跑馬地紙盒藏屍案, 好想知真相

我話改wiki嘅人同某幾位會員一言堂
冇指明你謝安琪閣下
你而家係唔係佛洛依德式失語？
自己認咗係大改wiki嘅人？
同埋，嗰位會員真係唔俾人提出假設喎
又鬧人又呢樣嗰樣
等陣先，鬧人嗰個係叫首相男朋友
你唔係佢咁點解覺得我話你？
定係你都覺得自己係唔俾人假設嘅人？

咪係囉，我都唔知佢哋做乜

有追post都會見到我前面真係討論，有相反論點我係會嘗試用資料去駁斥/分析，而唔係佢哋屈嘅一言堂

後面嗰兩條友借D意喺度嘈話wiki篇吹水文比人del咗，我就中咗計同佢哋嘈，膠化咗個討論，唉，我太年輕

歡迎理性討論，上面有位四字會員一路都有提出好多假設，我都係照討論，好啦，唔會再中計，集中傾返單案

呢個我早幾頁有提出過
係關於搜證再交俾衛生署化驗
同埋當時警隊貪腐問題

可唔可以copy黎睇下
我剩係想知當年用的鑑證方法有幾可信姐

最後一次回應你：
你quote我指明我講你嗰堆廢嘢
再加話我分身要check我ip

完

( Show Blocked User - 米水比 )

我極少Block人，但呢條友完全唔係討論 (大家有眼睇佢想扯開話題)，冇辦法

好彩你講返清楚啫
幾驚你突然屌鳩另一個

我玩夠啦 覆到攰
等我查足10年再返黎同你地討論啦下

1977年湯家驊為紙盒藏屍案被告歐陽炳強上訴的律師，上訴失敗後，他宣佈不再參與刑事案的訴訟。事隔多年後湯仍耿耿於懷，他指當年最後一次見歐陽炳強時，對方流着淚對他說「我係無辜」，令他感到非常難過，最後決定不再處理任何刑事案。直到出獄後多年，歐陽炳強接受網上電台節目東頭灣道99號訪問，仍然堅稱自己是清白。

質疑死者身上找到的纖維有可能在很多同款衣服卻不一定是同一件衣服。事實上，兩件同款衣服經過不同方式的處理後（如使用柔順劑），纖維便會經顯微鏡在數千倍的放大後有不同

呢段算唔算 其實仲有一part條友冇寫到，就係警方同驗嘢班友收咗幾百件sample做對比，發現100%一樣，不過佢冇寫到我就唔知了，頭髮嗰度我都覺得值得懷疑，但我想要source多d唔係睇d殘體文亂up 其實你我可以加上去，同埋銅線碎，紙碎屑嗰D sample都完全match，我覺得呢d冇涉及dna應該可靠好多掛，咁當然一定有可能有其他工場係可疑，但警方又話查晒周圍得佢呢間可疑，咁我唔知了

11哥都堅稱自己是清白㗎

而家個個都話緊你啲態度呀
屌完人扮乖仔呀？
我就一直都平心靜氣咁討論分析
你呢就係咁ban其他人嘅假設
ban唔緊要，都仲算理性討論
但你開始又咩PR佬又話人呢樣嗰樣
我先真係冇你咁好氣呀
條首相男朋友我就block咗好耐喇
佢仲係用緊王毅個名已經block咗
你呢，我就見你都叫有理性討論先冇block
但你而家啲態度同佢一樣
就好難唔block你喇

OK 咁我都信警察係有認真查
有樣野覺得好關鍵 就係歐陽有冇承認到死者有上去閣樓打電話？有冇source證明佢有承認呢點？
如果佢有認 點解佢要認我又唔明

因為如果承認左死者有上去打電話 照案件發展時間去諗 成件事真係好難唔係佢做

當然 我都講過一個我假設的可能性 一個曾經上去借電話個女仔嫁煱比歐陽呢條友 而果個女仔係閣樓睇到當時環境 決定做手腳

燒恥毛>令人聯想工場 因為需要燒桿器 同時令人覺得係變態佬做 諗唔到點解一定用燒呢個方法

死都身上紙條> 工場拾番黎 放係死者到做嫁煱 成日覺得呢張紙條出現得好突兀 歐陽性格咁冷靚會唔會咁唔小心？

衣物纖維> 200幾條得果7條中真係算少

最後一步！ 就係兇手放風出去話死者鐘意食果間雪糕店 令警察最後一定上去查


你可以話我呢個假設好on9 但我有權表達諗法 破案除左基於證據 有時侯都需要一種天馬行空的諗法 當然 任何諗法呢家都已經查證唔利

利伸 覺得歐陽有7成係兇手

第一段真係要追返post，印象中有個source係歐陽話條女個樣好普通，唔會對佢有興趣

同埋西裝纖維係幾關鍵，7條唔算少啦講真，你冇身體接觸好難會飛到過去我覺得已經足夠推斷出佢哋係有接觸

兩個人有接觸已經好可疑，佢唔係是但搵條友嚟驗，而係搵個可疑人物嚟驗
(不過呢個需要更多source/權威人士補充，兩邊說法都有理據)

