婆唔好理唯一既家人。。始終要時間。。
要解釋點解咁都唔搬。。只能講係愛老婆。。

我住果區無相關既社工幫到我。。。

帶佢返大陸賣左佢個腎 之後揼佢去三和做三和大神

揼到佢去三和。。我都想咁做。
佢真係同果然堆人無分別。。

揼之前記得賣左佢個腎先 賺番d洗用

報多幾次警
同警察講成日都嘈 好擔心會有家庭慘劇
再轉介社會福利署再講得勁d
記得自己做返記錄
咁樣佢地應該會認真follow
因為怕又一次跟進不足出社會悲劇
d大既會孭鑊

無人幫佢佢就要自己諗辦法架啦

搵左社署社工未？
雖然都係廢,但可以搵佢地幫手申請院舍

你一早都知都仲同佢家姐結婚

係你自己傻仔

快快趣趣離婚斬纜好過
唔係你成世照顧埋佢

同你老婆攤牌
有你無佢

搬出去 既然咁醒 又成年人 唔係傷殘 未自己take care自己
做乜撚要受佢氣
你直接買／租樓 同你老婆講 你一係搬過黎 一係就自己留係果到睇住佢地發癲，你唔會再過去

有人揼到佢既話。。點處理我都可以唔CARE喇。

佢唔係無得救。。而係連自己都唔去救自己

同你老婆傾下佢前途 唔通養到佢八十歲咩
你地搬走加斷佢糧 迫佢返工

你老婆難做, 你又難做
但個細佬好係寄生獸咁, 一日你老婆仲幫住佢, 一日佢都唔會接受社工幫助
用你地嘅將來去勸下個老婆啦
如果第時要生仔, 點搞啊
連個仔都被佢逼癲

第一 你老婆企喺佢嗰邊

第二 承上 個細佬無動機要守規舉

呢兩個問題社工都幫唔到你地幾多

你不如現實 d 諗下呢刻你最想改善嘅係乜野

報警佢又會開始痴線。
重點係又攪到我老婆。。佢又喊。
唉。。
我都有同佢講過。佢地係你既包伏黎，你係時候放低佢。
難道你欠佢一世？有時佢迫住要做既時間可能佢地會做呢
佢就會話遲D 先。。

唉

離婚，一個人死好過兩個人死

最後咪我地搬囉。
我老婆一路都想一家人開開心心。。

外父又開始老胡塗，要人照顧
外母死得早。得番個智障細佬。

情況1: 要解決問題，一個入老人院，一個入院舍。
＝老婆個家散左。

情況2: 唔解決，老人家既就每況愈下，個細既屋企悶得濟就愈黎愈痴線引你注意。我老婆又愈激氣。

2個情況對比，我寧願 1.
但代入我老婆裡面諗。。佢既希望根本唔會實現到。
最少佢細佬已經放棄左自己，要治佢唔係無方法，要有個人貼住黎跟佢，事實上呢。佢根本係想有人填滿佢空虛，而根本無諗過返工搵錢呢個係同佢有關連既問題。

除左 一刀切 唔理佢地之外，我諗唔到方法

我只係想 我同我老婆生活，無呢D不必要既壓力。。

我同我老婆提出過移民。佢問番我，可以走去邊。。

唉。。

咁首先你老婆要肯跟你走

呢樣野你想其他人點幫你

如果唔想痴線住一定係去一個唔會有呢2條仆街既地方。
住一排先可以解決到呢個不必要既壓力。