紙碎嗰part，其實唔止紙碎，仲有好多咩銅線呀、膠片嗰D嘢都係match

有女仔嫁禍佢，咁歐陽個人棟喺度點會唔知？除非佢隱暪，但咁就唔係嫁禍

要嫁禍除左拎走紙碎 上去拎埋銅線 膠片都得
點解歐陽唔知係嫁禍？因為佢可能以為上黎借電話嘅就係死者 兇手發覺呢個目標值得嫁禍 除左拎走閣樓物件 仲同歐陽傾計時話自己名字叫 卞玉英

會唔會只係見過一陣 認樣貌上唔記得太清楚

歐陽炳強到呢一刻都以為借電話就係個死者
其實 果個女仔係兇手



利伸 鐘意睇偵探小說 會用兇手角度去諗一件案件

要令咁多巧合證據出現得兩個可能性
一 死者係閣樓出現過
二 兇手係閣樓出現過

一就證明 歐陽係兇手
二就有機會證明歐陽唔係兇手

咁都比你諗到
好痴線

但仲有個點係個工場本身有上鎖，得職員有匙

嫁禍嫁到吸到咁多微細碎屑都幾勁

呢個女人一定係非池中物，會唔會屈機到離譜

其實我都諗過，有條友好熟悉歐陽同佢好大仇口嫁禍佢，但都係破解唔到工場個bug，而警方又查晒其他有匙嘅人都係冇可疑，所以呢個位真係好關鍵

要清楚工場個環境圖同位置圖先答到你呢個bug
但係 閣樓打電話位置會唔會離工場好近 有d證據會留左係打電話位置附近好易拎到

我覺得又未必要熟歐陽先嫁禍佢 只要佢曾經上過去打電話見到個環境就得

意思係 兇手唔只一次上過去打電話

我一開始就係質疑頭髮嗰part
係咪真係睇得出條頭髮係咪屬於女死者
條頭髮有獨特性就話姐
例如女死者同工場搵到的頭髮都係特別長 或者有特別的顏色

至於西裝嗰到
人人都用柔順劑洗架啦
洗完一樣有咩咁出奇
但係如果洗的次數 又或者唔同牌子的柔順劑
會導致件衫具有獨特性咪可信
問題係好似又冇呢d資料
就咁話吻合就吻合
100%一樣係指即使鑑證人員唔知邊件西裝係屬於被告的情況下
都可以憑嗰7條指甲內的纖維辨認出呢7條纖維係屬於被告的西裝？
因為我地好多時都會受自己主觀的感覺影響左
所以先要用單盲／雙盲實驗黎消除主觀感覺的影響
如果鑑證人員喺鑑證前就知道邊件西裝係屬於被告
會唔會出現呢種主觀感覺？
同埋做鑑證的時候
佢係用1.嗰7條纖維同100個樣本比較 搵出有相同纖維的衣物
定係用2.嗰2百幾條纖維同樣本比較 搵出同指甲樣本有相同纖維的組合？
因為我覺得用第1個方法唔公平
如果用第2個方法的話
如果結果係有好多對有相同纖維的組合的話
意思即係隨便搵100件衫返黎 都會喺指甲樣本內搵到相同的纖維
咁就表示呢項證據係不具獨特性
咁指甲內有被告西裝纖維都只係巧合
相反 如果只有被告西裝同指甲樣本出現相同纖維
咁就表示呢件衫係具有獨特性

至於碎屑方面
其實都係質疑d碎屑有冇獨特性
例如死者身上搵到的碎屑係喺邊個部位搵到 係咪所有碎屑都肯定來自嗰間工場 冇任何來源不明的碎屑
工場地上搵到的碎屑種類係咪大部分都喺死者身上搵到(當然係容易痴上身嗰d)
如果死者身上的碎屑組合係嗰間工場獨有
咁呢項證據就算係具有獨特性
相反 如果隨便搵間五金鋪或者街上有碎屑的地方訓一訓／坐一坐低都會出現呢種碎屑組合
咁呢項證據就冇獨特性

我覺得有獨特性的證據先可以用黎指證被告
而獨特性可以用%黎分析
例如普遍黎講唔係男就女(各50% 當住先)
A B AB O型血(各25% 當住先)
又係男 又係A型血的人只有12.5%
如果再多幾項特徵作為篩選條件就可能令佢變得更加獨特 由一堆冇獨特性的條件姐合變成有獨特性的人
至於究竟有幾獨特先應該將被告定罪呢？
我覺得最小5%以下

其實大家都係茶餘飯後討論下唔使咁激動
想問下有無得用依家科學鑑識手法再查返
例如用紫外光燈睇返間雪糕店有無血跡（假設未拆） 或者再查下證物
另外 會唔會有當時既法庭報告睇到呢？
依家太多sources 都唔知真定假

睇返個棄屍地點咁近真係有d on9喎
點推都推遠d啦

我都咁諗 如果唔係歐陽玩高章法 玩逆向思維 就覺得應該係有人嫁禍比佢

其十金
其實好多網上料都流流地
當時新聞講個校工係答過點名簿係無死者名 但本簿後來先唔見
我認為歐陽係兇手可能性好大 只不過證據有瑕疵 先咁多假想

呢d事實上的問題好難判斷
例如話佢要做野 根本唔可以行開都合理
所以我覺得最關鍵都係d鑑證究竟有幾可信